Algengar spurningar - Félagsráðgjafardeild

Upplýsingar um kennslu og kennslutímabil má finna í kennslualmanaki HÍ

Hér má finna stundatöflur Félagsráðgjafardeildar

Á vefsíðu Bóksölu stúdenta eru bókalistar fyrir flest námskeið deildarinnar. Stundum má einnig nálgast bókalista inni á heimasvæði námskeiða í Uglu eða í kennsluskrá.

Á vefsíðu Stúdentaráðs eru tenglar á heimsíður nemendafélaga. Nemendafélög hafa ekki sérstakar skrifstofur en þau hafa aðgang að aðstöðu Stúdentaráðs. Til að komast í samband við nemendafélagið þitt er best að hafa samband við ábyrgðaraðila, s.s. formenn, ritara eða gjaldkera. Yfirleitt eru upplýsingar um þá að finna á heimasíðum nemendafélaganna.

Stúdentakort er auðkennis- og afsláttarkort sem sótt er um í Uglunni (Uglan mín --> Stúdentakort). Stúdentakort eru gefin út í tveimur mismunandi útgáfum og velur þú aðra hvora. Annars vegar er auðkennis- og afsláttakort og hins vegar rafrænt aðgangskort. Auk þess að vera auðkennis- og afsláttakort veitir rafrænt aðgangskort korthafa aukinn aðgang að byggingum Háskólans umfram venjulegan opnunartíma þeirra (Háskólatorg, VRII, Askja og Hamar). Hægt er að sækja kortið sjálft á þjónustuborðinu í Háskólatorgi.

Rafrænt aðgangskort kostar 1.500 kr. og fær handhafi þess 1.000 kr. til baka þegar kortinu er skilað. Auðkenniskort fær nemandi honum að kostnaðarlausu.

Vinsamlegast athugið að nemendur fá ekki ný stúdentakort árlega heldur er það endurnýjað með límmiða á Þjónustuborðinu Háskólatorgi.

Á Landsbóksafni - Háskólabókasafni eru nokkrar ljósritunarvélar fyrir notendur safnsins. Hægt er að kaupa kort í afgreiðslu safnins á 1. hæð. Auk þessa sér Háskólaprent, Fálkagötu 2, um alla almenna prentþjónustu gegn gjaldi. 

Skrifstofa alþjóðasamskipta gefur allar upplýsingar um nám erlendis.

Almennt eiga stúdentar rétt á því að fá að skoða eldri prófverkefni sem lögð hafa verið fyrir þegar að prófraun er að fullu lokið. Prófverkefni eru í prófasafni hvers námskeiðs eða kennari veitir sjálfur aðgang að þeim, óski stúdent eftir því. Kennara ber að sýna en ekki afhenda afrit af eldri verkefnum. Í undantekningartilvikum er heimilt að synja um slíkan aðgang.  Hafi kennari ákveðið að veita sjálfur aðganga þá senda stúdentar viðkomandi kennara beiðni um aðgang í tölvupósti. 

Árleg skráning er skráning í námskeið næsta háskólarárs (haust- og vormisseri). Mjög mikilvægt er að sinna skráningu á tímabili árlegrar skráningar vor hvert þar sem árleg skráning jafngildir skráningu í skólann næsta ár. 

Upplýsingar um árlega skráningu er að finna í kennslualmanaki HÍ og nemendur skrá sig í námskeið í Uglunni á auglýstu tímabili. Ef stúdent sinnir þessu ekki er litið svo á að hann sé hættur námi. Ef veita þarf undanþágu frá þessu ákvæði er stúdent gert að greiða 15% álag á innritunargjaldið.

Stúdent getur endurskoðað skráningu sína í upphafi kennslumisseris. Upplýsingar um tímafrest er að finna á kennslualmanaki Háskóla Íslands.

