Skip to main content

Fylgigögn með umsókn í hagnýtri sálfræði

Fylgigögn með umsókn í hagnýtri sálfræði - á vefsíðu Háskóla Íslands

Upplýsingar og rafræn fylgigögn sem óskað er eftir að fylgi umsókn í MS nám í hagnýtri sálfræði:

  • Nýtt sakavottorð
    • Hægt er að panta sakavottorð rafrænt hjá Sýslumanni með rafrænni undirskrift. Umsækjandi getur hengt rafrænt sakavottorð við umsóknina, undir önnur skjöl eða sent það eftir á sem .pdf skjal á umsokn@hi.is 
  • Ferilskrá (CV)
  • Greinargerð um fræðileg og fagleg áform í námi og starfi, hámark ein bls. MS-nám í hagnýtri sálfræði skiptist í fjögur kjörsvið. Í upphafi greinargerðar skulu umsækjendur taka skýrt fram hvaða kjörsvið er sótt um í MS-námi í hagnýtri sálfræði (Klínísk sálfræði (barna- eða fullorðinslína), Megindleg sálfræði, Félagsleg sálfræði eða Skólar og þroski) og hvers vegna. Að auki þurfa umsækjendur í Klíníska sálfræði að taka skýrt fram í greinargerðinni hvort þeir séu að sækja um klíníska sálfræði fullorðinna eða klíníska barnasálfræði.
  • Prófskírteini/námsyfirlit
    Þeir sem ekki hafa lokið grunnnámi hjá Háskóla Íslands (HÍ) þurfa að skila staðfestum afritum á pappír af öllum prófskírteinum, eigi síðar en tveimur vikum eftir að umsóknarfresti lýkur. Umsækjendur sem lokið hafa grunnnámi frá HÍ eftir 1981 eða eru að ljúka grunnnámi þurfa ekki að skila afriti af prófskírteini. Óstaðfest eða skönnuð skírteini eru ekki tekin gild. 
  • Meðmælendur
    • Nöfn og netföng tveggja meðmælenda. Þessar upplýsingar þarf að slá inn í þar til gerða reiti í umsókninni. Heppilegt er að meðmælendur séu núverandi eða fyrrverandi kennarar í háskólanámi eða yfirmenn á vinnustað. Meðmælendur ættu ekki að vera fjölskyldumeðlimir eða nánir vinir umsækjanda.
    • Meðmælendur þurfa að skila inn meðmælabréfi í .pdf formi með stuttu og hnitmiðuðu heiti á skjali.
      • Meðmælabréf um umsækjanda um meistaranám í sálfræði við Háskóla Íslands er hægt að skila inn á eftirfarandi eyðublöðum á íslensku eða ensku: Eyðublað fyrir meðmælendurReference form. Einnig má skrifa hefðbundið meðmælabréf. Umsækjandi í meistaranám sem brautskráður er úr grunnnámi í Sálfræðideild við HÍ þarf ekki að skila meðmælabréfum frá kennurum Sálfræðideildar. Öll meðmælabréf eiga að berast á PDF formi með tölvupósti frá netfangi meðmælanda til umsokn@hi.is
Tengt efni