Hvað er matvælafræði? | Háskóli Íslands Skip to main content

Hvað er matvælafræði?

Netspjall

Matvælafræði er fræði- og vísindagrein sem byggir á grunni raunvísinda og verkfræði. Matvælafræðin er  þverfagleg og læra matvælafræðingar greinar eins og:

  • matvælaefnafræði sem fjallar um efnafræði matvæla eins og samsetningu, byggingu og breytingar sem eiga sér stað við vinnslu og geymslu.
  • matvælavinnsla og matvælaverkfræði fjalla um framleiðslu og þá tækni sem notuð er við gerð og geymslu matvæla.
  • matvælaörverufræði fjallar um örverur sem notaðar eru í matvælavinnslu eins og við vinnslu mjólkurvara og bjór- og víngerð og um skaðleg áhrif örvera þar sem fjallað er um matvælaöryggi, geymsluþol, gæðaeftirlit og gæðastaðla.
  • næringarfræði fjallar um afdrif næringarefna í líkamanum og áhrif næringarefna á vöxt, heilsu og líðan.
  • skynmat er ríkur þáttur í störfum matvælafræðinga en þar er vísindalegum aðferðum beitt við smökkun og aðra skynjun matvæla.
  • líftækni í matvælaiðnaði við þróun og framleiðslu á lífefnum og heilsuvörum og við þróun á hefðbundinni matvælavinnslu eins nýjungar í og bjór- og ostagerð.
  • vöruþróun, nýsköpun og neytendafræði fjalla um vöruþróun frá hugmynd að fullunninni vöru, almennt um nýsköpun og tengsl við neytendur.

Tækifæri á sviði matvælafræði og líftækni eru mikil og uppbygging á þessum sviðum mikilvægur grundvöllur aukinnar verðmætasköpunar og aukinna útflutningstekna í íslensku hagkerfi. Áhugi almennings á góðum og næringarríkum matvælum fer einnig vaxandi, matvælaframleiðsluþörf heimsins eykst sífellt og allt þetta kallar á matvælafræðinga til margra starfa í þjóðfélaginu og á alþjóðavettvangi. 

Viltu taka þátt í þróun og framleiðslu á heilsuvörum? Viltu lærar um örverur sem notaðar eru til bjórgerðar? Viltu læra um verkfræðina að baki tækninni í matvælaframleiðslu? Viltu vita hvaða áhrif maturinn og næringarefnin sem þú borðar hafa á líkamann? Viltu þekkja efnasamsetningu matar, t.d. af hverju matur myglar. Viltu eiga möguleika á góðu starfi að loknu námi?

Þarfnast þessi síða lagfæringar?

Þarfnast þessi síða lagfæringar?

CAPTCHA
Sía fyrir ruslpóst
Image CAPTCHA
Skrifaðu stafina sem sjást á myndinni.