Forstöðumaður:

Einar Stefánsson

Prófessor

5437217

estefans [hjá] hi.is

Á fræðasviði augnlæknisfræði eru stundaðar fjölbreyttar rannsóknir auk kennslu læknanema og unglækna.

Augað er flókið líffæri og starfsemi þess getur truflast á ýmsan hátt. Augnsjúkdómar geta bæði verið tiltölulega einangraðir við augað, eins og t.d. þegar ský kemur á augastein eða hrörnun verður í augnbotnum. Augnvandræði geta einnig verið hluti af stærri sjúkdómi, eins og t.d. þegar sykursýki veldur sjónhimnusjúkdómi eða gigtsjúkdómur veldur svæsnum augnþurrki.

Þótt augað sé lítið er fræðigreinin fjölbreytt og tengist ýmsum öðrum sviðum læknisfræði. Ýmiss konar lyfjameðferð og skurðlækningum er beitt á augað og mikið er um háþróuð tæki eins og lasertæki og sérhæfðar myndavélar.

Öflugar rannsóknir eru stundaðar á fræðasviðinu og má þar nefna umfangsmiklar rannsóknir á lífeðlisfræði, lyfjafræði, faraldsfræði og erfðafræði augnsjúkdóma.

Kennsla í augnsjúkdómafræði fer fram á 5. ári í læknanámi og samanstendur námskeiðið af einni fyrirlestraviku og einni viku á Augndeild Landspítala, þar sem nemendur fá að kynnast fjölbreyttri starfseminni. Markmið námskeiðsins er að nemendur læri grunnatriði augnlæknisfræði þannig að þeir séu færir um að takast á við einföld augnvandamál og að meta hvenær skal senda sjúkling áfram til sérfræðings. Áhugasamir unglæknar geta síðan undirbúið sérnám í faginu með starfi og námi á deildinni.

Dæmi um undirsérgreinar augnlækninga:

• Hornhimna og ytra byrði augans
• Gláka
• Tauga-augnlæknisfræði
• Meinafræði augans
• Lýtalækningar augans og augnumgjarðar
• Barnaaugnlækningar
• Sjónhimnulækningar

Forstöðumaður: 

Ásgeir Haraldsson

Prófessor

5431000

asgeirh [hjá] hi.is

Verksvið fræðasviðsins nær til rannsókna og kennslu í barnalækningum við Háskóla Íslands.

Barnalækningar eru kenndar á fimmta ári í Læknisfræði og er námið verklegt og bóklegt. Námið fer fram á Barnaspítala Hringsins, Landspítala Háskólasjúkrahúsi.  Markmið námsins er að læknanemar fái staðgóða þekkingu í barnalæknisfræði.  Verklega námið miðast við að læknanemar fái góða reynslu í að skoða, umgangast og sjúkdómsgreina veik börn og gera tillögur um rannsóknir og meðferð. Kennarar eru flestir barnalæknar Barnaspítalans auk annarra barnalækna utan háskólasjúkrahússins.

Rannsóknir fræðasviðsins eru af nokkuð mismunandi toga. Stærstur hluti rannsóknanna fjallar þó um árangur meðferðar á Barnaspítalanum auk tengdra klínískra atriða.  Rannsóknir eru greiddar af ýmsum aðilum. Fræðasvið barnalækninga er í innlendu og erlendu samstarfi í rannsóknum.

Fræðigreinar sem tilheyra fræðasviðinu:
Almenn barnalæknisfræði, forsvarsmaður Ásgeir Haraldsson

Um nám læknanema á Barnaspítala Hringsins

Barnaspítali Hringsins

Forsvarsmaður: 

Hjalti Már Björnsson

Lektor

hjaltimb [hjá] hi.is

Bráðalæknisfræði er fræðigrein sem heyrir undir Skurðlæknisfræði. Hún fjallar um einkenni bráðasjúkdóma og slysa og hvernig bregðast skal við í mismunandi kringumstæðum. Mikilvægur þáttur í fræðslunni er þjálfun og þaulreynt skipulag sem veitir fullkomið öryggi á ögurstundu við mismunandi aðstæður. Fræðsla og þjálfun nema fer fyrst og fremst fram á Landspítala.