Hámarksfjöldi eininga á misseri er 40 einingar. Þeir nemendur sem óska eftir að skrá sig í fleiri en 40 einingar á misseri, skulu senda rökstudda beiðni (ath. rafrænt eyðublað). Verður hvert tilvik skoðað sérstaklega, að öllu jöfnu er gerð krafa um að nemandi hafi fyrstu einkunn. 

Til að skrá sig úr námskeiði ferðu inn í Ugluna þína og velur "námskeiðin mín". Fyrir aftan hvert námskeið sem þú ert skráð/ur í birtist "úrskrá" sem þú smellir á og þar með ertu skráð/ur úr námskeiðinu. Þetta þarf hins vegar að gera fyrir þá fresti sem settir eru. Sjá nánari dagsetningu á kennslualmanaki HÍ. 

Stúdent sem óskar eftir mati á fyrra námi, annað hvort úr öðrum háskóla eða annarri deild þarf að senda skriflegt erindi (ath. rafrænt eyðublað). Með umsókninni þarf að fylgja staðfest afrit af einkunnum, námskeiðslýsing og leslisti námskeiðsins.  

Stúdent þarf að sækja um heimild til að taka leyfi frá námi á netfangið felagsradgjof@hi.is. Gæta þarf að tímaramma náms því námshlé lengir ekki þann tíma sem stúdentar hafa til að ljúka námi. Stúdent hefur níu misseri til að ljúka BA-námi. Stúdent þarf að greiða hluta skrásetningargjalds á meðan leyfi stendur. Stúdent ber að skrá sig árlegri skráningu fyrir næsta háskólaár á auglýstu tímabili meðan á leyfi stendur. 

Upplýsingar um próf og prófatímabil má finna í kennsluskrá.

Einkunnir eru birtar á heimasvæði stúdenta á Uglunni.  

Úr 59. gr. reglna um Háskóla Íslands
Stúdent á rétt til að fá útskýringar kennara á mati skriflegrar úrlausnar sinnar ef hann æskir þess innan 15 daga frá birtingu einkunnar. Vilji stúdent, sem ekki hefur staðist próf, þá eigi una mati kennarans getur hann snúið sér til viðkomandi deildarforseta. Skal þá prófdómari skipaður í hverju tilviki. Meirihluti nemenda í námskeiði getur með rökstuddu erindi óskað eftir því að skipaður verði prófdómari til þess að fara yfir skriflegar úrlausnir á loka-prófi í námskeiðinu. Þegar prófdómari er skipaður eftir að einkunn kennara hefur verið birt fer hann einungis yfir prófúrlausnir þeirra nemenda sem óskað hafa eftir endurmati. Einnig getur kennari, telji hann til þess sérstaka ástæðu, óskað skipunar prófdómara í einstöku prófi og fer hann þá yfir prófúrlausnir allra nemenda í námskeiðinu. Prófdómari verður þó ekki skipaður, ef meira en sex vikur hafa liðið frá birtingu einkunnar og þar til beiðni um skipunina berst.

"Stúdent sem veikist og getur þar af leiðandi ekki þreytt próf, ber að skila læknisvottorði til Nemendaskrár innan þriggja daga. Hið sama gildir ef barn stúdents veikist."

Athugið að ekki þarf að tilkynna um veikindi á prófdag. Hins vegar er áríðandi að skila læknisvottorði til Nemendaskrár innan tilskilins frests. Læknisvottorð vegna hlutaprófa eiga að berast til skrifstofu deildar eða viðkomandi kennara.

Veikist stúdent í prófi ber honum að vekja athygli prófgæslumanns sem skrifar athugasemd um það á prófúrlausn. Skal læknisvottorði dagsettu samdægurs skilað til Nemendaskrár Háskóla Íslands. Læknisvottorð eru yfirfarin af trúnaðarlækni Háskólans.

Nemendum er heimilt að taka próf aftur sem þeir hafa staðist ef þeir vilja hækka einkunn. Þetta er hægt bæði með því að skrá sig í upptökupróf eða aftur í námskeiðið.