Grunn- og meistaranemar eiga kost á að sækja um Erasmus+ styrki til starfsþjálfunar og rannsóknarvinnu hjá háskólum, stofnunum og fyrirtækjum innan Evrópu. Einnig er hægt að sækja um starfsþjálfun eftir útskrift ef sótt er um fyrir brautskráningu frá HÍ og dvölinni lýkur innan 12 mánaða frá útskrift. Nemendur geta sótt um styrk fyrir eftirfarandi möguleikum: Hefðbundin dvöl (2-12 mánuðir) Styttri dvöl (5-30 dagar). Styttri dvalir verða að vera sambland af starfsþjálfun á staðnum og á rafrænu formi Starfsþjálfun Rannsóknarvinna Klínísk þjálfun á sjúkrastofnun (nemendur í heilbrigðisvísindum) Nemendur sækja um starfsþjálfunarstyrkinn hjá Alþjóðasviði. Umsóknarfrestur er 1. apríl á ári hverju. Heimilt er að sækja um eftir auglýstan umsóknarfrest en þeir sem sækja um fyrir 1. apríl hafa forgang við úthlutun styrkja. Styrkupphæðir Ferðastyrkur að fjárhæð 275-820 €* eftir áfangastað Dvalarstyrkur að fjárhæð 640-690 €* á mánuði eftir áfangastað fyrir hefðbundnu dvalirnar 2-12 mánuðir Dvalarstyrkur fyrir styttri dvalir (5-30 dagar) er 70 €* á dag fyrstu 14 dagana en 50 €* á dag frá 15 degi * Athugið að upphæðirnar geta verið breytilegar eftir skólaárum. Skilyrði fyrir styrk Dvölin þarf að tengjast námi umsækjanda Dvölin þarf að vera metin sem hluti af náminu við HÍ, ýmist í formi eininga eða skráð í skírteinisviðauka. Undantekning er ef um er að ræða dvöl eftir brautskráningu Ekki þarf að vera samningur milli HÍ og gestastofnunar en móttökustofnun þarf að vera í þátttökulandi Erasmus+ Grunnnemar þurfa að hafa lokið 60 ECTS einingum til að geta fengið styrk Grunnnemar í diplómanámi geta aðeins sótt um styrk ef námið er a.m.k. 90 ECTS einingar en námið þarf að vera a.m.k. 60 ECTS hjá meistaranemum Nemendur útbúa stutta lýsingu á markmiði og ávinningi af námsdvölinni og fá samþykki leiðbeinanda Leiðbeinandi við HÍ og leiðbeinandi við móttökustofnun þurfa að undirrita samninginn svo hægt sé að greiða út styrk. Nemendur útvega sér sjálfir leiðbeinanda við móttökustofnun í samráði við leiðbeinanda sinn við HÍ. facebooklinkedintwitter
