Inntökupróf 2026
(7. júlí 2026)
Niðurstöður inntökuprófs fyrir læknisfræði sjúkraþjálfunarfræði og tannlæknisfræði sem haldið var dagana 11. og 12. júní 2026 liggja nú fyrir.
Svarbréf hafa verið send til allra próftaka með tölvupósti á umsóknarnetföng þeirra. Meðaleinkunn, röðun og sundurliðun er væntanlegt í umsóknagáttina.
-
Boð um nám samþykkt eða hafnað fyrir kl. 18 mánudaginn 13. júlí
Þeir próftakar sem öðlast rétt til náms þurfa að staðfesta í tölvupósti hvort þeir ætli að nýta þann rétt eða ekki, læknisfræði: tjonah@hi.is, sjúkraþjálfunarfræði: atli@hi.is og tannlæknisfræði: srv2@hi.is. ATH. Taka þarf fram nafn og kennitölu.
-
Greiðslufrestur skrásetningargjalds rennur út 20. júlí
Fljótlega eftir að svarbréf hafa verið send út mun möguleiki til greiðslu á skrásetningargjaldinu, kr. 100.000,- birtast inn í samskiptagáttinni undir flipanum "Yfirlit umsókna".
Mánudagurinn 10. ágúst - Kennsla hefst í læknisfræði (ath. skyldumæting fyrstu vikuna)
Mánudagurinn 17. ágúst - Kennsla hefst í sjúkraþjálfunarfræði og tannlæknisfræði
-
Frestur til að sækja um annað nám rennur út 20. júlí
Eftir að niðurstöður hafa verið birtar munu þeir próftakar sem ekki öðlast rétt til náms í Læknadeild eða Tannlæknadeild, eða afþakka hann, eiga þess kost að sækja um í annað nám gegn greiðslu skrásetningargjalds skv. reglum Háskóla Íslands. -
Greiðslufrestur skrásetningargjalds fyrir annað nám rennur út 12. ágúst
Fljótlega eftir að umsóknir í annað nám hafa verið afgreiddar mun möguleiki til greiðslu á skrásetningargjaldinu, kr. 100.000,- birtast inn í samskiptagáttinni undir flipanum "Yfirlit umsókna".
Þessi upplýsingasíða verður næst uppfærð þegar dagsetningar næsta inntökuprófs liggja fyrir.
Vinsamlegast hafðu samband við skrifstofu Læknadeildar á netfang medicine@hi.is hafir þú fyrirspurnir eða athugasemdir.