Slysa- og bráðasvið Landspítala er með mikla starfsemi í Fossvogi og við Hringbraut sem vex ár frá ári. Slysa- og bráðadeild í Fossvogi er helsta móttaka slasaðra á landinu en bráðamóttaka við Hringbraut er sérgreinamóttaka, einkum fyrir sjúklinga með hjarta-, nýrnasjúkdóma eða krabbamein auk sjúklinga með kviðverki eða þurfa á þvagfæraskurðlækningum að halda.

Innlagnarstjóri stýrir útskriftar- og öldrunarteymi LSH sem skipuleggur innlagnir af slysa- og bráðadeildum á aðrar deildir sjúkrahússins og aðstoðar við útskriftir af legudeildum LSH.

Á skammverueiningu á slysa- og bráðadeild geta sjúklingar dvalið í allt að 24 klukkustundir undir forsjá slysa- og bráðalækna. Þar er gerð nánari greining, veitt frekari meðferð og stuðningur með það að markmiði að sjúklingurinn útskrifist heim.

Skráning á slysum og sjúkdómum, orsökum þeirra og alvarleika, hefur lengi verið.

Læknisfræðileg ábyrgð sjúkraflutninga á höfuðborgarsvæðinu er í höndum sviðsins fyrir hönd LSH. Samstarf er gott við Neyðarlínuna, Slökkvilið höfuðborgarsvæðisins og Landhelgisgæslu Íslands um málaflokkinn en læknar sviðsins starfa ásamt áhöfn sjúkraþyrlu og neyðarbíls við björgun og flutning veikra og slasaðra.

Neyðarmóttaka fyrir fórnarlömb kynferðislegs ofbeldis og áfallahjálp fyrir þá er verða fyrir áföllum er starfrækt á slysa- og bráðadeild.

Þar er einnig eitrunarmiðstöð LSH.

Forstöðumaður: 

Halldór Jónsson

Prófessor

5431000

hjjr [hjá] hi.is

Fræðasviðið er vettvangur kennslu og vísindastarfsemi á sviði Bæklunarskurðlækninga. Fræðin eru almennt um greiningu og meðferð áverka og sjúkdóma sem tengjast stoðkerfinu. Sérstakar undirgreinar eru: hjá börnum: meðfæddir sjúkdómar, þ.m.t. hryggskekkjur og áverkar; hjá fullorðnum: sjúkdómar og áverkar á útlimi, hryggsúlu og mjaðmagrind, gerviliðir í axlir, mjaðmir og hné og handaskurðlækningar.

Í fyrirlestrum er lögð áhersla á algengi, orsök, greiningu og meðferð. Í verknámi er lögð sérstök áhersla á skoðun, skurðmeðferð og vandamál sem geta komið upp á eftir aðgerðir.

Rannsóknir beinast að faraldsfræði sjúkdóma, áverka og árangri aðgerða.

Vefsíða Bæklunarskurðlækningadeild LSH

Forstöðumaður: 

Þóra Steingrímsdóttir

Prófessor

5433325

thoraste [hjá] hi.is

Fræðasviðið er vettvangur kennslu og rannsókna í fæðinga- og kvensjúkdómalækningum. Kennsla fimmta árs læknanema fer fram á sjö vikna námskeiði, sem haldið er fjórum sinnum á hverju kennsluári. Námsefnið er klínískt, verklegt og bóklegt. Markmið námskeiðsins er að læknanemar öðlist góða innsýn og nægilega hæfni í greiningu og meðferð kvensjúkdóma, eðlilegrar meðgöngu og fæðingar sem og meðgöngusjúkdóma og geti sinnt þeim konum sem almennir læknar á kvennadeild eða annars staðar.

Kennarar eru allir læknar kvennadeildar Landspítala auk fleiri lækna, ljósmæðra og stundakennara, en fastir kennarar auk Þóru eru:

Hildur Harðardóttir, dósent

Arnar Hauksson, aðjúnkt

Snorri Einarsson, aðjúnkt

Reynir Tómas Geirsson, prófessor emeritus

Fræðigreinar sem tilheyra fræðasviðinu:
Fæðingafræði
Meðgöngusjúkdómar
Fósturgreining
Almennir kvensjúkdómar
Frjósemislækningar
Innkirtlasjúkdómar kvenna
Krabbamein í kvenlíffærum
Þvagfærasjúkdómar kvenna

Vísindarannsóknir og rannsóknanám á fræðasviðinu er af margvíslegum toga, klínískum og grunnvísindalegum. Fjórir til fimm læknanemar með BS próf hafa útskrifast árlega undanfarið eftir rannsóknanám, nokkrir MS nemar og doktorsnemar eru nú fimm talsins á fræðasviðinu eða nátengdir því.

