Aðalgreinar og aukagreinar í grunnnámi | Háskóli Íslands Skip to main content

Aðalgreinar og aukagreinar í grunnnámi

Aðalgreinar og aukagreinar í grunnnámi - á vefsíðu Háskóla Íslands

Við Háskóla Íslands er hægt að velja 180 eininga grunnnám sem lýkur með bakkalárgráðu. Í sumum greinum er hægt að skipta þessu námi upp í 120 eininga aðalgrein og 60 eininga aukagrein í annarri námsgrein. Ef þú vilt skipta náminu upp með þessum hætti þá þarftu fyrst að sækja um aðalgrein.  

Hvenær er aukagrein valin? 

Þú getur valið aukagrein eftir að nám er hafið í aðalgrein.  Oftast er aukagrein valin eftir fyrsta háskólaárið í aðalgreininni.   

Almennt eru skilgreindar aukagreinar í kennsluskrá HÍ viðurkenndar af öllum deildum skólans sem bjóða upp á aðalgrein í grunnnámi til 120 eininga.

Þegar þú ert búin að velja þér aukagrein er ráðlagt að vera í sambandi við deild aðalgreinar til að fullvissa þig um að hún sé samþykkt með þinni aðalgrein.  

Eini fyrirvarinn gæti verið að námskeið í aðal- og aukagreinum mega ekki vera þau sömu eða mjög sambærileg. Ef það á við þarftu að hafa samband við nemendaþjónustu þinnar deildar til fá leiðbeiningar um samsetningu námsins.

Hvernig skrái ég mig í aukagrein? 

Til að fá aukagrein skráða á bakkalárnámsferil þinn þarftu að senda beiðni um það með tölvupósti úr HÍ netfanginu þínu á nemskra@hi.is.  Mundu að setja kennitölu þína með í tölvupóstinn.  

Hvernig verður prófskírteinið?  

Á prófskírteinið er áritað að þú hafir lokið bakkalárgráðu í aðalgrein. Upplýsingar um aukagrein koma fram á námsferilsyfirlitinu og skírteinisviðaukanum sem fylgir með prófskírteininu.

Prófið er jafngilt öðru háskólaprófi sem lýkur með 180 eininga bakkalárgráðu og veitir aðgang að fjölbreyttu framhaldsnámi í fjölmörgum námsgreinum. 

Þarfnast þessi síða lagfæringar?

Þarfnast þessi síða lagfæringar?

CAPTCHA
Sía fyrir ruslpóst
Image CAPTCHA
Skrifaðu stafina sem sjást á myndinni.