SÆKJA UM GRUNNNÁM Tekið er við rafrænum umsóknum um grunnnám við Háskóla Íslands tvisvar á ári. Fyrra umsóknartímabilið, HAUST, er vegna náms sem hefst á haustmisseri, með umsóknarfresti til 5. júní ár hvert. Seinna umsóknartímabilið, VOR, er vegna náms sem hefst á vormisseri, með umsóknarfresti til 30. nóvember. Nánari upplýsingar má nálgast með því að velja viðeigandi umsóknartímabil hér að neðan. HAUST – Umsókn um nám sem hefst á haustmisseri Umsókn um grunnnám Sækja um nám – háskólaárið 2020–2021 Móttaka umsókna hefst í mars. Eingöngu er tekið við rafrænum umsóknum. Almennur umsóknarfrestur er til 5. júní ár hvert. Umsóknarfrestur um inntökupróf í læknisfræði og sjúkraþjálfunarfræði er til 20. maí. Rafrænt umsóknareyðublað er aðgengilegt hér að ofan á umsóknartíma. Umsóknarfrestur fyrir erlenda umsækjendur, aðra en skiptinema, er til 1. febrúar ár hvert. Leiðbeiningar um hvernig sækja á um grunnnám við HÍ fyrir háskólaárið 2020–2021 Nánar um umsóknarferlið Mikilvægt er að umsækjendur kynni sér vel upplýsingarnar í köflunum hér fyrir neðan. Inntökuskilyrði í Háskóla Íslands Umsækjendur sem hefja nám í háskólanum skulu hafa lokið stúdentsprófi eða öðru sambærilegu prófi frá erlendum skóla. Sjá nánar Reglur um inntökuskilyrði í grunnnám við Háskóla Íslands. Undanþágur frá inntökuskilyrðum Hvert fræðasvið háskólans ákveður hvort einstakar deildir þess taki við umsóknum um undanþágur frá inntökuskilyrðum, sbr. 6. mgr. 47. gr. reglna Háskóla Íslands nr. 569/2009. Háskólaárið 2020–2021 verður tekið við umsóknum um undanþágur frá stúdentsprófi vegna náms í sumum deildum háskólans en öðrum deildum ekki. Nánari upplýsingar um undanþágur eru í kennsluskrá. Umsóknum um undanþágur skal skila rafrænt, með sama hætti og öðrum umsóknum nýnema (sjá hér að ofan). Þeim skulu fylgja staðfest vottorð um nám og störf að loknu skyldunámi og önnur þau gögn sem umsækjandi telur að stutt geti umsóknina. Umsóknarfrestur er til 5. júní. Fylgigögn með umsókninni Skila þarf staðfestu ljósriti/afriti úr framhaldsskóla (ljósriti/afriti með bláum stimpli og undirritun) af öllu stúdentsprófsskírteininu eins fljótt og hægt er og eigi síðar en 12. júní. Óstaðfest eða skönnuð skírteini eru ekki tekin gild. Umsækjendur sem í umsóknarferlinu veita Háskóla Íslands leyfi til að sækja rafrænt stúdentsprófsskírteini úr Innu þurfa ekki að skila staðfestu afriti. Nánari upplýsingar veitir Nemendaskrá HÍ sem er staðsett í Háskólatorgi, 3. hæð, s. 525 4309, netfang nemskra@hi.is. Skrásetningargjald Engin skólagjöld eru í Háskóla Íslands en árlegt skrásetningargjald er 75.000 kr. Sé umsókn samþykkt birtist rafrænn reikningur fyrir skrásetningargjaldi, 75.000 kr., í netbanka umsækjanda, í maí/júní. Reikninginn ber að greiða í síðasta lagi 4. júlí (eindagi gjaldsins). Greiðsluseðill á pappír er einungis sendur á lögheimili þeirra sem óska sérstaklega eftir því í rafrænni umsókn. Skrásetning til náms við Háskóla Íslands tekur gildi við greiðslu skrásetningargjaldsins. Gjaldið er ekki endurkræft. Hvað geri ég ef rafrænn reikningur eða greiðslukrafa birtist ekki í netbanka? Ef hvorki krafa né rafrænn reikningur birtast í netbankanum og umsækjandi getur ekki greitt rafrænt skal hafa samband við Nemendaskrá HÍ, s. 525 4309, netfang nemskra@hi.is, fyrir eindaga hverju sinni. Nánari upplýsingar um skrásetningargjald. Staða umsóknar og afgreiðsla Leitast er við að afgreiða umsóknir innan þriggja vikna frá því að þær og öll fylgigögn berast. Hvernig get ég fylgst með afgreiðslu umsóknar? Í samskiptagátt Háskóla Íslands, þar sem sótt er um nám, er hægt að