Forstöðumaður: 

Engilbert Sigurðsson

Prófessor

5254879

es [hjá] hi.is

Hlutverk fræðasviðs geðlækninga við Háskóla Íslands er m.a. að sinna kennslu og rannsóknum á sviðinu. Helstu fræðigreinar eru almenn geðlæknisfræði, barna- og unglingageðlæknisfræði, sálfræði og fíknisjúkdómar.

Fræðigreinar sem tilheyra fræðasviðinu:
Almenn geðlæknisfræði, forsvarsmaður
Sálarfræði, forsvarsmaður Berglind Guðmundsdóttir, dósent
Barna- og unglingageðlæknisfræði, forsvarsmaður Bertrand Lauth, lektor

Forstöðumaður: 

Emil Lárus Sigurðsson

Prófessor

5502600

emilsig [hjá] hi.is

Fræðasvið heimilislæknisfræði er vettvangur kennslu og vísindastarfsemi á sviði heimilislæknisfræði.

Kennslan fer fram á 6. ári að hausti.  Bókleg kennsla í tæpa viku síðan verkleg kennsla sem skiptist í 3 vikur í þéttbýli og 1 vika í dreifbýli.

Fjöldi stundakennara koma að kennslunni en fastráðnir kennarar eru:

• Emil L. Sigurðsson, prófessor

• Jón Steinar Jónsson, lektor

• Margrét Ólafía Tómasdóttir, lektor

Forstöðumaður: 

Logi Jónsson

Dósent

5254833

logi [hjá] hi.is

Lífeðlisfræðistofnun Háskóla Íslands er vettvangur rannsókna- og þróunarstarfs á fræðasviðum lífeðlisfræði. Stofnunin heyrir undir Læknadeild en veitir öllum fastráðnum kennurum HÍ í lífeðlisfræði rannsóknaraðstöðu, hvar í deild sem þeir eiga heima.  Einnig veitir hún vísindamönnum á öðrum fræðasviðum aðstöðu eftir því sem aðstæður leyfa og efni standa til.

Sérfræðingar stofnunarinnar vinna að fjölmörgum rannsóknarverkefnum varðandi lífeðlisfræði manna, spendýra, fugla og fiska.  Starfsmenn stofnunarinnar hafa birt fjölda vísindagreina í ritrýndum tímaritum, bókum, ráðstefnuritum og víðar.

Sérfræðingar stofnunarinnar annast alla kennslu í lífeðlisfræði við HÍ. Kennslan er þó formlega undir stjórn hverrar deildar fyrir sig. Kennsla í læknisfræðilegri eðlisfræði er einnig á verksviði Lífeðlisfræðistofnunar.

Hlutverk stofnunarinnar er fjölþætt:

• Rannsóknir í lífeðlisfræði
• Eflir tengsl rannsókna og lífeðlisfræðikennslu
• Leggur til aðstöðu til verklegrar kennslu í lífeðlisfræði
• Styður við kennslu og þjálfun í vísindalegum vinnubrögðum
• Stuðlar að samstarfi við innlenda og erlenda rannsóknaraðila
• Þjónusturannsóknir
• Gefur út og kynnir niðurstöður rannsókna
• Veitir upplýsingar og ráðgjöf
• ​Gengst fyrir ráðstefnum, námskeiðum og fyrirlestrum

Fræðigreinar sem tilheyra fræðasviðinu:
Lífeðlisfræði, forsvarsmaður Logi Jónsson, dósent
Læknisfræðileg eðlisfræði, forsvarsmaður Logi Jónsson, dósent

Háskólakennarar sem starfa á Lífeðlisfræðistofnun eru:

• Atli Jósefsson, aðjúnkt
• Björg Þorleifsdóttir, lektor
• Einar Stefánsson, prófessor
• Guðrún V. Skúladóttir, vísindamaður
• Jón Ólafur Skarphéðinsson, prófessor
• Logi Jónsson, dósent
• Marta Guðjónsdóttir, lektor
• Sighvatur Sævar Árnason, dósent
• Sveinn Hákon Harðarson, lektor
• Þór Eysteinsson, prófessor
• Þórarinn Sveinsson, prófessor

Tæknilegur aðstoðarmaður er Lilja Guðrún Steinsdóttir

Umsjón með daglegum rekstri Lífeðlisfræðistofnunar hefur Sigríður Ísafold Håkansson, sími 525 4830, netfang isafold@hi.is.

