Spurt og svarað

Almenna reglan er stúdentspróf, eða sambærilegt próf frá erlendum skóla. Sumar deildir gera þó meiri kröfur.

• Í læknisfræði, sjúkraþjálfun og tannlæknisfræði eru haldin inntökupróf.
• Í tannsmíði og hjúkrunarfræði eru haldin samkeppnispróf við lok haustmisseris í desember og í geislafræði við lok fyrsta námsárs.

Þú finnur nánari upplýsingar í reglum um inntökuskilyrði í grunnnám. 

Sumar deildir veita undanþágur frá almennum inntökuskilyrðum sem þú finnur í kennsluskrá.

Inntökuskilyrði í meistara- og doktorsnám eru háð sérreglum hverrar deildar fyrir sig.

• Almennur umsóknarfrestur
  • Fyrir grunnnám
  • Fyrir framhaldsnám
• Fyrir inntökupróf í læknisfræði og sjúkraþjálfun: Frá byrjun mars til 20. maí.
• Íslenska sem annað mál: Frá desember til 1. febrúar. Umsækjendur með íslenska kennitölu geta einnig sótt um frá byrjun mars til 20. maí í BA-nám og frá byrjun mars til 5. júní í Hagnýtt nám.
• Erlendir umsækjendur:
  • Frá byrjun desember til 1. febrúar.
  • Norrænir ríkisborgarar og þeir erlendu umsækjendur sem búið hafa á Íslandi í fjögur ár geta sótt um innan almenns umsóknarfrests.
• Innlendir skiptinemar:
  • 1. febrúar.
• Erlendir skiptinemar:
  • 1. mars/1. maí vegna  haustmisseris.
  • 1. ágúst/1. október vegna vormisseris.

Þú sækir um nám við HÍ með því að fylla út umsókn á vef skólans.

Þar finnur þú einnig:

• Upplýsingar um umsóknarfrest.
• Inntökuskilyrði.
• Nauðsynleg fylgigögn.
• Skrásetningargjöld og fleira.

Þú fylgist með afgreiðslu umsóknar þinnar í samskiptagáttinni þar sem þú sóttir um námið, undir flipanum  „Yfirlit umsókna“.

Þú ferð inn á síðuna með því að nota netfangið þitt og lykilorðið sem þú bjóst til þegar þú skráðir þig upphaflega inn í samskiptagáttina.

Við hvetjum þig eindregið til að fylgjast vel með framvindu umsóknar.

• Nemendur við Háskóla Íslands greiða árlegt skrásetningargjald, sem er 75.000 kr. en ekki skólagjöld.
• Þú greiðir skrásetningargjaldið í samskiptagáttinni með greiðslukorti, í einu lagi eða með kortaláni.
• Skrásetningargjaldið verður að greiða fyrir eindaga, 4. júlí. Með greiðslu gjaldsins staðfestir þú skólavist þína.

Nemendur með örorku- eða endurhæfingarlífeyri greiða 55.000 kr. skrásetningargjald. Þeir þurfa að hafa samband við Nemendaskrá eða Þjónustuborðið Háskólatorgi og framvísa örorkuskírteini eða úrskurði.

Umsækjendur sem fengið hafa heimild til að hefja nám á vormisseri greiða 55.000 kr. í skrásetningargjald. Þeir sem hyggjast hefja nám á vormisseri verða að greiða skrásetningargjald og staðfesta þar með skrásetningu sína fyrir eindaga, 6. janúar.

• Nánari upplýsingar um skrásetningargjald má finna hér.

Um leið og þú hefur greitt skrásetningargjaldið getur þú sótt notandanafn og lykilorð í samskiptagáttinni. 

Birting notandanafns og lykilorðs í Uglu varir í stuttan tíma í samskiptagáttinni og því mikilvægt að skrá niður hjá sér notandanafnið og lykilorðið þegar það birtist í gáttinni.

Með aðgangi að Uglu færð þú einnig netfang hjá Háskólanum (notendanafn@hi.is). Háskólatölvupóstinn finnur þú í gegnum Uglu.

Þú finnur upplýsingar um upphaf kennslu og kennslutímabil í kennslualmanaki en athugaðu að dagsetningar eru mismunandi milli fræðasviða og deilda.

Þú getur skoðað þína stundatöflu í Uglu með því að smella á Uglan mín → Stundataflan mín og einnig í SmáUglunni.

Áður en stundataflan þín birtist í Uglu getur þú fundið drög að stundatöflum hér á vefnum og á heimasíðum deilda.

Árleg skráning er skráning í námskeið næsta háskólaárs, bæði haust- og vormisseri.

Mjög mikilvægt er að sinna skráningu á tímabili árlegrar skráningar á hverju vori, þar sem árleg skráning jafngildir skráningu í skólann næsta ár.

Upplýsingar um árlega skráningu er að finna í kennslualmanaki HÍ og nemendur skrá sig í námskeið í Uglunni á auglýstu tímabili.

Ef þú skráir þig ekki er litið svo á að þú sét hætt/ur námi. Ef veita þarf undanþágu frá þessu ákvæði þarftu að greiða 15% álag á innritunargjaldið.

• Þú berð ábyrgð á þínu námi og skráir þig í öll námskeið í Uglu.
• Í mars á hverju ári verður þú að velja námskeið fyrir næsta skólaár ef þú ætlar að halda áfram í núverandi námi.
• Þú skráir þig með því að smella á borðann sem birtist efst í Uglu.
• Mundu eftir að staðfesta valið með því að smella á „Vista“ neðst á síðunni.

Breytingar á skráningu

• Í upphafi hvors misseris, til 5. september á haustmisseri og til 21. janúar á vormisseri, getur þú breytt námskeiðaskráningunni í Uglu.  
• Eftir það er ekki hægt að skrá sig í ný námskeið.
• Skráning í námskeið er jafnframt skráning í próf og veitir aðgang að öllum gögnum námskeiðs og því er mikilvægt að skráningin sé alltaf rétt.

