Stjórn og starfsfólk Menntavísindasvið

Stjórn Menntavísindasviðs 2020-2021:

• Kolbrún Pálsdóttir, forseti fræðasviðs
• Ársæll Már Arnarsson, forseti Deildar heilsueflingar, íþrótta og tómstunda (til vara Ástríður Stefánsdóttir)
• Freyja Hreinsdóttir, forseti Deildar faggreinakennslu (til vara Helga Rut Guðmundsdóttir)
• Ingólfur Ásgeir Jóhannesson, forseti Deildar menntunar og margbreytileika (til vara Guðrún Valgerður Stefánsdóttir)
• Kristín Jónsdóttir, forseti Deildar kennslu- og menntunarfræði (til vara Karen Rut Gísladóttir)
• Magdalena Katrín Sveinsdóttir, fulltrúi nemenda

Forseti Menntavísindasviðs er Kolbrún Pálsdóttir, dósent í tómstunda- og félagsmálafræði.

Forseti Menntavísindasviðs er ráðinn af rektor að fenginni tillögu valnefndar. Hann er æðsti yfirmaður og akademískur leiðtogi fræðasviðsins, fer með vald stjórnar þess á milli funda og stjórnar daglegri starfsemi þess. Með forseta fræðasviðs starfar öflugt teymi stjórnenda og sérfræðinga.
Forseti fræðasviðs ber m.a. ábyrgð á:

• Útfærslu stefnu Háskóla Íslands á vettvangi fræðasviðs
• Öflugri liðsheild og faglegu samstarfi
• Tengslum við innlenda og erlenda samstarfsaðila,fjármálum og rekstri fræðasviðs og stofnana sem undir það heyra
• Starfsmannamálum
• Gæðum kennslu, rannsókna og þjónustu
• Stjórnsýslu og stoðþjónustu fræðasviðsins

Við Menntavísindasvið starfa ýmsar nefndir um margvísleg málefni. Nánari upplýsingar um starfsemi nefnda er að finna í Uglu (innri vef HÍ).

Fastanefndir 

Á Menntavísindasviði eru starfandi fimm fastanefndir.

• Doktorsnámsnefnd
• Fastanefnd um meistaranám
• Jafnréttisnefnd
• Kennslunefnd 
• Vísindanefnd

Auk þess eru starfandi nokkrir sérstakir starfshópar og tímabundnar nefndir.

Í stefnu Menntavísindasviðs 2017–2021 birtast áherslur sviðsins til næstu fjögurra ára í eftirfarandi málaflokkum: Nám og kennsla; Rannsóknir; Virk þátttaka í samfélagi og atvinnulífi; Mannauður. Stefna Menntavísindasviðs var unnin í takt við Stefnu Háskóla Íslands 2016–2021 og hefur svipuð markmið. 

Vinna við stefnuna hófst á misserisþingi í apríl árið 2016. Þátttakendum á þinginu bauðst að skipta sér í hópa þar sem fjallað var um málaflokkana fjóra. Eftir þingið voru skipaðir starfshópar til að vinna áfram með niðurstöður hópavinnunnar. Í stefnunni eru settar fram aðgerðir sem starfsfólki þótti styðja best við markmið sviðsins.

• Mannauður
• Nám og kennsla
• Rannsóknir
• Virk þátttaka í samfélagi og atvinnulífi