Nýnemadagar | Háskóli Íslands Skip to main content

Nýnemadagar

Nýnemadagar - á vefsíðu Háskóla Íslands

Háskóli Íslands býður nýnema velkomna með sérstökum nýnemadögum í upphafi skólaárs.  
Vegna samgöngutakmarkana voru nýnemadagar bæði í formi stafrænnar miðlunar og minni viðburða haustið 2021.

Upplýsingaborð fyrir nýnema var opið í nýnemavikunni frá kl. 10 - 14 á Háskólatorgi. 

Fulltrúar frá Stúdentaráði stóðu fyrir svörum á upplýsingaborðinu.  Þar mátti fá svör við hinum ýmsu spurningum er varða námið, skólann, húsnæði, félagslíf, þjónustu og margt fleira. 

Við hvetjum nýnema líka til að horfa þetta myndband þar sem farið er yfir allar helstu upplýsingar sem gott er að hafa á hreinu þegar þú hefur nám í Háskóla Íslands. 

Það er tilvalið að óska eftir aðgangi að Facebook-síðu fyrir alla nýnema Háskólans sem er óháð námsleiðum og fræðasviðum og opin öllum sem eru að hefja nám við skólann. Á síðunni geta nýir nemendur leitað upplýsinga hver hjá öðrum og átt í óformlegum samskiptum á jafningjagrundvelli.

Endilega fylgstu með Instagram-reikningi Háskólans þar sem kynnt er ýmis þjónusta, stuðningur og félagslíf sem stendur nemendum til boða. 

Gönguferð um háskólasvæðið.

Stúdentaráð bauð nýnemum í gönguferð um háskólasvæðið til að hjálpa til við að rata um svæðið og finna réttar byggingar. Lagt var af stað frá upplýsingaborði fyrir nýnema á Háskólatorgi.  Það er einnig hægt að skoða myndband af rölti um svæðið og fræðast um staðsetningar bygginga.   

Spurningaleikur fyrir nýnema.

Spurningaleikur fyrir nýnema var í Uglunni á nýnemadögum en þar var spurt um ýmislegt sem tengist háskólalífinu. Glæsilegir vinningar voru í boði, s.s. gjafabréf í Stúdentakjallarann og Bóksölu stúdenta, prentkvótar, gjafabréf á haustönn Háskóladansinns, áhugakönnun eða námskeið á vegum NSHÍ að eigin vali, háskólapeysur, kaffikort og fl. 

Grænn nýnemadagur

Grænn nýnemadagur var haldinn þriðjudaginn 31. ágúst þegar Landvernd afhenti fulltrúum Háskóla Íslands og Stúdentaráðs grænfánann. Þá var fánanum flaggað í þágu loftslagsins við Aðalbyggingu og tré gróðursett við Odda á háskólasvæðinu.

Nýnemamót StúdentaráðsÁrlegt nýnemamót Stúdentaráðs var haldið beint fyrir utan Aðalbyggingu. Þar gátu allir nemar tekið þátt í fótbolta með sínu nemendafélagi og þurfti hvert lið að vera skipað 7-10 keppendum. Þar af þurftu tveir að vera nýnemar. Sigurvegarar fótboltamótsins hlutu farandbikarinn ásamt öðrum veglegum vinningum. Liðið í skemmtilegasta búningunum fékk einnig glæsilega vinninga. Taktu hluta af náminu erlendis Alþjóðasvið bauð nýnemum og öðrum nemum kost á því að kynna sér spennandi tækifæri á skiptinámi, starfsþjálfun og sumarnámi. 

Fræðasvið skólans voru einnig með nýnemamóttökur. Nýnemamóttökur fræðasviða er að finna í viðburðadagatali og eftir sviðum hér neðar á síðunni.

Tengt efni
Í þessu myndbandi finnurðu allar helstu upplýsingar sem gott er að hafa á hreinu þegar þú hefur nám í Háskóla Íslands.