Athugaðu að breytingar á námskeiðaskráningu koma ekki fram í stundatöflu fyrr en eftir þrjá klukkutíma.

Nánari upplýsingar um skráningartímabil má sjá í kennslualmanaki.

Þurfir þú af einhverjum ástæðum aðstoð við námskeiðaskráningu getur þú leitað til Nemendaskrár.

• Fullt nám á einu háskólaári er 60 ECTS einingar, 30 ECTS einingar á hvoru misseri.
• Þú mátt þó skrá þig í allt að 40 ECTS einingar á misseri.
• Ef þú vilt skrá þig í enn fleiri einingar þarftu að sækja sérstaklega um það hjá deildinni þinni.

Þú berð ábyrgð á þínu námi og skráir þig úr námskeiðum í Uglu (Uglan mín → Námskeiðin mín. Aftan við hvert námskeið er tákn fyrir úrsögn sem þú smellir á.) 

• Athugaðu að staðfesta þarf valið svo úrsögn taki gildi.

Þú þarft að skrá þig úr námskeiði í síðasta lagi 15. september vegna prófa á haustmisseri og 1. febrúar vegna prófa á vormisseri.

Athugaðu að breytingar á námskeiðaskráningu koma ekki fram í stundatöflu fyrr en eftir þrjá klukkutíma.

Ef vandamál koma upp við úrsögn úr námskeiðum getur þú leitað til Nemendaskrár.

• Skráir þú þig ekki úr námskeiði, sem þú ætlar ekki að taka, jafngildir það falli í námskeiðinu.

Í mars á hverju ári fer fram skráning í áframhaldandi nám í Uglu þar sem nemendur velja sér námskeið fyrir bæði haust- og vormisseri næsta háskólaárs.

Það er mjög mikilvægt að sinna skráningunni þar sem hún jafngildir skráningu í skólann næsta ár.

Þú skráir þig með því að smella á borðann sem birtist í Uglu og velur um leið hvernig þú greiðir skrásetningargjaldið.

Mundu eftir að staðfesta valið með því að smella á „Vista“ neðst á síðunni. Með því að greiða skrásetningargjaldið staðfestir þú að þú ætlir að halda áfram námi.

Í upphafi hvors misseris, til 5. september á haustmisseri og til 21. janúar á vormisseri, getur þú breytt námskeiðaskráningunni í Uglu.

Skráir þú þig ekki er litið svo á að þú sért hætt/-ur námi.

Ef þú hefur gleymt að skrá þig verður þú að hafa samband við Nemendaskrá.

Nánari upplýsingar um dagsetningu árlegrar skráningar eru í kennsluskrá.

Kennsluáætlun finnur þú á vef hvers námskeiðs í námsumsjónarkerfinu Canvas. Í kennsluáætlun er oftast að finna upplýsingar um lesefni námskeiðsins.

Í kennsluáætlun á einnig að koma fram hvernig námsmati námskeiðsins er háttað, þ.e. vægi prófa og/eða verkefna, hvort mætingarskylda er í námskeiðinu o.s.frv.

Í kennsluskrá eru ítarlegar upplýsingar um allar námsleiðir og öll námskeið sem eru í boði við Háskólann.

• Kennsluskráin er því afar mikilvæg og skynsamlegt er að þú kynnir þér vel þær upplýsingar sem þar eru um þitt nám.

Á vef Bóksölu stúdenta birtast bókalistar fyrir flest námskeið Háskóla Íslands. Einnig getur þú fundið bókalista á vef námskeiða í Canvas eða í kennsluskrá.

Flestar bækur er hægt að kaupa eða panta í Bóksölu stúdenta. Skiptibókamarkaði er að finna í smáauglýsingum í Uglu þar sem oft má finna notaðar bækur á góðu verði. Einnig reka nokkrar deildir og nemendafélög bóksölu fyrir sína nemendur.

Í einhverjum tilvikum láta kennarar taka frá bækur og uppflettirit sem tengjast námskeiðum hjá Landsbókasafni - Háskólabókasafni sem nemendur geta þá notað á staðnum eða tekið út í takmarkaðan tíma.

Meginreglan er að tímasókn er frjáls. Þó er oft gerð krafa um tímasókn í námskeiðum þar sem kennslan byggist að hluta á framlagi nemenda, s.s. umræðu- og verkefnatímum.

Sé mætingaskylda í námskeiði er það merkt í yfirliti námsins í kennsluskrá og einnig í námskeiðalýsingu námskeiðsins í kennsluskránni.

Misjafnt er eftir sviðum og deildum hversu mörg námskeið eru kennd í fjarnámi.

Í kennsluskrá er yfirlit yfir það nám þar sem námskeið bjóðast í fjarnámi.

Í sumum tilfellum geta nemendur tekið einstök námskeið í fjarnámi þótt þau séu ekki auglýst sem slík, en það er þá alltaf í samráði við viðkomandi kennara.

Nánari upplýsingar um fjarnám.

Háskóli Íslands býður einnig upp á ókeypis alþjóðleg netnámskeið í samstarfi við edX sem eru opin öllum.

Þú getur sótt um að fá nám frá annarri deild eða öðrum skóla metið til eininga inn í núverandi nám þitt hjá deildinni þinni.

Alþjóðasvið gefur allar upplýsingar um nám erlendis.

Ef skila þarf staðfestum gögnum á pappír er hægt að fá stimplað og undirritað vottorð á Þjónustuborðinu Háskólatorgi gegn framvísun skilríkja eða sent í bréfpósti á lögheimili þitt. Stafrænt undirrituð vottorð er hægt að panta með því að senda tölvupóst á haskolatorg@hi.is. Vottorð kostar 350 kr.

