Háskóli Íslands hefur undirritað samkomulag við Evrópsku einkaleyfastofuna (EPO) og Hugverkastofu Evrópusambandsins (EUIPO) um þátttöku í Pan-European Seal áætluninni svokölluðu. Markmið áætlunarinnar er að auka þekkingu á hugverkaréttindum meðal nemenda og starfsfólks háskóla í Evrópu og brúa þannig bilið á milli háskóla og atvinnulífsins þegar kemur að hagnýtingu og verndun hugverka. Háskólar sem eru hluti af áætluninni fá aðgang að kennsluefni og annars konar stuðning við kennslu og skipulagningu viðburða tengdum hugverkaréttindum. Með þátttöku fá nemendur Háskóla Íslands einnig tækifæri til að fara í launað starfsnám hjá EPO og EUIPO. Þar geta nemendur öðlast einstaka starfsreynslu hjá alþjóðastofnunum og alhliða fræðslu á hugverkaréttindum en auk þess fylgja starfsnáminu ýmis konar fríðindi eins og tungumálanám. Nemendur á viðeigandi fræðisviðum geta sótt um starfsnámið til háskólans sem útnefnir ákveðinn fjölda nemenda á hverju ári til EPO og EUIPO. EPO er önnur stærsta stofnun Evrópu með rúmlega 7 þúsund starfsmenn frá fleiri en 30 löndum. Höfuðstöðvar EPO eru í München en stofnunin er einnig með skrifstofur í Haag, Berlín, Vínarborg og Brussel. EUIPO er stærsta sjálfstæða undirstofnun Evrópusambandsins með um 1.200 starfsmenn og aðsetur í Alicante. Hugverkastofan á í miklu samstarfi við EPO og EUIPO fyrir Íslands hönd og átti milligöngu um samstarfa stofnananna við Háskóla Íslands við þátttöku í Pan-European Seal áætluninni. Umsókn um starfsnám 2020 Hefur þú áhuga á að fara í launað starfsnám hjá alþjóðastofnun og fá alhliða fræðslu um hugverkaréttindi? Háskóli Íslands í samstarfi við Evrópsku einkaleyfastofuna (EPO) og Hugverkastofu Evrópusambandsins (EUIPO) auglýsir eftir umsóknum frá nemendum skólans í launað starfsnám. Starfsnámið er í 12 mánuði frá miðjum september ár hvert og eru heildarlaunin 2000 Evrur á mánuði (að frádregnum 20% sem eru skattar og önnur gjöld). Til að sækja um starfsnám þurfa nemendur að hafa: a) Lokið grunn- eða meistaranámi innan tveggja ára frá dagsetningu umsóknar, eða vera skráðir í doktorsnám. b) Lokið eftirfarandi rafrænum námskeiðum áður en starfsnám hjá EPO hefst: · Introduction to the European patent system (skilyrði fyrir alla) · Using CPC (skilyrði fyrir nemendur í verkfræði og raunvísindum) · The EPO as PCT authority (skilyrði fyrir alla) . Lokið eftirfarandi rafrænum námskeiðum fyrir innlögn umsóknar til EUIPO: · EUTM in a Nutshell (mandatory – 4h approximately). · RCD in a Nutshell (mandatory – 4h approximately). c) Þekkingu á einu af fimm vinnutungumálum EUIPO (enska, þýska, franska, ítalska eða spænska) eða einu af þremur vinnutungumálum EPO (enska, þýska eða franska) - að lágmarki stigi B1 samkvæmt sameiginlegum evrópskum viðmiðunarramma fyrir tungumál (Common European Framework of Reference for languages) d) Þegar um er að ræða umsókn um starfsnám hjá EUIPO, má nemandi ekki hafa notið góðs af eða vera njóta góðs af hvers konar starfsnámi (launuðu eða ólaunuðu) og ekki hafa verið eða vera aðstoðarmaður