fylgjast með afgreiðslu umsóknar undir flipanum „Yfirlit umsókna“. Þú ferð inn á síðuna með því að nota netfangið þitt og lykilorðið sem þú bjóst til þegar þú skráðir þig upphaflega inn í samskiptagáttina. Við hvetjum þig eindregið til að fylgjast vel með framvindu umsóknar. Hvað gerist eftir að umsókn hefur verið samþykkt? Þegar umsóknir hafa verið samþykktar birtast rafrænir reikningar fyrir skrásetningargjaldi í netbanka, í maí/júní. Skrásetningargjaldið fyrir eitt háskólaár er 75.000 kr. Notandanafn og lykilorð að Uglu Ugla er innra vefkerfi Háskóla Íslands. Eftir að umsókn hefur verið samþykkt og þú hefur greitt skrásetningargjaldið þá getur þú úthlutað þér notandanafni og lykilorði að Uglunni með því að skrá þig inn á umsóknarsíðuna þína („Yfirlit umsókna“) með netfanginu og lykilorðinu sem þú bjóst til við skráningu í samskiptagátt Háskóla Íslands. Athugið að eftir að notandanafni og lykilorði hefur verið úthlutað geta liðið um tvær klukkustundir þar til aðgangur að kerfinu verður virkur. Því þarf að hinkra við áður en hægt er að skrá sig í fyrsta sinn inn í Uglu. Hvers vegna þarf nýnemi að hafa notandanafn og lykilorð? Notandanafn og lykilorð eru frumskilyrði þess að nemandi geti nálgast upplýsingar um námsframvindu, haft samskipti við kennara og nýtt sér tölvuþjónustu háskólans. Notandanafn er jafnframt netfang hvers og eins hjá háskólanum (notandanafn@hi.is). Eftir að hafa sótt sér notandanafn og lykilorð getur nemandi nýtt sér hina ýmsu möguleika Uglunnar. Í Uglu fléttast upplýsingakerfi háskólans saman í eina heild og hver nemandi fær aðgang að upplýsingum sem að honum lúta. Þar getur nemandi m.a. séð stundatöflu sína og nálgast yfirlit um einkunnir, námsferil og námskeið. VOR - Umsókn um nám sem hefst á vormisseri Umsókn um grunnnám Dagana 15. september til 30. nóvember ár hvert er tekið við umsóknum nýnema um innritun í grunnnám í tilteknum námsleiðum við Háskóla Íslands, vegna náms sem hefst á vormisseri. Einungis er hægt að sækja um rafrænt á þessu tímabili. Ekki er tekið inn í nám við öll fræðasvið og allar deildir Háskóla Íslands á vormisseri og aðeins takmarkaður hluti námsleiða við skólann er þá í boði. Viðkomandi námsleiðir koma fram á rafrænu umsóknareyðublaði og á sérstöku yfirliti um námsleiðir í boði. Athugið að ekki eru veittar undanþágur frá formlegum inntökuskilyrðum (stúdentsprófi) þegar sótt er um nám sem hefst á vormisseri. Á ofangreindu tímabili er jafnframt tekið við umsóknum í tilteknar leiðir til viðbótarprófs á meistarastigi við Félagsvísindasvið skólans. Umsóknarfrestur rennur út 30. nóvember. Skila verður fylgigögnum til Nemendaskrár HÍ, Háskólatorgi, eins fljótt og auðið er og ekki síðar en 8. desember. Nánar um umsóknarferlið Mikilvægt er að umsækjendur kynni sér vel upplýsingarnar í köflunum hér fyrir neðan. Inntökuskilyrði í Háskóla Íslands Umsækjendur sem hefja nám í háskólanum skulu hafa lokið stúdentsprófi eða öðru sambærilegu prófi frá erlendum skóla. Sjá nánar Reglur um inntökuskilyrði í grunnnám við Háskóla Íslands. Ekki eru veittar undanþágur frá formlegum inntökuskilyrðum (stúdentsprófi) þegar sótt er um nám sem hefst á vormisseri. Fylgigögn með umsókninni Skila þarf staðfestu ljósriti/afriti úr framhaldsskóla (ljósriti/afriti með bláum stimpli og undirritun) af öllu stúdentsprófsskírteininu eins fljótt og hægt er og eigi síðar en 8. desember. Óstaðfest eða skönnuð skírteini eru ekki tekin gild. Umsækjendur sem í umsóknarferlinu veita Háskóla Íslands leyfi til að sækja rafrænt stúdentsprófsskírteini úr Innu þurfa ekki að skila staðfestu afriti. Nánari