Starfsmöguleikar að loknu námi

Nám í frönsku getur nýst á margan hátt. Góð tungumálakunnátta opnar leiðir inn í menningu og hugarheim annarra þjóða og í nútímaþjóðfélagi þar sem alþjóðlegt samstarf og margvísleg tengsl við umheiminn fara sífellt vaxandi er góð færni í tungumálum og menningarlæsi afar eftirsóknarverð. Franskan getur einnig verið lykill að framtíðarstarfi á sviði viðskipta, ferðaþjónustu, fjölmiðlunar, stjórnmála, kennslu og vísinda, sem og við þýðingar, túlkun og ýmis menningartengd málefni.
 
Lönd, önnur en Frakkland, þar sem franska er opinbert tungumál eru t.a.m. Belgía, Sviss, Lúxemborg, Québec-fylki í Kanada, Martiník, Gvadelúpeyjar, Franska Gvæjana, Máritanía, Senegal, Kamerún, Réunion, Franska Pólýnesía og Nýja-Kaledóní. Þá er franskan forgangstungumál í menntun (langue d’enseignement privilégiée) í fjölmörgum fyrrverandi nýlendum Frakklands í Afríku, Asíu, Eyjaálfu, Kyrrahafi og Karíbahafinu, sem og í öðrum löndum sem aldrei hafa verið undir stjórn Frakka.