Forstöðumaður: 

Jón Jóhannes Jónsson

Prófessor

5254845

jonjj [hjá] hi.is

Fræðasvið Lífefna- og sameindalíffræði er vettvangur kennslu og rannsókna í lífefnafræði, sameindalíffræði og erfðafræði sem hagnýtri notkun þessara fræðigreina í læknisfræði og öðrum heilbrigðisvísindum. Auk þess að reka Lífefna- og sameindalíffræðistofu tengist fræðasviðið erfða- og sameindalæknisfræðideild og klínískri lífefnafræðideild við Landspítalann með samstarfssamningi Háskóla Íslands við sjúkrahúsið.

Fræðigreinar sem tilheyra fræðasviðinu:
Lífefnafræði, forsvarsmaður Jón Jóhannes Jónsson, prófessor
Meinefnafræði (klínísk lífefnafræði), forsvarsmaður Jón Jóhannes Jónsson, prófessor
Sameindalíffræði, forsvarsmaður Eiríkur Steingrímsson, prófessor
Erfðalæknisfræði, forsvarsmaður Reynir Arngrímsson, prófessor 

Aðrir háskólakennarar sem starfa við Lífefna- og sameindalíffræðistofu eru:
Eiríkur Steingrímsson, prófessor
Ingibjörg Harðardóttir, prófessor
Reynir Arngrímsson, prófessor
Stefán Þ. Sigurðsson, dósent
Guðrún Valdimarsdóttir, lektor
Óttar Rolfsson, lektor
Guðmundur Hrafn Guðmundsson, prófessor í frumulíffræði við líffræðiskor raunvísindadeildar, er einnig með starfsaðstöðu á stofunni.

Umsjón með daglegum rekstri lífefna- og sameindalíffræðistofu hefur Sigríður Ísafold Håkansson, sími 525 4830, netfang isafold@hi.is.

Forstöðumaður: 

Hannes Petersen

Prófessor

5254829

hpet [hjá] hi.is

Fræðigreinar sem tilheyra fræðasviðinu:
Líffærafræði, forsvarsmaður Hannes Petersen, prófessor
Frumulíffræði, forsvarsmaður Helga M Ögmundsdóttir, prófessor

Forstöðumaður: 

Magnús Karl Magnússon

Prófessor

magnuskm [hjá] hi.is

Vefur Rannsóknarstofu í Lyfja- og eiturefnafræði

Fræðigreinar sem tilheyra fræðasviðinu:
Lyfjafræði, forsvarsmaður Magnús K. Magnússon, prófessor
Eiturefnafræði, forsvarsmaður Kristín Ólafsdóttir, dósent

Forstöðumaður: 

Einar Stefán Björnsson

Prófessor

5431000

einarsb [hjá] hi.is

Fræðasvið lyflæknisfræði er vettvangur kennslu og vísindastarfsemi á sviði lyflækninga.

Fræðasvið lyflæknisfræði tengist lyflækningasviðum Landspítala – háskólasjúkrahúss (LSH). Kennsla í lyflæknisfræði fer fram á 4. ári og skiptist í fræðilegan og klínískan hluta. Kennslan fer fram með hefðbundnu fyrirlestrasniði og klínísku námskeiði þar sem læknanemarnir dvelja í 14-15 vikur á lyflækningadeildum LSH í Fossvogi, við Hringbraut og á Landakoti, auk þess sem þeim býðst vist á Fjórðungssjúkrahúsinu á Akureyri hluta af námskeiðinu. Á klíníska námskeiðinu taka læknanemarnir þátt í starfi legudeildarteyma lyflækningasviða auk þess að fá formlega kennslu s.s. umræðufundi og klíníkur. Prófað er úr fræðilega hluta námskeiðsins í lyflæknisfræði með skriflegu prófi að vori. Námsmat í klíníska hlutanum fer annars vegar fram með mati á frammistöðu nemans á klíníska námskeiðinu og hins vegar með svokölluðu stöðvaprófi. Í stöðvaprófi er læknanemunum ætlað að skoða sjúklinga, taka af þeim sjúkrasögu og ráðleggja um rannsóknir og meðferð ásamt því að túlka niðurstöður rannsókna, t.d. blóðrannsókna og röntgenmynda.