Vinsamlegast athugaðu að mjög mismunandi er hvaða upplýsingar þurfa að koma fram í vottorðum og því mikilvægt að þú takir skýrt fram hvaða upplýsingar þú þarft.

Ef skila þarf staðfestum gögnum á pappír er hægt að fá stimplað og undirritað námsferilsyfirlit á Þjónustuborðinu Háskólatorgi gegn framvísun skilríkja eða sent í bréfpósti á lögheimili þitt. Stafrænt undirritað námsferilsyfirlit er hægt að panta með því að senda tölvupóst á haskolatorg@hi.is. Yfirlit kostar 350 kr. fyrir hvern námsferil.

Ef skila þarf staðfestum gögnum á pappír er hægt að fá námskeiðalýsingar með stimpli og undirskrift á Þjónustuborðinu Háskólatorgi gegn framvísun skilríkja eða sent í bréfpósti á lögheimili þitt. Stafrænt undirritaðar námskeiðalýsingar er hægt að panta með því að senda tölvupóst á haskolatorg@hi.is. Námskeiðalýsingar kosta 450 kr.  

Athugaðu að komið getur fyrir að gamlar námskeiðalýsingar séu ekki til.

Við brautskráningu færð þú afhent skírteini, skírteinisviðauka og námsferilsyfirlit með brautskráningu. Skírteinið og viðaukinn eru aldrei endurútgefin en þú getur komið með frumritin á Þjónustuborðið Háskólatorgi þar sem tekið er afrit og það staðfest með stimpli og undirskrift. Afrit kostar 350-1.400 kr. Í mörgum tilvikum eru afrit skírteina til á Þjónustuborðinu Háskólatorgi. Ekki er hægt að útbúa stafrænt undirritað pdf skjal af skírteini eða skírteinisviðauka.

Námsferilsyfirlit með brautskráningu sem sýnir öll námskeið, einingar og einkunnir á brautskráðum ferli þarf að panta á Þjónustuborðinu (haskolatorg@hi.is). Yfirlitið kostar 350 kr. fyrir hvern brautskráðan feril og hægt að fá sem stafrænt undirritað pdf skjal eða stimplað og undirritað á pappír.

Ef skila þarf staðfestum gögnum á pappír er hægt að fá stimplað og undirritað vottorð á Þjónustuborðinu Háskólatorgi gegn framvísun skilríkja eða sent í bréfpósti á lögheimili þitt. Stafrænt undirrituð vottorð er hægt að panta með því að senda tölvupóst á haskolatorg@hi.is. Vottorð kostar 350 kr.

Vinsamlegast athugaðu að mjög mismunandi er hvaða upplýsingar þurfa að koma fram í vottorðum og því mikilvægt að þú takir skýrt fram hvaða upplýsingar þú þarft.

Stafrænt undirrituð skjöl eru rekjanleg pdf skjöl sem ætluð eru til að skila inn rafrænt til hinna ýmsu stofnanna. Stafrænt undirrituð skjöl frá Þjónustuborðinu Háskólatorgi þarf að opna í Adobe Acrobat til að sannreyna stafrænu undirskriftina. Stafrænt undirritað skjal sem er prentað út er ekki staðfest skjal.

Skjal sem er stimplað og undirritað er ætlað til að skila á pappír til hinna ýmsu stofnanna. Ljósrit eða skannað eintak af stimpluðu skjali er ekki staðfest skjal.

Nemendaráðgjöf HÍ er á þriðju hæð í Háskólatorgi. Nemendur Háskólans geta bókað viðtal hjá ráðgjafa í bókunargátt eða úrræði í námi og prófum eftir því hvert erindið er, eða í síma 525 4315. 

Hér er hægt að bóka tíma  hjá ráðgjafa í bókunargátt:

• Nemendaráðgjöf HÍ
• Úrræði í námi og prófum

Nemendaráðgjöf HÍ er á þriðju hæð í Háskólatorgi. Nemendur Háskólans geta einnig bókað viðtal í síma 525 4315.

Í mars á hverju ári fer fram skráning í áframhaldandi nám í Uglu þar sem þú getur jafnframt óskað eftir því að skipta um aðalfag. Þú skráir þig með því að smella á borðann sem birtist í Uglu og smellir á hlekkinn um að skipta um námsleið.

Þetta gildir einnig í upphafi hvors misseris þegar þú getur breytt námskeiðaskráningunni. Athugaðu að slíkar breytingar geta verið bundnar við misseri, þ.e. að ekki er hægt að hefja nám á vormisseri á öllum námsleiðum.

Ef þú vilt skrá þig í aukagrein þarftu að senda tölvupóst til Nemendaskrár (nemskra@hi.is).

Viljir þú taka hlé frá námi þarftu fyrst að fá leyfi frá þinni deild. Þegar þú hefur fengið leyfið hefur þú samband við Þjónustuborðið Háskólatorgi og greiðir 10.000 kr. leyfisgjald.

Með því að greiða leyfisgjaldið helst Uglan þín opin og þú ert enn nemandi og getur því skráð þig í áframhaldandi nám í mars.

Ef þú greiðir ekki leyfisgjald er ferli þínum lokað.

Skráning í námskeið og vinnustofur NHÍ fer fram á Þjónustuborðinu Háskólatorgi. Hægt er að koma eða hringja (s. 525 5800) en athugaðu að alltaf þarf að greiða við skráningu. Ath. að einungis er hægt að greiða með kreditkorti í símgreiðslum.

Alþjóðasvið tekur við umsóknum frá nemendum Háskóla Íslands sem hyggjast fara utan sem skiptinemar og annast samskipti við samstarfsskólann. Nánari upplýsingar má sjá á vef skrifstofunnar.

