Háskóladagurinn 28. febrúar 2026
Komdu í HÍ á Háskóladaginn laugardaginn 28. febrúar milli 12 og 15 og kynntu þér spennandi nám. Yfir 400 námsleiðir eru í boði. Við kynnum fjölbreytt starf skólans og opnum nokkur húsa okkar upp á gátt.
Kynningar fræðasviða
Námskynningar á vegum einstakra fræðasviða Háskóla Íslands verða á eftirtöldum stöðum:
- Verkfræði- og náttúruvísindasvið: Askja
- Félagsvísindasvið: Háskólatorg, 2. hæð
- Hugvísindasvið: Háskólatorg, 2. hæð
- Menntavísindasvið: Saga
- Heilbrigðisvísindasvið: Saga
Hvar er þín námsleið kynnt?
Finndu þína námsleið
Sjáðu um hvað námið snýst
Námskynningar
Háskólinn á Hólum verður með kynningu á 2. hæð á Háskólatorgi. Keilir, Háskólinn á Akureyri, Landbúnaðarháskóli Íslands og Endurmenntun verða á 1. hæð á Háskólatorgi.
Háskólinn á Bifröst og Listaháskóli Íslands verða einnig á 1. hæð Háskólatorga. Háskólinn í Reykjavík verður með námskynningu í eigin húsakynnum við Öskjuhlíð og LHÍ í eigin húsakynnum á Laugarnesvegi.
Hoppaðu frítt á Háskóladaginn! Leggðu í Hoppstæði við Grósku, HÍ, HR eða LHÍ Stakkahlíð og fáðu ferðina frítt.
Kynning á þjónustu
Fulltrúar frá Nemendaráðgjöf; Náms- og starfsráðgjöf, Alþjóðasviði og Nemendaskrá veita ýmiss konar aðstoð og upplýsingar á 2. hæð Háskólatorgs. Þar verða einnig fulltrúar frá Stúdentaráði sem vita allt um réttindamál stúdenta, félagslíf og ekki síst tónlistarhátíðina vinsælu Oktoberfest.
Þá veita fulltrúar Félagsstofnunar stúdenta upplýsingar um Stúdentagarða, Leikskóla stúdenta og aðra þjónustu fyrir stúdenta.
Skoðaðu meira
Á staðnum verða vísindamenn, kennarar og nemendur úr öllum deildum Háskólans sem svara spurningum um allt milli himins og jarðar – eða því sem næst. Ekki missa af því þegar Háskólinn opnar dyr sínar upp á gátt.
Samfélagsmiðlar