Fræðigreinar sem tilheyra fræðasviðinu:
Blóðlæknisfræði, forsvarsmaður Páll Torfi Önundarson, prófessor
Hjartalæknisfræði, forsvarsmaður Karl Konráð Andersen, prófessor
Smitsjúkdómalæknisfræði, forsvarsmaður Magnús Gottfreðsson, prófessor
Gigtarlæknisfræði, forsvarsmaður Helgi Jónsson, prófessor
Nýrnalæknisfræði, forsvarsmaður Runólfur Pálsson, prófessor
Meltingarlæknisfræði, forsvarsmaður Einar Stefán Björnsson, prófessor
Innkirtlalæknisfræði, forsvarsmaður Rafn Benediktsson, prófessor
Lungnalæknisfræði, forsvarsmaður Steinn Jónsson, prófessor
Húð- og kynsjúkdómalæknisfræði, forsvarsmaður Jón Hjaltalín Ólafsson, dósent
Krabbameinslæknisfræði, forsvarsmaður Helgi Sigurðsson, prófessor
Öldrunarlæknisfræði, forsvarsmaður Pálmi V. Jónsson, prófessor

Fulltrúar fræðasviðs lyflæknisfræði eru Gunnhildur Jóhannsdóttir, netfang: gunnhild@landspitali.is og Lilja Þorkelsdóttir, netfang: liljator@landspitali.is

Forstöðumaður: 

Bjarni Agnar Agnarsson

Prófessor

5431000

bjarniaa [hjá] hi.is

Meinafræði er kennd á þriðja ári í læknisfræði í læknadeild Háskóla Íslands. Kennarar í greininni eru Bjarni Agnar Agnarsson prófessor, Jón Gunnlaugur Jónasson prófessor, Lárus Jónasson lektor, Ingibjörg Guðmundsdóttir, stundakennari, Margrét Sigurðardóttir, stundakennari og Sverrir Harðarson, stundakennari, en þau eru öll læknar og sérfræðingar í meinafræði og starfa á meinafræðideild Landspítalans.

Meinafræðin er kennd sem sjúkdómafræði og hefur verið góður undirbúningur nemenda undir nám í klínískum greinum læknisfræðinnar, og er þannig á vissan hátt tenging milli grunngreina og klínískra greina læknisfræðinnar. Í meinafræðinni hljóta læknanemar kennslu í sjúkdómum nánast í fyrsta skipti í náminu, en fram að því hefur kennslan mest miðast við að þekkja líkamann og eðlis- og efnafræði hans í eðlilegu ástandi.

Kennslan fer fram með fyrirlestrum, verklegu námi og svokölluðum meinalífeðlisfræðitímum. Meinalífeðlisfræðitímar nýtast til tengingar við klínískar greinar læknisfræðinnar, en þá eru klínísk tilfelli tekin fyrir til þess að kynna fyrir nemendum hvernig meinafræðin kemur að greiningu og meðhöndlun sjúkdóma. Að þessum tímum koma kennarar í meinafræði í samvinnu við kennara úr klínískum greinum.  Markmið er að nemendur séu virkir í þessum tímum. Verklegt nám fer fram á meinafræðideild Landspítalans þar sem nemendur skoða smásjársneiðar undir leiðsögn, en einnig með sjálfsnámi.

Nemendum gefst kostur á að sjá og fylgjast með móttöku og úrskurði vefjasýna sem berast rannsóknarstofunni og eftir því sem tök eru munu nemendur fylgjast með krufningum. Nemendur eru velkomnir á rannsóknarstofuna á meðan á námi stendur og síðar.

Fræðigreinar sem tilheyra fræðasviðinu:
Líffærameinafræði, forsvarsmaður Bjarni A. Agnarsson, prófessor
Réttarlæknisfræði, forsvarsmaður Pétur Guðmann Guðmannsson, læknir 

Forstöðumaður: 

Ásbjörn Jónsson

Dósent

5435300

asjon [hjá] hi.is

Fræðasvið myndgreiningar við Læknadeild Háskóla Íslands sinnir menntun og rannsóknum í myndgreiningu.

