Skip to main content

Háskólatónleikar

Háskólatónleikar - á vefsíðu Háskóla Íslands

Um áratugabil, og raunar í hálfa öld, hefur það verið hefð í Háskóla Íslands að standa fyrir Háskólatónleikum í Háskóla Íslands. Um mánaðarlega viðburði er að ræða, á haust- og vormisseri, og fara þeir fram í byggingum háskólans.

Arnar Eggert Thoroddsen, aðjunkt í félagsfræði, tók við sem umsjónarmaður og listrænn stjórnandi tónleikanna haustið 2020 og styðst hann við slagorðið „Háskóli fyrir alla - Tónlist fyrir alla“ .

Búast má við alls kyns tónlist á tónleikaröðinni, svo sem poppi/rokki, djass, klassík og bara því sem álitlegt þykir hverju sinni. Einnig verður sérstök áhersla á að styðja við unga og efnilega listamenn og frumflutningi nýrra verka verður og gert hátt undir höfði.

Upptökur af öllum tónleikum

Tónleikar skólaárið 2022-2023

Ösp og Örn Eldjárn - 14. desember í kapellu HÍ

osp og orn

Tónlistarmennirnir og systkinin Ösp og Örn Eldjárn spiluðu á jólaháskólatónleikum í kapellunni í Aðalbyggingu Háskóla Íslands miðvikudaginn 14. desember 2022.

Upptaka af tónleikunum

KUSK - 12. október 2022 á Háskólatorgi

kusk

Raftónlistarkonan KUSK, eða Kolbrún Óskarsdóttir, tróð upp á Háskólatorgi miðvikudaginn 12. október. KUSK sigraði í Músíktilraunum með miklum glæsibrag vorið 2022, einungis nítján ára gömul, og þetta var í fyrsta skipti í 40 ára sögu Tilraunanna sem einstaklingur gerir það.

Upptaka af tónleikunum

Tónleikar skólaárið 2021-2022

Sólstafir - 25. mars 2022 í Hátíðasal

Solstafir

Rokksveitin Sólstafir tróð upp fyrir fullum Hátíðasal Aðalbygging Háskóla Íslands föstudaginn 25. mars 2022. Sveitin á rætur í hinu svokallaða svartþungarokki en snemma var sveigt inn á ókunnar lendur og þróun tónmálsins hefur verið ævintýraleg allar götur síðan. Í dag er sveitin dýrkuð og dáð á alþjóðavettvangi, hefur farið í tónleikaferðalög um allan heim, leikið með virtustu öfgarokkssveitum samtímans og er óefað með farsælustu rokksveitum Íslandssögunnar, sé litið til þyngri afbrigða þess geira.

Upptaka af tónleikunum

asta

Ásta - 16. febrúar 2022 í Fjöru í Stakkahlíð

Tónlistarkonan Ásta flutti tónlist sína á fyrstu háskólatónleikum ársins 2022 miðvikudaginn 16. febrúar í Fjöru, sal í húsakynnum Menntavísindasviðs HÍ í Stakkahlíð. Ásta sló í gegn eftir að hafa komið fram á Músíktilraunum árið 2019 en heyra mátti saumnál detta er hún flutti einlægar lagasmíðar sínar með hjartað opið upp á gátt.

Upptaka af tónleikunum

stina og marina

Marína Ósk og Stína Ágústs og hljómsveit - 10. desember á Litla Torgi 

Söngkonurnar Marína Ósk og Stína Ágústs tróðu upp á jólaháskólatónleikum föstudaginn 10. desember 2021 á Litla Torgi Háskólatorgs. Efnisskráin var að hluta til byggð á plötu sem þær vinkonurnar gáfu út árið 2019, Hjörtun okkar jóla. Útsetningar voru í höndum Mikaels Mána sem leikur á gítar en einnig var Andri Ólafsson bassaleikari með í för. 

Upptaka af tónleikunum

olafur kram

Ólafur Kram - 13. október á Háskólatorgi

Sigursveit Músíktilrauna í ár, Ólafur Kram, treður upp fyrir gesti og gangandi á Háskólatorgi á fyrstu Háskólatónleikunum þetta starfsárið. Þeir fara fram miðvikudaginn 13. október kl. 12.15. Tónleikunum verður jafnframt streymt. Sveitin, sem er skipuð þeim Iðunni Gígju Kristjánsdóttur, Guðnýju Margréti Eyjólfs, Birgittu Björg Guðmarsdóttur, Eydísi Kvaran og Sævari Andra Sigurðarsyni leikur einslags kammerpönk með vísunum í gamla tíma (Spilverkið, Slits) sem nýja (Chastity Belt t.d.). Það er ómögulegt að hrífast ekki af orkunni, einlægninni og ástríðunni sem fylgir þessari sveit. Lögin eru frumleg, leitandi og hugvitssamlega samsett og textarnir glúrnir, innihaldsríkir og bráðfyndnir. Á sviði er sveitin samhent, allir syngja og gáskinn, gleðin og þetta óbilandi hugrekki - svo það sé bara sagt - er svo gott sem yfirþyrmandi.

Upptaka af tónleikunum

MYNDIR KRISTINS INGVARSSONAR FRÁ HÁSKÓLATÓNLEIKUM

Ólafur Kram
Ásta
KUSK
KUSK
Tónleikar KUSK
Tónleikar KUSK
Tónleikar KUSK
Tónleikar KUSK
Tónleikar KUSK
Tónleikar KUSK
Ösp og Örn Eldjárn í kapellu HÍ
Ösp og Örn Eldjárn í kapellu HÍ
Ösp og Örn Eldjárn í kapellu HÍ
Ösp og Örn Eldjárn í kapellu HÍ
Ösp og Örn Eldjárn í kapellu HÍ
Ösp og Örn Eldjárn í kapellu HÍ
Ösp og Örn Eldjárn í kapellu HÍ
Tengt efni