Umsóknarfrestur til að sækja um skiptinám:

• 1. febrúar ár hvert

Ef þú vilt hætta námi þarftu að skila inn skriflegri yfirlýsingu um það. Það er hægt að gera með því að senda tölvupóst til Nemendaskrár (nemskra@hi.is) eða með því að koma á Þjónustuborðið Háskólatorgi og fylla út eyðublað sem staðfestir úrsögn úr Háskólanum. Námsferli þínum er þá lokað.

Ath. að úrsögn úr námskeiðum í Uglu er ekki úrsögn úr Háskólanum. Einstaklingur sem greitt hefur skrásetningargjald er skráður nemandi viðkomandi háskólaár óháð námskeiðaskráningu.

Almenn próf eru samkvæmt reglum háskólans haldin 2. til 18. desember og 25. apríl til 10. maí. Tímabil almennra prófa, sjúkraprófa og endurtökuprófa má alltaf finna í kennslualmanaki.

Þín próftafla er í Uglunni: Uglan mín → Námskeiðin mín → Próf. Einum til þremur dögum fyrir prófið getur þú séð í hvaða byggingu, stofu og við hvaða borð þú tekur prófið. 

Allar próftöflur er að finna hér.

Próftaflan þín er einnig í SmáUglunni.

Próftímabil er að finna í kennslualmanaki.

Skráning í námskeið er jafnframt skráning í próf. Þú þarft eingöngu að skrá þig sérstaklega í sjúkrapróf og endurtökupróf og það gerir þú í Uglu. Ef slík próf eru utan auglýsts próftíma þarf í sumum tilvikum að hafa samband við Nemendaskrá til að fá aðstoð við skráningu í sjúkra- og endurtökupróf.

Skráning úr námskeiði er jafnframt skráning úr prófi (Uglan mín → Námskeiðin mín. Þar aftan við hvert námskeið er tákn fyrir úrsögn sem hægt er að smella á. Athugaðu að staðfesta þarf valið svo úrsögn taki gildi).

Þú þarft að hafa sagt þig úr námskeiði í síðasta lagi 1. október vegna prófa á haustmisseri og 1. febrúar vegna prófa á vormisseri.

Viljir þú af einhverjum ástæðum skrá þig úr endurtökuprófi sendir þú Nemendaskrá tölvupóst nemskra@hi.is (með nafni, kennitölu, námskeiðsheiti og -númeri) en gjald vegna endurtökuprófa er ekki endurgreitt.

Skráir þú þig ekki úr prófi, sem þú ætlar ekki að taka, jafngildir það falli á prófinu.

Nemendur eiga rétt á því að fá að skoða eldri prófverkefni sem lögð hafa verið fyrir.

Prófverkefni eru í prófasafni hvers námskeiðs. Prófasafnið er aðgengilegt á vef námskeiðsins í Uglu.

Í sumum tilvikum hafa kennarar ákveðið að veita sjálfir aðgang að verkefnunum og í prófasafninu sést þá hver kennarinn er og hvenær prófið var haldið. Í þeim tilvikum þarf að hafa samband við kennarann til að skoða eldri prófverkefni.

Ef þú veikist og getur ekki mætt til prófs þarftu að tilkynna veikindi með tölvupósti til Nemendaskrár, nemskra@hi.is, innan þriggja daga frá prófdegi.

Ef þú vilt taka sjúkrapróf skráir þú þig í prófið í Uglu með því að smella á bláa borðann sem birtist efst á síðunni 1-2 dögum eftir að þú tilkynntir veikindi.

Vegna hlutaprófa geta deidir farið fram á að læknisvottorði sé skilað og er þeim skilað til skrifstofu deildar eða viðkomandi kennara.

Nánari upplýsingar um veikindi í prófi eru á upplýsingasíðu um próf.

Einkunnir eiga að hafa birst í síðasta lagi 3 vikum eftir prófdag lokaprófs á haustmisseri en í síðasta lagi 2 vikum eftir önnur próf. 

Meginreglan er sú að heimilt er að þreyta próf í hverju námskeiði tvisvar. Ef þú fellur eða mætir ekki í lokapróf er þér heimilt að taka það aftur næst þegar lokapróf er haldið í viðkomandi námskeiði svo lengi sem það er innan árs frá upphaflegu prófi.

Auk þess er deildum heimilt, í samráði við prófstjóra, að halda endurtökupróf í einstökum námskeiðum. Slík endurtökupróf eru einungis fyrir stúdenta sem áður hafa þreytt próf í viðkomandi námskeiði.

Greiða þarf 6.000 kr. fyrir hverja skráningu í endurtökupróf. Þú skráir þig í endurtökupróf með því að smella á borða í Uglu eða á Þjónustuborðinu Háskólatorgi.

Upplýsingar um próftímabil endurtökuprófa má sjá í kennslualmanaki.

Sjá nánar í reglum um endurtöku prófa.

Þú þarft að óska eftir prófsýningu innan 15 daga frá birtingu einkunnar, með því að hafa samband við kennara námskeiðsins.

Já þú mátt taka próf aftur sem þú hefur staðist ef þú vilt hækka einkunn þína. Þetta er hægt bæði með því að skrá sig í endurtökupróf og greiða fyrir það 6.000 kr eða skrá sig aftur í námskeiðið.

Athugaðu að ef þú ferð aftur í próf sem þú hefur staðist þá gildir seinni einkunnin. Þannig að ef þú lækkar í einkunn eða fellur á seinna prófinu þá gildir sú einkunn.

Teljir þú að brotið sé á rétti þínum varðandi kennslu, próf, námsmat, einkunnagjöf, mat á námsframvindu eða annað sem snýr að kennslu og prófum skaltu senda skriflegt erindi til deildarforseta.

Sjá nánar í kennsluskrá, um ferli kvartana og kærumála.

Hér má lesa prófreglur HÍ.

Mikilvægar upplýsingar, skjöl og eyðublöð sem varða prófhald í Háskóla Íslands eru aðgengileg í Uglunni, innri vef Háskólans.