Fjöldi stundakennara og lækna LSH tekur þátt í kennslunni og ýmsir sinna rannsóknum í myndgreiningu.

Myndgreining er kennd á fjórða ári. Fyrirlestrar eru 40 og eru bæði á haust- og vormisseri. Verklegt nám fer fram á Röntgendeild Landspítala - háskólasjúkrahúss, bæði í Fossvogi og við Hringbraut, sem og í Röntgen Domus Medica, Egilsgötu 3. Í náminu er farið yfir helstu tæki sem notuð eru í myndgreiningu og notkunarsvið þeirra. Þá er kennd myndgreining mismunandi líffærakerfa og grunnatriði í túlkun rannsókna.

Forstöðumaður: 

Björn Rúnar Lúðvíksson

Prófessor

5431000

bjornlud [hjá] hi.is

Hlutverk deildarinnar er að stuðla að því að þekking og framfarir í ónæmisfræði komi íslensku samfélagi að sem bestum notum og jafnframt að afla nýrrar þekkingar á starfsemi ónæmiskerfisins.

Viðfangsefnum deildarinnar má skipta í fjögur meginsvið:

• Alhliða klínísk þjónusta og ráðgjöf vegna sjúklinga með truflanir í ónæmiskerfi og rannsóknir til að greina ónæmissjúkdóma.
• Kennsla og vísindaleg þjálfun líffræðinga, lyfjafræðinga, lækna, meinatækna og annarra faghópa á sviði ónæmisfræði. Ráðgjöf og umsagnir fyrir heilbrigðisstofnanir og stjórnvöld.
• Fræðilegar rannsóknir á svið ónæmisfræði og þróunarvinna til að tryggja skilvirkni, áreiðanleika og hagkvæmni þjónustuviðfangsefna.
• Samskipti við erlenda aðila og almenn upplýsingamiðlun á sviði fræðigreinarinnar.

Sími ónæmisfræðideildar er 543 5800 og bréfsími 543 4828

Forstöðumaður: 

Tómas Guðbjartsson

Prófessor

5431000

tomasgud [hjá] hi.is

Skurðlæknisfræði við Læknadeild HÍ samanstendur af átta fræðigreinum. Þessar fræðigreinar skiptast síðan í undirgreinar sem hver og ein er með tiltekna sérhæfingu. Eftirfarandi upptalning fræðigreina tekur mið af meginstaðsetningu á viðkomandi starfsemi innan LSH.

Í Fossvogi:

• Háls-, nef- og eyrnaskurðlækningar
• Heila- og taugaskurðlækningar
• Lýtaskurðlækningar
• Æðaskurðlækningar

Á Hringbraut:

• Kviðarhols- og brjóstaskurðlækningar
• Hjarta- og lungnaskurðlækningar. Þvagfæraskurðlækningar
• Barnaskurðlækningar 

Skrifstofustjóri fræðasviðs skurðlæknisfræði: Gunnhildur Jóhannsdóttir 
Netfang: gunnhild@landspitali.is

Fræðigreinar sem tilheyra fræðasviðinu:
Kviðarhols- og brjóstaskurðlækningar, forsvarsmaður Páll Helgi Möller, prófessor
Háls-, nef og eyrnaskurðlæknisfræði, forsvarsmaður Geir Tryggvason, lektor
Þvagfæraskurðlæknisfræði, forsvarsmaður Sigurður Guðjónsson, lektor
Hjarta- og lungnaskurðlæknisfræði, forsvarsmaður Bjarni Torfason, dósent
Æðaskurðlæknisfræði, forsvarsmaður
Heila- og taugaskurðlæknisfræði, forsvarsmaður Ingvar Hákon Ólafsson, aðjúnkt
Lýtaskurðlæknisfræði, forsvarsmaður Jens Kjartansson, aðjúnkt
Barnaskurðlæknisfræði, forsvarsmaður Þráinn Rósmundsson, aðjúnkt

Forstöðumaður: 

Karl Gústaf Kristinsson

Prófessor

5435665

karlgk [hjá] hi.is

Fræðigreinar sem tilheyra fræðasviðinu:
Sýklafræði, forsvarsmaður Karl G. Kristinsson, prófessor
Veirufræði, forsvarsmaður Arthúr Löve, prófessor

Forstöðumaður: 