þingmanns, samningsráðgjafa eða intra-muros rannsakanda, eða tímabundinn eða ráðinn fulltrúi, aðstoðarmaður eða starfsmaður hjá evrópskri stofnun. Umsókn til Háskóla Íslands Háskóli Íslands mun útnefna allt að fimm nemendur sem lokið hafa grunn- eða meistaranámi, eða eru í doktorsnámi í verkfræði, raunvísindum, lyfjafræði eða líftækni og fimm nemendur í viðskiptafræði, lögfræði, hagfræði, fjármálum, alþjóðatengslum eða samskiptum, sem fá tækifæri til að senda inn umsókn um starfsnám til EPO. Hér má finna ítarlegar upplýsingar um ferlið hjá EPO, og þau tæknisvið sem þeir eru að leita eftir. Háskólinn mun einnig útnefna fimm nemendur sem lokið hafa námi í lögfræði, hugverkarétti, þekkingarstjórnun, stjórnmálafræði, alþjóðatengslum, málvísindum, hagfræði, viðskiptafræði, frumkvöðlafræði, upplýsingatækni (gagnagreining, upplýsingaöryggi, viðskiptagreining, hugbúnaðarverkfræði, þjónustulausnir), samskiptum, aðstöðustjórnun (t.d. verkfræði), og mannauðsstjórnun, sem fá tækifæri til að senda inn umsókn um starfsnám til EUIPO. Hér má finna ítarlegar upplýsingar um ferlið hjá EUIPO. EPO og EUIPO taka ákvörðun um hvaða nemendum verður boðið starfsnám. Í umsókn til Háskóla Íslands skal koma fram, auk almennra upplýsinga um umsækjanda: • hvort óskað sé eftir starfsnámi hjá EPO eða EUIPO og á hvaða sviði (ekki er heimilt að sækja um hjá báðum stofnunum), • námsferilsyfirlit á ensku, • stutt greinargerð um ástæður þess að nemandi sækir um starfsnámið, og • staðfesting á að nemandi hafi lokið að lágmarki stigi B1, samkvæmt sameiginlegum evrópskum viðmiðunarramma fyrir tungumál (Common European Framework of Reference for languages), í viðeigandi tungumáli á stúdentsprófi (staðfesting frá þeim skóla sem nemandi lauk stúdentsprófi). Með umsókn þurfa að fylgja: • afrit af prófskírteini og • meðmælabréf Frestur til að sækja um starfsnámið til Háskóla Íslands er til 8. mars nk. Fyrir 12. mars sendir Háskóli Íslands EPO og EUIPO lista yfir útnefnda nemendur sem fá tækifæri til að sækja um starfsnám til stofnananna. Þeir nemendur sem hljóta útnefningu Háskóla Íslands þurfa að sækja um til EPO eða EUIPO fyrir 22. mars nk. EPO og EUIPO fara yfir umsóknir og velja þá nemendur sem boðið verður starfsnám í apríl. Frekari upplýsingar um starfsnámið veitir Ólöf Vigdís Ragnarsdóttir; ovr@hi.is. Einnig má finna upplýsingar um starfsnámið á heimasíðum EPO og EUIPO, þ. á m. kynningarmyndband um starfsnámið. Nemendur eru hvattir til að kynna sér möguleika á að sækja um Erasmus+ styrk vegna ferðakostnaðar og uppihalds. Sækja um starf emailfacebooklinkedintwitter
Þarfnast þessi síða lagfæringar? Var efnið hjálplegt? Var efnið hjálplegt? Já Nei Endilega láttu okkur vita hvað má betur fara * Viltu fá svar frá okkur? Viltu fá svar frá okkur? Netfang * Svo hægt sé að hafa samband við þig. Skjáskot Settu inn skjáskot hér ef þú telur þörf á.Skrár verða að vera minni en 2 MB.Leyfðar skráartegundir: gif jpg jpeg png. CAPTCHASía fyrir ruslpóst Hvaða stafir eru á myndinni? * Skrifaðu stafina sem sjást á myndinni.