Hjá Háskóla Íslands er starfandi Ritver sem er með tvær starfsstöðvar, í bókasafni Menntavísindasviðs við Stakkahlíð og á 2. hæð í Þjóðarbókhlöðu (Landsbókasafni). Þar geta nemendur allra fræðasviða pantað viðtalsfund og fengið góð ráð um hvers kyns úrlausnarefni sem tengjast fræðilegum ritgerðum, skýrslum og öðrum skriflegum verkefnum.

Nemendaráðgjöf HÍ býður einnig upp á námskeið fyrir nemendur í grunnnámi sem eru að hefja vinnu við lokaverkefni.

Þér ber að kynna þér reglur og tímamörk deildar þinnar um skil á ritgerð/lokaverkefni.

Hvort sem þú ætlar þér að vera viðstödd/viðstaddur athöfn eða ekki þarftu alltaf að skrá þig í brautskráningu. Þetta getur þú gert í Uglu um leið og þú velur námskeið.

Þegar nær dregur brautskráningu verður þú að staðfesta hjá deildinni þinni að þú ætlir að brautskrást. Í flestum tilvikum er þetta gert á vef deildarinnar.

Ef þú ert ekki skráð/-ur í brautskráningu og/eða hefur ekki staðfest við deildina þína í lok misseris að þú ætlir að brautskrást er litið svo á að þú ætlir ekki að brautskrást.

Á vefnum honnun.hi.is má nálgast sniðmát fyrir kápur bakkalár- og meistararitgerða á öllum fræðasviðum skólans. Gætið að því að vista skjalið í tölvunni áður en það er opnað. Skjalið virkar ekki ef það er opnað í vafra heldur þarf að opna það í Acrobat Reader forritinu.

Á vef fræðasviðanna í Uglu er að finna sniðmát fyrir frágang lokaverkefna og ritgerða.

Háskóli Íslands notar forritið Turnitin til varnar ritstuldi. Í Turnitin er hægt að hlaða inn skjali með texta, t.d. lokaverkefni nemanda. Forritið ber texta skjalsins saman við mikið safn heimilda. Niðurstaðan sýnir hvort rétt er farið með heimildir og tilvísanir í þær, eða hvort um er að ræða óeðlilega mikla samsvörun við verk annarra höfunda.

Leiðbeiningar um notkun forritsins má nálgast á eftirfarandi stöðum:

• Í PDF-skjali í Uglu, innri vef Háskólans
• Í kennsluskrá

Undir liðnum Fræðasvið í Uglu má finna upplýsingar fyrir nemendur á síðum viðkomandi deilda. Þar eru ýmsar hagnýtar upplýsingar um lokaverkefni.

Upplýsingar um lokaverkefni og fleira þeim tengt er hægt að nálgast í Uglu, innri vef Háskólans.

Skiladagar lokaverkefna eru mismunandi eftir sviðum og deildum.

Stúdentakort er fyrst og fremst auðkennis- og afsláttarkort nemenda.

Gegn framvísun stúdentakorts færðu afslátt af heita matnum og kaffikorti í Hámu og á vef Stúdentaráðs finnur þú upplýsingar um ýmsa fleiri afslætti sem fylgja kortinu.

Stúdentakort getur einnig veitt aukinn aðgang að byggingum Háskólans utan almenns opnunartíma.

Athugaðu að þú sækir ekki um nýtt stúdentakort á hverju ári heldur færðu límmiða með nýjum gildistíma á Þjónustuborðinu Háskólatorgi eða á Kennsluskrifstofu Menntavísindasviðs á jarðhæð í Enni í Stakkahlíð. Einnig er hægt að fá límmiða hjá skrifstofu hjúkrunarfræðideildar í Eirbergi og læknadeildar í Læknagarði. 

Þú sækir um stúdentakort í Uglu: Uglan mín → Stúdentakort. Stúdentakort er auðkennis- og afsláttarkort en í umsókninni þarftu að velja hvort stúdentakortið veiti aðgang að byggingu (1.500 kr.) eða ekki (frítt). Enginn útlitsmunur er á kortunum en þú verður að velja annað hvort.

Aðgangskortið veitir þér aðgang að byggingum Háskólans umfram venjulegan opnunartíma þeirra. Opnunartími húsa með stúdentakorti er 06:30-24 alla daga. Þau hús sem um ræðir eru Háskólatorg og samtengdar húsum, VR-II, Askja. Læknagarður og Stakkahlíð. Innifalið í aðgangi að VR-II, Öskju, Læknagarði og Stakkahlíð er aðgangur að Háskólatorgi og samtengdum húsum.

Á próftíma veita aðgangskort aðgang til kl. 2 eftir miðnætti.

Opnunartíma bygginga án stúdentakorts má finna hér.

Athugaðu að þú getur ekki breytt aðgangslausu korti í aðgangskort eftir á heldur verður þú að sækja um nýtt kort. Ef þú vilt skipta um kortategund þarftu að senda póst á studentakort@hi.is frá HI-netfangi þínu með kennitölu og skýringu og þá verður opnað fyrir nýja umsókn í Uglu.

Aðgangskort kostar 1.500 kr. og þú getur fengið 1.000 kr. endurgreiddar ef þú skilar kortinu að námi loknu.

Athugaðu að þú sækir ekki um nýtt stúdentakort á hverju ári heldur færðu límmiða með nýjum gildistíma á Þjónustuborðinu Háskólatorgi eða á Kennsluskrifstofu Menntavísindasviðs á jarðhæð í Enni í Stakkahlíð. Einnig er hægt að fá límmiða hjá skrifstofu hjúkrunarfræðideildar í Eirbergi og læknadeildar í Læknagarði.

Upplýsingar um afslætti sem fylgja kortinu er að finna á vef Stúdentaráðs.

