• Hefur þú áhuga á franskri sögu og bókmenntum?
• Langar þig að auka skilning þinn á margslungnum tengslum tungumála og menningar?
• Vilt þú fá þjálfun í tjáningu á frönsku og læra að beita mismunandi orðræðu í mæltu og rituðu máli?
• Sækist þú eftir því að öðlast góðan grunn fyrir störf í ferðaþjónustu, túlkun, þýðingum eða annarri miðlun upplýsinga til frönskumælandi einstaklinga?
• Ert þú með grunn í frönsku?

Í meistaranámi í frönskum fræðum öðlast nemandi dýpri þekkingu á fræðasviði sínu og fær þjálfun í akademískum vinnubrögðum og í framsetningu efnis. Að námi loknu getur hann tekist á hendur doktorsnám í fræðigrein sinni.

Uppbygging náms 

Námið er 120 einingar og er sett upp sem fullt nám til tveggja ára.

Námið skiptist í:

• Skyldunámskeið, 35 einingar
• Valnámskeið, 0 - 55 einingar
• Meistararitgerð, 30/40/60 einingar 

Nemandi velur valnámskeið út frá áhugasviði sínu í samráði við umsjónarmann sinn. Heimilt er að taka allt að 30e í námskeiðum á meistarastigi í öðrum greinum.

Fyrirkomulag kennslu 

Námið er kennt á frönsku, ensku og íslensku.

Nemendur eru hvattir til að taka hluta námsins við samstarfsháskóla erlendis, t.d. í Frakklandi, Belgíu eða Kanada. Kennarar í frönskum fræðum veita upplýsingar um þessa námsmöguleika og aðstoða nemandur við val á námskeiðum. Nám við erlenda háskóla er að hámarki metið til 60e

Þýðingafræði - franska

Í samstarfi við Íslensku- og menningardeild er boðið upp á nám í þýðingafræði og nytjaþýðingum. Hafið samband við verkefnastjóra Íslensku- og menningardeildar vegna fyrirspurna um Þýðingafræðinámið.

Meginmarkmið 

Miðað er að því að nemendur:

• öðlist sérfræðiþekkingu í frönskum fræðum
• geti nýtt sér tungumálið til að miðla þekkingu sinni á fræðilegum vettvangi
• þekki fræðileg viðfangsefni og álitamál
• geti nýtt sér nýjustu þekkingu í samhengi á viðeigandi sérsviði

Annað

MA-próf í frönsku veitir rétt til að sækja um doktorsnám.

• Franska - doktorsnám

Inntökuskilyrði námsleiðar

BA-próf í frönskum fræðum með fyrstu einkunn (7,25) og 10e lokaritgerð, eða sambærilegt próf frá öðrum háskóla.

Til MA-prófs er krafist minnst 120 eininga. Nemandi skipuleggur nám sitt í samráði við fastráðinn umsjónarkennara í greininni.

Eftirfarandi gögn þurfa að fylgja umsókn um þetta nám:

• Greinargerð

• Staðfest afrit af námsferli og prófskírteini frá háskóla

• Ef umsækjandi hefur erlent ríkisfang og erlent próf þarf að skila staðfestingu á enskukunnáttu 

Frekari upplýsingar um fylgigögn má finna hér

Námið er á

• Hugvísindasviði
• Mála- og menningardeild