upplýsingar veitir Nemendaskrá HÍ sem er staðsett í Háskólatorgi, 3. hæð, s. 525 4309, netfang nemskra@hi.is. Skrásetningargjald Engin skólagjöld eru í Háskóla Íslands en árlegt skrásetningargjald er 75.000 kr. (55.000 kr. ef sótt er um innritun á vormisseri). Sé umsókn samþykkt birtist rafrænn reikningur fyrir skrásetningargjaldi, 55.000 kr., í netbanka umsækjanda. Reikninginn ber að greiða í síðasta lagi 6. janúar (eindagi gjaldsins). Greiðsluseðill á pappír er einungis sendur á lögheimili þeirra sem óska sérstaklega eftir því í rafrænni umsókn. Skrásetning til náms við Háskóla Íslands tekur gildi við greiðslu skrásetningargjaldsins. Gjaldið er ekki endurkræft. Hvað geri ég ef rafrænn reikningur eða greiðslukrafa birtist ekki í netbanka? Ef hvorki krafa né rafrænn reikningur birtast í netbankanum og umsækjandi getur ekki greitt rafrænt skal hafa samband við Nemendaskrá HÍ, s. 525 4309, netfang nemskra@hi.is, fyrir eindaga hverju sinni. Nánari upplýsingar um skrásetningargjald. Staða umsóknar og afgreiðsla Leitast er við að afgreiða umsóknir innan þriggja vikna frá því að þær og öll fylgigögn berast. Hvernig get ég fylgst með afgreiðslu umsóknar? Í samskiptagátt Háskóla Íslands, þar sem sótt er um nám, er hægt að fylgjast með afgreiðslu umsóknar undir flipanum „Yfirlit umsókna“. Þú ferð inn á síðuna með því að nota netfangið þitt og lykilorðið sem þú bjóst til þegar þú skráðir þig upphaflega inn í samskiptagáttina. Við hvetjum þig eindregið til að fylgjast vel með framvindu umsóknar. Hvað gerist eftir að umsókn hefur verið samþykkt? Þegar umsóknir hafa verið samþykktar birtast rafrænir reikningar fyrir skrásetningargjaldi í netbanka. Skrásetningargjaldið er 55.000 kr. fyrir innritun á vormisseri. Notandanafn og lykilorð að Uglu Ugla er innra vefkerfi Háskóla Íslands. Eftir að umsókn hefur verið samþykkt og þú hefur greitt skrásetningargjaldið þá getur þú úthlutað þér notandanafni og lykilorði að Uglunni með því að skrá þig inn á umsóknarsíðuna þína („Yfirlit umsókna“) með netfanginu og lykilorðinu sem þú bjóst til við skráningu í samskiptagátt Háskóla Íslands. Athugið að eftir að notandanafni og lykilorði hefur verið úthlutað geta liðið um tvær klukkustundir þar til aðgangur að kerfinu verður virkur. Því þarf að hinkra við áður en hægt er að skrá sig í fyrsta sinn inn í Uglu. Hvers vegna þarf nýnemi að hafa notandanafn og lykilorð? Notandanafn og lykilorð eru frumskilyrði þess að nemandi geti nálgast upplýsingar um námsframvindu, haft samskipti við kennara og nýtt sér tölvuþjónustu háskólans. Notandanafn er jafnframt netfang hvers og eins hjá háskólanum (notandanafn@hi.is). Eftir að hafa sótt sér notandanafn og lykilorð getur nemandi nýtt sér hina ýmsu möguleika Uglunnar. Í Uglu fléttast upplýsingakerfi háskólans saman í eina heild og hver nemandi fær aðgang að upplýsingum sem að honum lúta. Þar getur nemandi m.a. séð stundatöflu sína og nálgast yfirlit um einkunnir, námsferil og námskeið. Tengt efni Námsleiðir í grunnnámi Gagnlegar upplýsingar fyrir nýnema Umsóknareyðublað Námsvalshjólið- Hvaða nám hentar mér? Svona velur þú nám emailfacebooklinkedintwitter
Þarfnast þessi síða lagfæringar? Var efnið hjálplegt? Var efnið hjálplegt? Já Nei Endilega láttu okkur vita hvað má betur fara * Viltu fá svar frá okkur? Viltu fá svar frá okkur? Netfang * Svo hægt sé að hafa samband við þig. Skjáskot Settu inn skjáskot hér ef þú telur þörf á.Skrár verða að vera minni en 2 MB.Leyfðar skráartegundir: gif jpg jpeg png. CAPTCHASía fyrir ruslpóst Hvaða stafir eru á myndinni? * Skrifaðu stafina sem sjást á myndinni.
