Almennt um stöðu doktorsnema Doktorsnemi með ráðningarsamning við Háskóla Íslands (t.d. vegna styrkveitingar sem fjármagnar námið) hefur stöðu starfsmanns og þar með kjarasamningsbundin réttindi sem samningnum fylgir. Auk þessara réttinda hafa starfsmenn rétt á fæðisfé, samgöngusamningi og afnot af tölvu. Nánar um kjarasamningsbundin réttindi doktorsnema og nýdoktora með ráðningarsamning Doktorsnemi við Háskóla Íslands sem ekki er með ráðningarsamning við háskólann hefur stöðu nemanda. Styrkir fyrir doktorsnema og rannsóknaverkefni Háskóli Íslands hefur á síðustu árum lagt áherslu á að fjölga styrkjum til nemenda í doktorsnámi, enda er öflugt styrkjakerfi mikilvæg forsenda þess að doktorsnemar geti helgað sig náminu og náð tilskildum árangri. Rannsóknarsjóðir Háskóla Íslands fyrir doktorsnema Rannsóknasjóður vísinda og tækniráðs Alþjóðlegir styrkirErasmus+ styrkur - skiptinám Nemendur á framhaldsstigi geta sótt um að fá Erasmus+ styrk vegna skiptináms við samstarfsskóla HÍ í Evrópu. Skrifstofa alþjóðasamskipta hefur umsjón með Erasmus+ styrkjum til nemenda HÍ. Einnig er hægt að sækja um viðbótarstyrk frá Erasmus+ vegna fötlunar eða heilsufars. Nánari upplýsingar um skiptinám Erasmus+ styrkur – starfsþjálfun Nemendur á framhaldsstigi eiga kost á að sækja um Erasmus+ styrk til rannsóknarvinnu eða starfsþjálfunar hjá háskólum, stofnunum og fyrirtækjum innan Evrópu. Skrifstofa alþjóðasamskipta hefur umsjón með Erasmus+ styrkjum til nemenda HÍ. Einnig er hægt að sækja um viðbótarstyrk frá Erasmus+ vegna fötlunar eða heilsufars. Nánari upplýsingar um starfsþjálfun erlendis Watanabe styrktarsjóðurinn við Háskóla Íslands Sjóðurinn var stofnaður við Háskóla Íslands árið 2008 og er stofnun sjóðsins liður í því að styrkja mikilvæg fræðileg tengsl Íslands og Japans. Sjóðurinn veitir íslenskum stúdentum og vísindamönnum tækifæri til að nema og starfa í japönsku samfélagi og það sama gildir um japanska stúdenta og vísindamenn, sem eiga þess kost að koma hingað. Tilgangur sjóðsins er að veita styrki til námsdvalar í Japan og á Íslandi, bæði nemendum í grunnnámi og framhaldsnámi, auk þess að stuðla að kennaraskiptum. Nánari upplýsingar um Watanabe styrktarstjóðinn Styrkir við Nordic Center India Á hverju ári eru veittir styrkir til samstarfsverkefnis upp á allt að EUR 3500 fyrir 2 norræna aðildarháskóla stofnunarinnar í samstarfi við indverska háskóla.Nánari upplýsingar um styrki til samstarfsverkefnis Ferðastyrkir fyrir doktorsnema og fræðimenn við aðildarháskóla að andvirði EUR 500 eru veittir til rannsóknarferða til Indlands. Umsóknarfrestur er tvisvar á ári.Nánari upplýsingar um ferðastyrki Gangha Mahal gestavinnustofan er í Indlandsmiðstöð Karlstadt-háskóla í heilögu borginni Varanasi við Gangesfljót. NCI styrkir rannsóknardvöl doktorsnema og fræðimanna til eins mánaðar dvalar við miðstöðina. Umsóknarfrestur er tvisvar á ári.Nánari upplýsingar um Gangha Mahal gestavinnustofuna Nánari upplýsingar veitir Hafliði Sævarsson á Skrifstofu alþjóðasamskipta. Styrkir við Nordic Centre China Norræna menningarmiðstöðin við Fudan-háskola veitir ferðastyrki til fræðimanna við norræna aðildarháskóla sem vilja stunda rannsóknir í Kína í 2-4 vikur í senn, og frá fræðimönnum við kínverska háskóla á leið til Norðurlandanna.Nánari upplýsingar um ferðastyrki frá Fudan-háskóla Nánari upplýsingar veitir Hafliði Sævarsson á Skrifstofu alþjóðasamskipta Fulbright styrkur til rannsóknardvalar í Bandaríkjunum Doktorsnemar við íslenska háskóla geta sótt um styrk til 4–12 mánaða rannsóknardvalar í Bandaríkjunum. Styrkupphæðin er 10.000 USD óháð lengd dvalar. Styrkurinn er einungis til íslenskra ríkisborgara sem ekki eru handhafar græna kortsins eða með bandarískt ríkisfang. Fulbright-stofnunin á Íslandi hefur umsjón með styrknum. Nánari upplýsingar um Fullbright styrki Styrkir frá fræðasviðumFélagsvísindasvið Félagsvísindasvið og deildir þess veita styrki til nemenda sem varðar aðstöðu, útgáfu ritgerða, ráðstefnur og fleira. Nánar um styrki á Félagsvísindasviði Heilbrigðisvísindasvið Ferðastyrkir doktorsnema HVS Sérhæfðir styrktarsjóðir á sviði heilbrigðisvísinda Hugvísindasvið Nánar um styrki á Hugvísindasviði Menntavísindasvið Doktorsnemar á Menntavísindasviði geta sótt um ferðastyrk til sviðsins þrisvar á námstímanum. Nánar um styrki á Menntavísindasviði Verkfræði- og náttúruvísindasvið Doktorsnemar á Verkfræði og náttúruvísindasviði geta haft samband við verkefnisstjóra doktorsnáms, Þuríði Ósk Sigurjónsdóttur, fyrir frekari upplýsingar um styrki. facebooklinkedintwitter
