Efnaverkfræði

Efnaverkfræði

180 einingar - BS gráða

. . .

Efnaverkfræði veitir haldgóða þekkingu í raunvísindum og ákveðnum verkfræðigreinum.

Nemendur læra meðal annars að byggja upp og skipuleggja efnaferla á iðnaðarskala.

Námið er veitir traustan almennan grunn í raungreinum og verkfræðigreinum og góða starfsþjálfun í verklagi á rannsóknarstofu.

Sækja um nám

Námið

Efnaverkfræði, BS, 180 e

Fyrir nemendur

Náms- og starfsráðgjöf Háskóla Íslands

Starfsfólk

Aðstaða

Aðgangur að Uglu og tölvukerfi

Viltu vita meira?

Grunnnám

Námið er byggt upp á svipaðan hátt og annað verkfræðinám. Fyrst er lagður traustur raungreinagrunnur með áherslu á efnafræði en verkfræði og hönnunargreinar fylgja í kjölfarið.

Nemendur læra hvernig verkfræðingar nota þekkingu á raunvísindum til að finna upp, hanna og bæta ferla sem notaðir eru til að framleiða orku, matvæli, lyf og efni sem nýtast í nánast öllum vörum sem notaðar eru í samfélaginu.

Mörg námskeið byggja að miklu leyti á verkefnavinnu og er leitast við að nota raunhæf verkefni úr atvinnulífinu.

Meðal viðfangsefna

Efnahvörf, efnajafnvægi og hraðafræði
Hönnun hvarfklefa
Hönnun efnaferla
Tölvuhermun framleiðslukerfa
Lífræn efnafræði og efnagreining
Tilraunastofur í efnaverkfræði
Straum- og varmaflutningsfræði
Eðlisefnafræði
Hagverkfræði, verkefnastjórnun og gæðastjórnun

Inntökuskilyrði

Grunnnám

Íslenskt stúdentspróf eða sambærilegt próf. Sterklega er mælt með að minnsta kosti 40 fein (24 ein) í stærðfræði og 50 fein (30 ein) í náttúrufræðigreinum þar af minnst 10 fein (6 ein) í eðlisfræði.

Nánar um inntökuskilyrði deildar

Texti vinstra megin

Starfsvettvangur

Starfsmöguleikar efnaverkfræðinga eru mjög fjölbreyttir, bæði varðandi tegund starfsemi og störfin sjálf. Margir efnaverkfræðingar vinna sem verkefnastjórar og fara fyrir hönnunarhópum, eða taka að sér stjórnun í iðnaði þar sem efnaverkfræði spilar stórt hlutverk.

Efnaverkfræðingar starfa víða svo sem:

Í líftæknifyrirtækjum og lyfjaiðnaði
Í snyrtivöruiðnaði
Á verkfræðistofum og í ráðgjafarfyrirtækjum
Í framleiðslu- og nýsköpunarfyrirtækjum
Hjá umhverfismálastofnunum og -fyrirtækjum,
Í hráefnaiðnaði, olíuiðnaði o.s.frv.
Hjá borgar- og bæjaryfirvöldum
Hjá eftirlitsstofnunum

Texti hægra megin

Framhaldsnám

Að BS námi loknu eru nemendur gjaldgengir í framhaldsnám í efnaverkfræði og skyldum greinum við helstu háskóla erlendis. Nemendur geta einnig stundað meistaranám í greinum skyldum verkfræði- og raunvísindagreinum við Háskóla Íslands.

Nemendaþjónusta VoN veitir nánari upplýsingar um framhaldsnám.

Félagslíf

Vélin er nemendafélag iðnaðarverkfræði-, vélaverkfræði- og efnaverkfræðinema
Félagið stuðlar að virku félagslífi og gætir hagsmuna sinna félagsmanna
Félagið á fulltrúa í nefndum og á námsbrautar- og deildarfundum
Félagið stendur fyrir ýmsum viðburðum, til dæmis vísindaferðum, keppnum og árshátíð