Brautskráning

Háskóli Íslands brautskráir kandídata þrisvar á ári, í febrúar, júní og október. Næsta brautskráning fer fram föstudaginn 20. febrúar 2026 í Háskólabíói.

 Kandídatar fá þá afhent prófskírteini sín við hátíðlega athöfn.

Kandídötum er ætlað afmarkað svæði og eru beðnir um að mæta ekki síðar en kl. 14.30. Hver kandídat verður með númerað sæti sem kemur fram á nafnalista sem afhentur verður með dagskrá við innganginn og er sætaskipan í samræmi við afhendingu prófskírteina.

Umsjónarfólk verður á staðnum til að leiðbeina um sætaskipan.

Prófskírteini verða afhent í röð eftir fræðasviðum:

• Félagsvísindasvið
• Heilbrigðisvísindasvið
• Hugvísindasvið
• Menntavísindasvið
• Verkfræði- og náttúruvísindasvið.

Kandídatar fá send rafræn bréf með nánari upplýsingum.

Prófskírteini og viðaukar

Við brautskráningarathafnir fá kandídatar sem ljúka bakkalár- og framhaldsnámi afhent prófskírteini og viðauka með skírteini þar sem fram koma á stöðluðu formi upplýsingar um það nám sem lokið er. Prófskírteinið er á íslensku ásamt staðfestri enskri þýðingu en viðaukinn á íslensku og ensku. Þessi gögn eru afhent kandídötum án endurgjalds. Nemendur sem ljúka diplómaprófi sækja skírteini sín á Þjónustuborð á Háskólatorgi.

Ef kandídat er fjarverandi við brautskráningu þarf hann að nálgast þau síðar á Þjónustuborði á Háskólatorgi.

Þeim tilmælum er beint til kandídata að þeir varðveiti prófskírteini sín vel! Hvert prófskírteini er aðeins gefið út í einu eintaki, undirrituðu af viðkomandi deildarforseta. Það er á ábyrgð skírteinishafa að varðveita prófskírteinið með öruggum hætti þannig að það glatist ekki.

Brautskráningar frá Háskóla Íslands, aftur til 2017: