Bókasöfn og bóksala

Landsbókasafn Íslands – Háskólabókasafn – Safnkostur á öllum efnissviðum.

Safnið er bókasafn Háskóla Íslands samkvæmt lögum nr. 71/1994.

Safnið veitir fjölþætta þjónustu og hefur það að markmiði að styðja sem allra best við nám og rannsóknir í Háskóla Íslands.

Safnið býður meðal annars upp á:

• lesaðstöðu
• vinnuaðstöðu fyrir einstaklinga og hópa
• útlán á fjölbreyttum safnkosti
• vandaða upplýsingaþjónustu á virkum dögum

Sérfræðingar safnsins halda einnig úti Áttavitanum sem er safn leiðarvísa um heimildir í einstökum fræðigreinum, heimildavinnu og aðrar hagnýtar leiðbeiningar.

Hægt er að bóka fræðslu fyrir nemendur hjá sérfræðingum safnsins sem hafa það að markmiði að kynna þjónustu, safnkost og auka upplýsingalæsi og færni í akademískum vinnubrögðum.

Framboð rafræns safnkosts hefur aukist til muna hin síðari ár og má sjá lista yfir aðgengileg gagnasöfn á vef safnsins.

Stór söfn rafbóka frá mörgum af helstu útgefendum heims hafa einnig verið gerð aðgengileg og munar þar mestu um samninga sem gerðir hafa verið á síðustu misserum að frumkvæði Hugvísindasviðs.

• Ritver Háskóla Íslands hefur aðstöðu á Landsbókasafni Íslands - Háskólabókasafni og eru áhugasamir hvattir til að bóka tíma í gegnum vef Ritversins.

Bókasafn Lagadeildar er á 3. hæð í Lögbergi, húsi Lagadeildar, sími 525-4372.

Bókasafnið er stærsta lagabókasafn landsins og þar er að finna bækur, tímarit og ýmis uppsláttarrit á sviði lögfræði.

Safngögn eru almennt ekki lánuð út nema til nemenda og kennara Lagadeildar HÍ en aðgangur er öllum heimill.

Starfsmaður bókasafnsins er Guðmundur Ingi Guðmundsson (gig@landsbokasafn.is).

Bókasafn Menntavísindasviðs – Safnkostur einkum á sviði menntavísinda.

Í safninu er sérstakt kennslugagnasafn fyrir leik- og grunnskólastig þar sem stúdentum er leiðbeint um námsgögn og kennsluaðferðir í undirbúningi fyrir vettvangsnám.

Upplýsingaþjónusta og aðstoð við heimildaleit er veitt í safninu og kennsla í upplýsingaöflun er felld inn í inngangsnámskeið í upphafi náms.

Heilbrigðisvísindabókasafn – Safnkostur einkum á sviði heilbrigðisvísinda.

Veitir starfsmönnum LSH sem og nemendum og kennurum við Heilbrigðisvísindasvið aðgang að þekkingu sem þeir þurfa í námi og starfi.

Skemman er rafrænt gagnasafn sem heldur utan um lokaverkefni nemenda og rannsóknarrit kennara og fræðimanna.

Í Skemmunni má nálgast lokaverkefni nemenda úr:

• Háskóla Íslands
• Háskólanum á Akureyri
• Háskólanum á Bifröst
• Háskólanum í Reykjavík
• Landbúnaðarháskóla Íslands
• Listaháskóla Íslands.

Í Eirbergi er safn fyrir hjúkrunarfræðinema og læknanema.

Í Haga er safn fyrir nemendur í lyfjafræði, í Lögbergi fyrir laganema og í Norræna húsinu fyrir nemendur í norrænum tungumálum. Bókasafn í Öskju er fyrir nemendur á Verkfræði- og náttúruvísindasviði.

Bóksala stúdenta selur nemendum allar námsbækur sem þeir þurfa, ritföng og önnur námsgögn. Á vef Bóksölunnar geta nemendur fundið bókalista fyrir flest námskeið sem í boði eru við Háskóla Íslands og pantað bækur á vefnum.

Í byrjun hvers misseris kemur bóksalan einn dag á Laugarvatn og þjónustar nemendur með það helsta.

Bóksala Menntavísindasviðs er staðsett í skólahúsinu við Stakkahlíð og selur kennslubækur einkum á sviði kennslu, uppeldis og umönnunar. Þar er einnig hægt að fá stílabækur, möppur og fleiri smávörur vegna námsins.