Handleiðsla

Félagsvísindasvið

Viðbótardiplóma – 30 einingar

Viðbótardiplóma í handleiðslu er þverfræðilegt nám að loknu háskólanámi til starfsréttinda á sviði félags-, heilbrigðis- eða menntavísinda. Markmið námsins er að nemendur öðlist þekkingu og skilning á handleiðslufræðum og færni til að veita handleiðslu í faglegu starfi og skipuleggja handleiðslukerfi á vinnustað. Þeir læra að beita kerfisnálgun og dýnamískri sýn til að skilja samskipti milli einstaklinga, faghópa og í stofnanasamstarfi.

Sækja um nám

Um hvað snýst námið?

Í Diplómanámi Í handleiðslu læra nemendur að þekkja og beita kerfisnálgun og dýnamiskri sýn á samskipti milli einstaklinga, faghópa og í stofnanasamstarfi. Nemendur þróa með sér og læra að sýna fram á nauðsynlega hæfni til að geta skipulagt og séð um framkvæmd handleiðslukerfis.

Námsleiðin er ætluð fagfólki með löggild starfsréttindi s.s. félagsráðgjöfum, hjúkrunarfræðingum, kennurum, læknum, prestum/guðfræðingum, iðjuþjálfum, sálfræðingum og sjúkraþjálfurum.

Uppbygging náms

Námið er 30 einingar og er sett upp sem eins og hálfs árs árs hlutanám.

Skyldunámskeið á námsleiðinni:

Faghandleiðsla - ytri umgjörð og innri samskipti á vinnustöðum, 10 einingar
Faghandleiðsla og handleiðslutækni, 10 einingar
Faghandleiðsla og samtími - breytt viðtak og nálgun, 10 einingar

Fyrirkomulag kennslu

Námið skiptist í fyrirlestra, klíníska þjálfun, heimanám með verkefnavinnu og annað sem styrkir lærdóms-og þroskaferli þátttakenda. Í náminu er regluleg hóphandleiðsla aðra hvora viku, auk þess sem nemendur skulu hafa lokið 60 tímum á námstímabilinu í þjálfunarskyni.

Annað

Hægt er að fá námið metið inn í meistaranám í félagsráðgjöf að uppfylltum inntökuskilyrðum.

Haust
Faghandleiðsla - ytri umgjörð og innri samskipti á vinnustöðum
Vor
Faghandleiðsla og handleiðslutækni

Faghandleiðsla - ytri umgjörð og innri samskipti á vinnustöðum (FRG121F)

Í námskeiðinu er fjallað um kerfisnálgun, stjórnun og samskipti í velferðarstofnunum (human services organization). Kynnt er uppbygging og líkön handleiðslukerfa. Fjallað er um kerfisgreiningu, stjórnunarleg starfsfélaga- og yfirmannasamskipti og faglegt samráð. Þessu tengt er athygli beint að því hvernig má draga úr álagi, starfsþreytu og kulnun í starfsumhverfi. Þá er mið tekið af hlut handleiðslu í að auka starfsánægju, efla fagmanninn og bæta gæði þjónustu til skjólstæðinga. Byggt er m.a. á stjórnunar-og stofnanafræðum, samskiptakenningum og psychodýnamiskri nálgun. Samhliða fyrirlestrum er klínísk kennsla (hóphandleiðsla) þar sem nemendur vinna með eigin handleiðsluverkefni undir leiðsögn sérþjálfaðra handleiðara.

Nánar um námskeiðið

Faghandleiðsla og handleiðslutækni (FRG229F)

Í námskeiðinu er fjallað um hugmyndafræði, sögu og upphafskenningar handleiðslu og fagsiðfræði (e. professional ethics), og athygli beint að tengsla- og fagþroska (e.personal and professional development), m.a á grunni psykodýnamskra-og tengsla kenninga. Áhersla er á aðgreiningu ólíkra handleiðslutegunda og forma, ásamt þeim eðlismun sem er á nema - og faghandleiðslu.

Nánar um námskeiðið

Haust
Faghandleiðsla og samtímiE

Faghandleiðsla og samtími (FRG308F)

Í námskeiðinu er fjallað um hugtök, ferli og fyrirbæri, hlutverkastöður, vinnulag og tækni. Sérstök áhersla er á upphafstengsl, einkenni þrepa í handleiðsluferlinu, hliðstæð ferli (e.paralell process) og úrvinnslu hindrana. Þá eru kynntar leiðir til að beita ígrundun, meta framvindu og fella af tengsl (ljúka handleiðslu).

Nánar um námskeiðið

Öll fög eru skyldufög nemaVValfagBBundið val er háð skilyrðum ENámskeiðið er ekki kennt á misserinuNámsleiðin í Kennsluskrá