Gísli Heimir Sigurðsson

Prófessor

5437350

gislihs [hjá] hi.is

Fræðasvið svæfinga- og gjörgæslulæknisfræði er vettvangur kennslu og vísindastarfsemi á sviði svæfinga- og gjörgæslulækninga.
Fulltrúi fræðasviðsins: Halldóra Hilmarsdóttir
Sími 543 7349
Faxnúmer 543 7346
Netfang halldhil@landspitali.is

Fastir kennarar: Sigurbergur Kárason dósent, netfang: skarason@landspitali.is. Auk þess taka allir læknar svæfinga- og gjörgæsludeildar Landspítala háskólasjúkrahúss (LSH) og Sjúkrahússins á Akureyri (SA) þátt í klínísku kennslunni.

Umsjónarlæknar klínískrar kennslu eru Kári Hreinsson, sérfræðilæknir, LSH við Hringbraut, Jóhanna Sigurjónsdóttir, sérfræðilæknir, LSH í Fossvogi, Oddur Ólafsson yfirlæknir Sjúkrahúsinu á Akureyri og Björn Gunnarsson yfirlæknir Sjúkrahúsinu á Akranesi.

Einnig sinnir skrifstofa Læknadeildar fræðasviði svæfinga- og gjörgæslulækninga.

Fræðasvið svæfinga- og gjörgæslulæknisfræði tengist svæfinga- og gjörgæsludeildum Landspítala - háskólasjúkrahúss (LSH).

Kennsla í svæfinga- og gjörgæslulæknisfræði fer fram á 6. ári og skiptist í fræðilegan og klínískan hluta. Markmið námsins er að læknanemar fái staðgóða þekkingu í svæfinga- og gjörgæslulækningum. Verklega námið miðast við að læknanemar fái góða reynslu í að skoða, umgangast og sjúkdómsgreina sjúklinga sem eru að fara í valaðgerðir eða bráðaaðgerðir, en einnig sjúklinga sem eru að ná sér eftir skurðaðgerðir og bráðveika gjörgæslusjúklinga. Ennfremur fá nemendur reynslu í að gera tillögur um rannsóknir og meðferð. Kennslan fer fram með hefðbundnu fyrirlestrasniði og klínísku námskeiði þar sem læknanemarnir dvelja í 2 vikur á svæfinga- og gjörgæsludeildum LSH í Fossvogi, við Hringbraut og á Sjúkrahúsinu á Akureyri, auk þess sem þeim býðst vist á Sjúkrahúsinu á Akranesi hluta af námskeiðinu.

Fyrirlestrar fara fram í byrjun haustmisseris og fjalla þeir um helstu áhersluþætti svæfinga- og gjörgæslulækninga. Á klíníska námskeiðinu taka læknanemar þátt í daglegu starfi svæfinga- og gjörgæslulækna á skurðstofum og á gjörgæsludeildum auk sjúklingagöngudeildar. Auk klínískrar „bedside" handleiðslu fara fram formlegir umræðufundir og klíníkur, Sjá nánar bækling um „Verklegt nám læknanema á 6. ári í svæfingum og gjörgæslu".

Námsmat  fer fram með mati á frammistöðu nemans á klíníska námskeiðinu, mati á verkefnum nemans um svæfingu fyrir skurðaðgerð annars vegar og um gjörgæslutilfelli hins vegar svo og frammistöðu á Very BASIC námskeiði sem er tveggja daga munnlegt og verklegt námskeið sem haldið er tvisvar á haustönn og lýkur með rafrænu prófi.
Einnig er boðið upp á valnámskeið, sem tengjast svæfinga- og gjörgæslulækningum á vorönn á 6. ári læknafræðináms.

Helstu áherslur í rannsóknum fræðasviðsins eru:  

• Rannsóknir á sýklasótt og sýklasóttarlosti.
• Rannsóknir á bráðum nýrnaskaða.
• Rannsóknir á fylgikvillum í sambandi við skurðaðgerðir.
• Rannsóknir á D vítamínskorti hjá bráðveikum sjúklingum
• Rannsóknir á langvinnum bata og lífshorfum eftir gjörgæslumeðferð
• Smáæðablóðflæði í lifur, brisi, þörmum og nýrum við lostástand

Forstöðumaður: 

Elías Ólafsson

Prófessor

5434407

eliasol [hjá] hi.is