Erasmus+ starfsþjálfun | Háskóli Íslands Skip to main content

Erasmus+ starfsþjálfun

Netspjall

Nemendur Háskóla Íslands eiga kost á að fara í starfsþjálfun eða rannsóknarvinnu í háskólum, fyrirtækjum eða stofnunum í Evrópu. Þeir geta þannig öðlast dýrmæta alþjóðlega starfsreynslu sem getur komið sér vel síðar meir. Erasmus+ ferða- og dvalarstyrkir eru í boði.Ávinningur af starfsþjálfun er margvíslegur. Nemendur fá hagnýta starfsreynslu og geta fengið starfsþjálfunina metna sem hluta af náminu við Háskólann, hluta af lokaverkefni eða skráða í skírteinisviðauka.  Rannsóknir sýna að þeir sem farið hafa í starfsþjálfun erlendis eiga auðveldara með að fá vinnu og að einn af hverjum þremur fær atvinnutilboð að lokinni starfsþjálfun hjá móttökuaðila. Starfsþjálfun getur einnig brúað bilið milli brautskráningar úr háskóla og fyrsta starfs þar sem nú er hægt að fara í starfsþjálfun að lokinni brautskráningu.

Það er verðmætt að geta sýnt fram á alþjóðlega starfsreynslu á ferilskránni þegar sótt er um störf á nútíma vinnumarkaði sem verður sífellt alþjóðlegri. 

Nemendur sjá sjálfir um að hafa samband við háskóla, fyrirtæki eða stofnanir og útvega sér vilyrði fyrir starfsþjálfun. Þeir geta einnig sótt um auglýsta starfsþjálfun, ýmist í gagnagrunnum fyrirtækja sem halda úti vefsíðum með starfsþjálfunarmöguleikum eða möguleika sem Skrifstofa alþjóðasamskipta vekur sérstaka athygli á.

Þegar nemandi hefur fengið vilyrði fyrir starfsþjálfun hjá fyrirtæki eða stofnun getur hann sótt um Erasmus+ styrk hjá Skrifstofu alþjóðasamskipta.

Þarfnast þessi síða lagfæringar?

Þarfnast þessi síða lagfæringar?

CAPTCHA
Sía fyrir ruslpóst
Image CAPTCHA
Skrifaðu stafina sem sjást á myndinni.