Hér má nálgast drög að stundatöflu námskeiða á vegum Miðstöðvar í lýðheilsuvísindum (LÝÐ-merkt námskeið í kennsluskrá):
Stundatafla haustmisseris 2025
Þar sem nám í lýðheilsuvísindum og faralds- og líftölfræði er þverfræðilegt gætu nemendur þurft að fletta upp í stundatöflum fleiri en einnar deildar til að finna öll námskeið sem talin eru upp undir þessum námsleiðum í Kennsluskrá. Þegar námskeiði er flett upp í Kennsluskrá er deild skilgreind í stikunni vinstra megin. Þaðan má fletta upp í stundatöflu á ytri vef viðkomandi deildar. Stundatöflur allra deilda má einnig finna hér: https://www.hi.is/nam/stundatoflur_0
Innritaðir nemendur fá senda stundatöflu LÝÐ námskeiða áður en kennsla hefst og kennarar setja einnig kennsluáætlun inn á kennsluvef hvers námskeiðs. Í Uglunni undir "Stundataflan mín" birtist innrituðum nemendum vísir að stundatöflu þeirra námskeiða sem þeir eru skráðir í. Athugið þó að sú tafla er byggð á bókunum námskeiða í kennslustofur og því takmörkum háð í einhverjum tilvikum.
Hlekkur á málstofudagskrá er send nemendum í upphafi hvers misseris.
MPH nám í lýðheilsuvísindum og MS nám í fararlds- og líftölfræði er 120e og námstími er tvö ár (fjögur misseri). Hámarksnámstími til meistaraprófs er sex misseri frá því að nemandi er skráður í námið.
Viðbótarpróf í lýðheilsuvísindum er skipulagt sem 60e fullt nám í tvö misseri og 30e örnám er skipulagt sem hlutanám í tvö misseri.
Fullt nám við Háskóla Íslands er 30e á misseri. Að baki hverju 6e námskeiði eru u.þ.b. 42 fyrirlestrar, dæma- og umræðutímar. Að jafnaði má gera ráð fyrir 27 klst í tímasókn og heimavinnu að baki hverrar einingar. 6e námskeið samsvarar þannig um fjórum 40 stunda vinnuvikum.