Vefurinn Tengslatorg er samstarfsvettvangur sem eflir tengsl Háskóla Íslands við samfélagið, atvinnulífið og hið opinbera í samræmi við stefnu skólans HÍ26. Háskóli Íslands býður fyrirtækjum og stofnunum að auglýsa endurgjaldslaust eftir starfskröftum með háskólamenntun á Tengslatorginu. Háskóli Íslands og 50skills eru í samstarfi sem felst í því að viðskiptavinir 50skills, margir af stærstu vinnustöðum landsins, geta birt störf sín með sjálfvirkum hætti á Tengslatorginu. Við hlökkum til að sjá samstarfið vaxa og dafna! Samstarf við 50skills Viðskiptavinir 50skills slást nú í hóp fjölmargra sem hafa nýtt sér þennan vettvang með árangursríkum hætti. Tengslatorgið er sérstaklega hugsað fyrir starfsauglýsingar þar sem krafist er háskólamenntunar. Þar er einnig hægt að auglýsa tímabundin, hluta- og/eða sumarstörf. Á meðal stúdenta er hægt að finna framtíðarstarfskrafta sem búa yfir þekkingu og færni sem nýtist á vinnumarkaði. Með auglýsingum ná atvinnurekendur til um 15.000 stúdenta á öllum stigum háskólanáms. Háskólinn útskrifar stúdenta þrisvar á ári sem gerir það að verkum að framboð er allt árið um kring af einstaklingum sem hafa lokið háskólagráðu. Jafnframt býður notkun Tengslatorgs upp á tækifæri til aukins samstarfs á milli háskólans, rannsakenda og atvinnulífs sem getur leitt til nýsköpunar og þróunar. Jónína Kárdal náms- og starfsráðgjafi er verkefnisstjóri Tengslatorgsins og tengiliður við notendur þess, þ.e. fyrirtæki, stofnanir, stúdenta og rannsakendur. Þú getur haft samband við Jónínu í s: 525-4315, tengslatorg@hi.is og/eða joninaka@hi.is. Jónína Kárdal er verkefnisstjóri Tengslatorgs HÍ, hægt er að hafa samband við hana með tölvupósti á tengslatorg@hi.is og í síma 525-4336. facebooklinkedintwitter
