Skip to main content

Doktorsnám við Heilbrigðisvísindasvið

Doktorsnám við Heilbrigðisvísindasvið - á vefsíðu Háskóla Íslands

Á Heilbrigðisvísindasviði er hægt að stunda fjölbreytt doktorsnám við allar deildir sviðsins. Þar er fyrsta flokks aðstaða til vísindastarfa og leiðbeinendur eru margir hverjir helstu sérfræðingar þjóðarinnar í heilbrigðisvísindum. Sviðið á náið samstarf um kennslu og rannsóknir við margar innlendar og erlendar stofnanir á heimsmælikvarða.

Markmið doktorsnámsins er að veita nemum vísindalega þjálfun og búa þá undir vísindastörf, meðal annars háskólakennslu eða sérfræðingsstörf við rannsóknastofnanir, og önnur ábyrgðarmikil störf í samfélaginu.

Hægt er að hefja doktorsnám að loknu meistaraprófi frá háskóla og tekur námið þá að jafnaði 3-5 ár. Auk þess er heimilt að innritast í samþætt doktorsnám og meistaranám að loknu BS/BA-námi, námstími að jafnaði 5-7 ár, eða samþætt doktorsnám og kandídatsnám í læknisfræði að loknu BS-prófi í læknisfræði, námstími að jafnaði 6-8 ár.

Alþjóðlega gæðavottun

Doktorsnám við Heilbrigðisvísindasvið hefur hlotið gæðavottun frá ORPHEUS (Organisation for PhD Education in Biomedicine and Health Sciences in the European System). Háskóli Íslands er fimmti háskólinn í Evrópu til þess að hljóta vottunina. 

Tengt efni