Skip to main content

Möguleikar á skiptinámi

Möguleikar á skiptinámi - á vefsíðu Háskóla Íslands

Hvort sem þú hefur áhuga á að búa í öðru landi, læra nýtt tungumál, eiga kost á fjölbreyttara námsframboði eða kynnast nýju fólki þá eru ótal góðar ástæður fyrir því að taka hluta af náminu erlendis.

Nemendur eiga kost á að fara í stök námskeið (5-30 daga) eða í lengri dvöl (eitt eða fleiri misseri), að hámarki eitt skólaár á hverju námsstigi. Í lengri dvölum er gert ráð fyrir að nemendur séu í fullu námi við gestaskólann, þ.e. 30 ECTS einingum á misseri. Einnig er hægt að fara í blandað skiptinám í bæði í lengri og skemmri tíma. Í blönduðu skiptinámi fer hluti námsins við gestaskóla fram á netinu. Markmiðið er að gera nemendum kleift að fara í styttri námsdvalir og ná þannig til fjölbreyttari nemendahóps.

Grunn- og framhaldsnemar í flestum námsgreinum geta farið í skiptinám. Grunnnemar þurfa að hafa lokið a.m.k. einu ári (eða 60 ECTS einingum) af náminu við HÍ áður en skiptinám hefst. 

Nemendur geta fengið skiptinám metið inn í námsferil sinn við Háskóla Íslands svo dvölin þarf ekki að hafa áhrif á lengd námsins. Rannsóknir sýna að námsdvöl erlendis hefur jákvæð áhrif á atvinnumöguleika ungs fólks þar sem atvinnulífið leitar í auknum mæli eftir fólki með alþjóðlega reynslu.

Frestur til að sækja um skiptinám er til og með 1. febrúar ár hvert (eða næsta virka dag ef umsóknarfrestur er á almennum frídegi).

Bæklingur um námsdvöl erlendis

Nánari upplýsingar um skiptinám veitir Alþjóðasvið, Háskólatorgi, 3. hæð.
Sími: 525-4311
Netfang: ask@hi.is

Nánari upplýsingar