Sumir nemendur vilja hafa aðgang að byggingum Háskólans til að komast inn utan almenns opnunartíma og geta þá nýtt tölvuver, lesrými og annað eftir lokun.

Aðgangskortið veitir þér aðgang að nokkrum byggingum Háskólans umfram venjulegan opnunartíma þeirra. Opnunartími húsa með stúdentakorti er 06:30-24 alla daga. Öll aðgangskort veita aðgang að Háskólatorgi (innangengt í samtengdar byggingar) og geta notendur valið til viðbótar aðgang að VR-II, Öskju, Læknagarði eða Stakkahlíð.

Á próftíma veita aðgangskort aðgang til kl. 2 eftir miðnætti.

Opnunartíma bygginga án stúdentakorts má finna hér.

Íþróttahúsið er eingöngu opið nemendum og starfsfólki Háskólans.

Íþróttahúsið er gamalt og ekki vel útbúið fyrir hreyfihamlaða. Þar eru háir þröskuldar og engin lyfta.

Íþróttahúsið er opið öllum nemendum og starfsfólki Háskólans.

Aðgangur er seldur á Þjónustuborðinu í Háskólatorgi. Árgjaldið er 12.000 kr. og gildir frá 1. september til 31. ágúst.

Aðgangurinn gildir í alla auglýsta opna tíma í íþróttasal, tækjasal og gufubað.

Aðgangur í hálft ár kostar 6.000 kr., og er eingöngu í boði fyrir þá nemendur sem ekki eru í námi allt háskólaárið, t.d. skiptinema og þá sem hefja nám um áramót.

Sjá upplýsingar á síðu Íþróttahússins.

Um leið og þú hefur greitt skrásetningargjald skólans getur þú sótt notandanafn og lykilorð. Það gerirðu með því að nota netfangið þitt og lykilorðið sem þú bjóst til þegar þú skráðir þig inn í samskiptagátt Háskóla Íslands. Undir flipanum „Yfirlit umsókna“ er hægt úthluta sér notandanafni og lykilorði. Birting notandanafns og lykilorðs í Uglu varir í stuttan tíma í samskiptagáttinni og því mikilvægt að skrá niður hjá sér notandanafnið og lykilorðið þegar það birtist fyrst í gáttinni. 

Með aðgangi að Uglu færð þú einnig netfang hjá Háskólanum (notendanafn@hi.is). Háskólatölvupóstinn finnur þú í gegnum Uglu.

Þú finnur leiðbeiningar á forsíðu Uglu undir Ugluleiðbeiningar. Hér getur þú einnig skoðað kynningarmyndband um Uglu fyrir nýja notendur.

Þú hefur aðgang að þráðlausu neti Háskólans. Allt þráðlaust net HÍ fer í gegnum Eduroam.

Á vef Upplýsingatæknisviðs Háskóla Íslands er að finna leiðbeiningar um hvernig á að tengja tölvurnar. Tölvuþjónusta Upplýsingatæknisviðs getur aðstoðað nemendur við nettengingar.

Tölvuþjónustan er staðsett á 2. hæð í Háskólatorgi og í smiðju á 1. hæð í Hamri í Stakkahlíð. Afgreiðslutíminn er kl. 8-16. Einnig er hægt að hringja í Tölvuþjónustuna í síma 525 4222 eða senda tölvupóst á netfangið hjalp@hi.is.

Þú getur fengið nýtt lykilorð gegn framvísun skilríkja á eftirtöldum stöðum:

• Þjónustuborðinu Háskólatorgi
• Hjá Tölvuþjónustu Upplýsingatæknisviðs á 2. hæð á Háskólatorgi
• Í smiðju á 1. hæð í Hamri í Stakkahlíð

Einnig er hægt að fá lykilorð sent í heimabanka eða í pósti á lögheimili en lykilorð eru hvorki send í tölvupósti né gefin upp í síma.

Þú hefur aðgang að prenturum í tölvuverum Háskólans og á Landsbókasafni – Háskólabókasafni og getur keypt prentkvóta með greiðslukorti í Uglu. Prentkvóta má einnig kaupa á Þjónustuborðinu Háskólatorgi og hjá Tölvuþjónustu Upplýsingatæknisviðs í smiðju á 1. hæð í Hamri í Stakkahlíð.

Prentkvóti er bundinn við aðgang þinn að Uglu og þú þarft aðeins að skrá þig inn á tölvu í tölvuverum til að geta nýtt kvótann. Prentkvóti reiknast í einingum sem kosta 7 kr. og er hver eining ein blaðsíða prentuð í svart-hvítu. Ekki er hægt að kaupa færri en 50 einingar í einu.

Viljir þú prenta í lit eru dregnar 5 einingar af kvóta fyrir hverja prentaða síðu.

Lendir þú í vandræðum með prentkvóta skaltu snúa þér til Tölvuþjónustu Upplýsingatæknisviðs. Hjá UTS er hægt að sjá prentferil og fá bakfærðar einingar, til dæmis ef blek í prentara klárast. Þá þarftu að framvísa ónýtu blaðsíðunum.

Í Uglu, undir Tölvuþjónusta → Prentkvóti, sérðu fjölda prentkvótaeininga sem þú átt. Athugaðu að notkun prentkvótans uppfærist á nóttinni.

Til að geta prentað þarftu að eiga prentkvóta. Ef þú hefur keypt prentkvóta en getur samt ekki prentað getur eitt af eftirfarandi verið orsök þess:

1. Prentkvótinn hefur ekki enn þá uppfærst eftir kaupin.
2. Staða prentkvóta var í mínus þegar þú keyptir fleiri síður og þú átt því ekki nægan kvóta fyrir prentun.
3. Vandamál með tölvu eða prentara

Í Uglu undir Tölvuþjónusta → Prentkvóti sérðu fjölda prentkvótaeininga sem þú átt. Athugaðu að notkun prentkvótans uppfærist á nóttinni.

