Norðurlandafræði

Hugvísindasvið

Norðurlandafræði

MA gráða – 120 einingar

Meistaranám í norðurlandafræði er hagnýtt nám, sem hefur þann tilgang að búa nemendur undir hvers konar störf og samskipti, þar sem reynir á haldgóða kunnáttu í dönsku, norsku og sænsku auk almennrar þekkingar á menningu og samfélagsgerð norrænna þjóða.

Lögð er áhersla á Norðurlönd sem sérstakt mál- og menningarsvæði.

Sækja um nám

Um hvað snýst námið?

Í MA námi í norðurlandafræði fá nemendur innsýn í það sem einkennir norræn þjóðfélög og þróun þeirra, daglegt líf, bókmenntir og menningu.

Áhersla er lögð á að nemendur geti nýtt kunnáttu sína í a.m.k. einu Norðurlandamáli til að öðlast alhliða færni í dönsku, norsku og sænsku (þ.m.t. finnlands-sænsku) og notað þau til samskipta á norrænum vettvangi.

Í náminu er áhersla lögð á það sem einkennir Norðurlönd sem svæði með tilliti til menningar, tungumála og samskipta auk helstu samfélagslegra einkenna.

Uppbygging náms

Námið er 120 einingar og er sett upp sem fullt nám til tveggja ára.

Námið skiptist í:

Skyldunámskeið, 25 einingar
Bundin valnámskeið, 10 einingar
Valnámskeið, 55 einingar
Lokaverkefni, 30 einingar

Fyrirkomulag kennslu

Kennslan fer fram á dönsku, norsku og sænsku og er námsefni einnig á þessum tungumálum.

Sjá frekari upplýsingar um námsleiðina

Meginmarkmið

Miðað er að því að nemendur

öðlist breiða þekkingu á Norðurlöndunum sem sérstöku mál- og menningarsvæði og geti auðveldlega tjáð sig i norrænu samhengi.
fái innsýn í daglegt líf, bókmenntir og menningu Norðurlanda og þróun norænna samfélaga.
geti notað kunnáttu sína í einu skandinavísku máli sem lykil að grannmálunum tveimur og aukið þannig möguleika sína til hvers konar starfa á norræna málsvæðinu.

Annað

MA-próf í Mála- og menningardeild veitir rétt til að sækja um doktorsnám á kjörsviði.

Sjá upplýsingar um doktorsnám við Hugvísindasvið

Skipulag náms

Óháð námsári

Haust
Meistararitgerð í Norðurlandafræðum
Tungumál og menning I
Norræn öndvegisverk í bókmenntumB
Norðurlönd: Saga og samfélag. Frá miðstýrðum konungsveldum til velferðarsamfélagaV
Málnotkun og framsetning: DanskaV
Vor
Meistararitgerð í Norðurlandafræðum
Norræn tjáskipti
Tungumál og menning II: Evrópsk menntahefð
Norræn trúV

Meistararitgerð í Norðurlandafræðum (NLF441L)

Meistararitgerð í norðurlandafræðum.

Nánar um námskeiðið

Tungumál og menning I (MOM301F)

Viðfangsefni námskeiðsins eru margvísleg tengsl menningar og tungumála út frá hugmyndasögulegum, félags- og málvísindalegum forsendum. Gömul og ný heimsmál verða kynnt, tilurð þeirra, áhrif og afleiðingar. Fjallað verður um talmál og ritmál: Hvað er skrifað, hvers vegna og hvernig? Reglur og ólík viðhorf til tungumála eru rædd og velt verður upp spurningum um tengsl mannsins við hugsun og tungumál.

Nánar um námskeiðið

Norræn öndvegisverk í bókmenntum (NLF108F, NLF109F)

Norræn öndvegisverk verða kynnt og rædd frá gagnrýnu sjónarhorni þar sem kanónu-hugtakið er í brennidepli. Úrval meginverka Norðurlanda verða kynnt, lesin og greind. Í tengslum við námskeiðið verður haldin málstofa í bókmenntum með þátttöku gagnrýnenda og rithöfunda af Norðurlöndunum.

