Styrkir til starfsþjálfunar | Háskóli Íslands Skip to main content

Styrkir til starfsþjálfunar

Nemendur eiga kost á að sækja um Erasmus+ styrk til starfsþjálfunar eða rannsóknarvinnu hjá háskóla, fyrirtæki eða stofnun sem starfar á sviði sem tengist námi þeirra. Upphæð styrks fer eftir áfangastað en ferðastyrkur nemur 275-820 evrum og dvalarstyrkur 640-690 evrum á mánuði (athugið að upphæðirnar geta verið breytilegar eftir skólaárum).

Erasmus+ Menntaáætlun Evrópusambandsins, er ætlað að stuðla að auknu samstarfi meðal háskóla í Evrópu, styrkja Evrópu sem þekkingarsamfélag og styðja við mótun á samevrópsku, nútímavæddu háskólasamfélagi. Erasmus+ veitir nemendum evrópskra háskóla einstakt tækifæri til að öðlast alþjóðlega reynslu í námi sínu og skapa sér sérstöðu á vinnumarkaði. Að auki stuðlar áætlunin að jöfnum tækifærum til náms erlendis með sérstökum viðbótarstyrkjum til að mæta nemendum með sérþarfir.