Þegar þú prentar út uppfærist staða prentkvóta ekki fyrr en um nóttina.

Eigir þú til dæmis 50 einingar að morgni getur þú prentað 50 síður mörgum sinnum yfir daginn en þegar prentkvóti uppfærist eftir miðnætti fer hann í mínus. Þú þarft því að greiða fyrir allar umfram síður sem þú hefur prentað út áður ásamt þeim fjölda blaðsíðna sem þú vilt eiga næst þegar þú kaupir prentkvóta.

Vegna þessa er mjög mikilvægt að þú hafir auga með stöðu prentkvótans og fjölda blaðsíðna sem verið er að prenta til að forðast slíkt.

Í Uglu, undir Tölvuþjónusta → Prentkvóti, sérðu fjölda prentkvótaeininga sem þú átt.

Einnig er mjög mikilvægt að þú munir eftir að skrá þig út úr tölvum í tölvuverum til að næsti notandi geti ekki prentað út á þínum aðgangi.

Á Landsbókasafni – Háskólabókasafni eru nokkrar ljósritunarvélar fyrir notendur safnsins. Hægt er að kaupa kort í afgreiðslu safnsins á 1. hæð.

Auk þess sér Háskólaprent, Fálkagötu 2, um alla almenna prentþjónustu gegn gjaldi.

Þú getur jafnframt notað skanna í tölvuverum sem senda skannaðar síður í tölvupósti og svo notað prentkvóta þinn til að prenta út blöð.

Viljir þú nýta aðgang Háskóla Íslands og Landsbókasafns – Háskólabókasafns að hinum ýmsu gagnasöfnum ásamt Snöru er hægt að setja upp svokallaða VPN-tengingu sem veitir þér aðgang þegar þú ert utan háskólasvæðisins.

Leiðbeiningar og frekari upplýsingar um uppsetningu VPN má finna á vef Upplýsingatæknisviðs.

Þú færð bókasafnsskírteini hjá Landsbókasafni – Háskólabókasafni án endurgjalds.

Skírteini fást afhent í afgreiðslu bókasafnsins gegn framvísun skilríkja.

Einnig er hægt að fá afhent skírteini hjá Bókasafni Menntavísindasviðs við Stakkahlíð.

Hægt er að bóka stofu fyrir hópavinnu einu sinni í viku í allt að þrjá tíma. Til að bóka þarf að senda póst á kennslustofur@hi.is. Í póstinum verður að taka fram nafn, kennitölu, námskeið og námskeiðsnúmer og nöfn þeirra sem eru í hópnum.

Sá sem biður um stofuna ber sjálfkrafa ábyrgð á henni og sér til þess að ekki sé verið með mat, gengið sé vel um, borðum og stólum rétt raðað upp, dyrum og gluggum lokað og slökkt á skjávarpa.

Athugaðu að beiðnir um stofur þurfa að berast á hefðbundnum vinnutíma og með 2-3 klst. fyrirvara.

Um nemendafélög gilda sömu umgengnisreglur. Formaður nemendafélags þarf að óska eftir stofunni í tölvupósti og taka skal fram heiti nemendafélags sem og fjöldann í hópnum.

Á Landsbókasafni – Háskólabókasafni er einnig að finna þrjú hópvinnuherbergi, eitt á 3. hæð og tvö á 4. hæð. Þau taka 3-10 manns. Hægt er að bóka hópvinnuherbergi á bókunarvef safnsins.

Á vef Stúdentaráðs finnur þú ýmsar hagnýtar upplýsingar ásamt lista yfir nemendafélög og tengiliði þeirra.

Nemendafélög hafa fæst sérstakar skrifstofur en þau hafa aðgang að aðstöðu Stúdentaráðs.

Til að komast í samband við nemendafélagið þitt er best að hafa samband við ábyrgðaraðila, s.s. formann, ritara eða gjaldkera.

Trans nemendur við Háskóla Íslands geta óskað eftir nafnabreytingu innan skólans til samræmis við kynvitund þeirra áður en lagaleg nafnbreyting hjá Þjóðskrá á sér stað.

Nemendur skulu snúa sér til Náms- og starfsráðgjafar sem staðsett er á þriðju hæð í Háskólatorgi. Hægt er að bóka viðtal í síma 525 4315.

Allar persónuupplýsingar sem Háskóli Íslands safnar, nýtir eða vinnur með öðrum hætti eru meðhöndlaðar í samræmi við ný lög um persónuvernd og vinnslu persónuupplýsinga. Með persónuupplýsingum er átt við þær upplýsingar sem auðkenna tiltekinn einstakling eða væri hægt að nota í þeim tilgangi.

Öll vinnsla Háskóla Íslands á viðkvæmum persónuupplýsingum fer fram með stoð í lögum um persónuvernd og reglugerð ESB 2016/679 um sama efni og í samræmi við ítrustu öryggiskröfur.

Þú getur óskað eftir afriti af persónuupplýsingum þeim sem Háskóli Íslands geymir um þig með því að leita til Þjónustuborðsins Háskólatorgi, Sæmundargötu 4, 102 Reykjavík og fylla þar út eyðublað. Athugaðu að framvísa þarf persónuskilríkjum þegar beiðni er lögð inn sem og við móttöku gagna.

Þú byrjar á að fara í Uglu og veitir Strætó leyfi til að fá staðfestingu á að þú sért í námi við HÍ sjá nánari upplýsingar hér. Síðan sækir þú um nemakort á Klapp vef Strætó.

Þú getur stillt Uglu þannig að matseðil Hámu birtist á forsíðunni. Matseðill er einnig á vef Félagsstofnunar stúdenta og í SmáUglunni.

Stúdentagarðar bjóða nemendum Háskóla Íslands til leigu húsnæði af ýmsum stærðum og gerðum á sanngjörnu verði.

