Verðlaunasjóður Óskars Þórðarsonar læknis | Háskóli Íslands Skip to main content

Verðlaunasjóður Óskars Þórðarsonar læknis

Markmið sjóðsins er að veita verðlaun fyrir vísindaleg afrek, rannsóknir, ritgerðir og skylda starfsemi á sviði barnalækninga.

Bent Scheving Thorsteinsson stofnaði Verðlaunasjóð Óskars Þórðarsonar 25. september 2000 með veglegri peningagjöf til minningar um fóstra sinn, Óskar Þórðarson barnalækni, f. 14. júní 1897, d. 25. september 1958.

Sjóðurinn er einn þriggja sjóða sem Bent hefur stofnað við Háskóla Íslands. Hinir eru Verðlaunasjóður Bergþóru og Þorsteins Scheving Thorsteinssonar, föður Bents, til styrktar rannsóknum á sviði lyfjafræði, og Styrktarsjóður Margaret og Bent Scheving Thorsteinssonar, sem ætlað er að styðja við rannsóknir á sviði eineltis.

Það er ósk gefanda að verðlaunum sé úthlutað við hátíðlega opinbera athöfn og þess þá getið í hverra minningu þau eru veitt, og fram tekið hverjum veitt, upphæð verðlauna og framlag verðlaunahafa.