Nánar um námskeiðið

Norðurlönd: Saga og samfélag. Frá miðstýrðum konungsveldum til velferðarsamfélaga (NLF105F)

Námskeiðið miðar að því að auka þekkingu og skilning nemenda á sögu Norðurlanda og Vestnorrænu-landanna frá 19. öld til samtímans og sameiginlegum menningar- og stjórnmálaarfi þeirra. Fjallað er um myndun þjóðríkja á 19. öld, iðnvæðingu og almenna efnahagsþróun, stjórnmál og flokka, Norðurlönd á alþjóðavettvangi frá 19. öld til samtímans og samvinnu norrænu ríkjanna sín á milli. Kannað verður hugtakið norræn samfélagsgerð, den nordiske model, sérkenni norrænu velferðarríkjanna í alþjóðlegum samanburði og söguleg þróun þeirra á 20. öld. Sérstök áhersla verður lögð á þróun mála í Vestnorrænu löndunum, Færeyjum, Grænlandi og Íslandi.

Nánar um námskeiðið

Málnotkun og framsetning: Danska (DAN703F)

Námskeiðið er bæði fræðilegt og hagnýtt. Nemendur rifja upp helstu reglur um danskt mál, málnotkun og stílbrögð. Þeir greina hvernig ólíkar textagerðir taka mið af mismunandi tilgangi tjáskipta. Áhersla verður einnig lögð á ritfærni nemenda á dönsku og þeir þjálfaðir í notkun hjálpargagna.

Nánar um námskeiðið

Meistararitgerð í Norðurlandafræðum (NLF441L)

Meistararitgerð í norðurlandafræðum.

Nánar um námskeiðið

Norræn tjáskipti (NLF206F)

Í námskeiðinu verður fyrst og fremst fjallað um málstefnu Norðurlandanna í nútímanum og sögulegu ljósi og rannsakað hvort og í hve miklum mæli málstefna og tjáskipti milli landa er samofin á Norðurlöndum. Í námskeiðinu leitað svara við spurningum eins og t.d. Hvað einkennir málstefnu Norðurlanda? Hvernig virka tjáskipti innan Norðurlandanna? Hefur hin íslenska hreintungustefna afleiðingar/áhrif á tjáskipti innan Norðurlandanna. Hvernig er samhengi milli norskrar málstefnu og hæfni Norðmanna til að skilja önnur Norðurlandamál? Hafa tjáskipti á Norðurlandamálum sérstöðu á Eyrarsundssvæðinu?

Nánar um námskeiðið

Tungumál og menning II: Evrópsk menntahefð (MOM402M)

Evrópsk mennta- og umræðuhefð einkennist af sterkum tengslum háskóla og samfélags. Margir áhrifamestu hugsuða Evrópu á 19. og 20. öld störfuðu utan háskólanna og margir þeirra sem áttu hefðbundinn starfsferil innan háskólanna voru líka virkir samfélagsgagnrýnendur, skiptu sér af stjórnmálaumræðu dagsins og höfðu jafnvel talsverð áhrif. Í námskeiðinu lítum við á verk nokkurra valinna evrópskra hugsuða sem eiga það sameiginlegt að hafa verið áhrifamiklir jafnt í fræðunum sem á vettvangi samfélagsumræðunnar. Um leið hugleiðum við stöðu hins „evrópska“ – að hvaða leyti verk þessara hugsuða eru í eðli sínu evrópumiðuð og að hvaða marki við sjáum skilning á menningarlegri óvissu koma fram.

Nánar um námskeiðið

Norræn trú (ÞJÓ203F)

Trúarlíf manna á norðurslóðum er tekið fyrir og heimildir allt frá elstu tímum, eins og grafir, rúnasteinar, hellaristur og aðrar fornminjar verða skoðaðar. Einnig verða lesnar lýsingar á norrænum trúarathöfnum í verkum eftir Tacitus, Adam frá Brimum, Saxo Grammaticus og í fornritum Íslendinga eins og Eddukvæðum og Konungasögum. Auk norrænnar trúar verður fjallað um seið og sjamanisma. Örlagatrú er tekin til ítarlegrar umfjöllunar sem meginþáttur í forkristnum átrúnaði á Norðurlöndum. Loks er vikið að því hvernig kristindómur hefur fallið að norrænum lífsháttum og hugsunarhætti. Námskeiðið er kennt á ensku.

Nánar um námskeiðið

Öll fög eru skyldufög nemaVValfagBBundið val er háð skilyrðum ENámskeiðið er ekki kennt á misserinuNámsleiðin í Kennsluskrá