Allar nánari upplýsingar er að finna á studentagardar.is.

Nemendur á Menntavísindasviði geta einnig sótt um hjá Byggingafélagi námsmanna.

Félagsstofnun stúdenta rekur þrjá leikskóla á háskólasvæðinu. 

Nánari upplýsingar um þá eru á vef Leikskóla FS.

Óskilamuni sem finnast í kennslustofum og almennum rýmum bygginga við Sæmundargötu má nálgast á Þjónustuborðinu Háskólatorgi. Annars staðar er hægt að nálgast óskilamuni á þjónustuborðum bygginga eða hjá umsjónarmönnum bygginga.

Hér eru upplýsingar um opnunartíma bygginga.

Meginmarkmið Bóksölunnar er að útvega nemendum við Háskóla Íslands kennslubækur og önnur námsgögn á sanngjörnu verði.

Þá þjónustar Bóksalan flesta háskóla landsins, fjölda framhaldsskóla og ýmsar stofnanir.

Bóksalan útvegar öll helstu fræðirit og handbækur. Einnig er á vef Bóksölunnar vefverslun með heimsendingarþjónustu.

Bókakaffi stúdenta og Kaupfélag stúdenta eru staðsett í Bóksölu stúdenta.

FS er fyrst og fremst þjónustufyrirtæki fyrir nemendur við Háskóla Íslands og er aðalmarkmið þess að bjóða nemendum við HÍ góða þjónustu á góðum kjörum og auka lífsgæði nemenda.

Í dag rekur FS:

• Bóksölu stúdenta
• Bókakaffi stúdenta
• Hámu
• Hámu heimshorn
• Hámu salatbar
• Kaffistofur stúdenta
• Leikskóla stúdenta
• Stúdentagarða
• Stúdentakjallarann

Nánari upplýsingar er að finna á vef Félagsstofnunar Stúdenta.

Náms- og starfsráðgjöf Háskóla Íslands veitir nemendum margskonar stuðning og þjónustu á meðan á námi stendur. Þar færð þú ráðgjöf um vinnubrögð í háskólanámi, prófundirbúning og próftækni.

NSHÍ veitir fræðslu og ráðgjöf varðandi atvinnuleit, atvinnuviðtöl, gerð ferilskrár o.þ.h.

Þú getur leitað til NSHÍ vegna sértækra úrræða í námi og fengið persónulega og sálfræðilega ráðgjöf, úrræði og ráðgjöf vegna fötlunar eða hömlunar og ráðgjöf í námsvali.

Starfsfólk Náms- og starfsráðgjafar heldur fjölda gagnlegra námskeiða, t.d. um námstækni, vinnu við lokaverkefni, prófundirbúning, markmiðasetningu og tímastjórnun. Náms- og starfsráðgjöf tekur einnig vel á móti þeim sem hyggja á nám við Háskóla Íslands.

Nemendaskrá Háskóla Íslands er þjónustueining fyrir nemendur, kennara og annað starfsfólk skólans og heldur skrá yfir alla nemendur skólans.

Skráin er sá grunnur sem allt skipulag námsins byggist á, s.s. stundaskrár, próf, stofubókanir, bókakaup og fleira. Nemendaskrá hefur m.a. umsjón með umsóknum um grunnnám, skrásetningu nemenda, innheimtu skrásetningargjalds og brautskráningu nemenda.

Nánari upplýsingar eru á síðu Nemendaskrár.

Upplýsingatæknisvið Háskóla Íslands hefur meðal annars umsjón með Uglu, SmáUglunni, Eduroam (þráðlaust net Háskólans), tölvuverum og prenturum á háskólasvæðinu.

Sviðið rekur Tölvuþjónustu UTS sem staðsett er á 2. hæð á Háskólatorgi og í smiðju á 1. hæð í Hamri, Stakkahlíð þar sem starfsmenn leiðbeina notendum og veita aðstoð við tölvutengd vandamál.

Spurningum er varða tölvumál er beint til help@hi.is

Nánari upplýsingar um alla þá fjölbreyttu þjónustu sem Upplýsingatæknisvið Háskóla Íslands býður upp á er að finna á vef sviðsins.

Alþjóðasvið Háskóla Íslands annast formleg samskipti Háskólans við erlendar menntastofnanir og veitir nemendum, kennurum og deildum Háskólans ýmsa þjónustu varðandi alþjóðlegt samstarf.

Alþjóðasvið hefur einnig umsjón með skiptinámi, starfsþjálfun og sumarnámi. Ef þú stefnir á námsdvöl erlendis getur þú leitað þér upplýsinga hjá Alþjóðasviði en umsóknir eru á vefnum.

Stúdentaráð Háskóla Íslands er skipað 27 stúdentum við skólann. Verkefni ráðsins eru mörg og fjölbreytt, allt frá hagsmunabaráttu fyrir stúdenta yfir í skemmtilega viðburði eins og Októberfest.

Á skrifstofu Stúdentaráðs starfar einnig hagsmuna- og lánasjóðsfulltrúi sem getur liðsinnt nemendum sem telja að brotið hafi verið á rétti þeirra.

Stúdentaráð heldur úti vefnum student.is þar sem er að finna ýmsar gagnlegar upplýsingar.

Segja má að Þjónustuborðið Háskólatorgi sé afgreiðsla fyrir þjónustueiningarnar sem eru í Háskólatorgi. Þjónustuborðið er oft fyrsti staðurinn sem nemendur leita til. Þar færð þú m.a. ýmis vottorð og yfirlit yfir námsferla og getur keypt prentkvóta.

Á Þjónustuborðinu skráir þú þig á námskeið Náms- og starfsráðgjafar, færð aðgang og lykilorð að Uglu og skilar inn gögnum vegna námsumsóknar.

Frekari upplýsingar er að finna á síðu Þjónustuborðsins Háskólatorgi.