Íslenska
BA gráða
Í námsgreininni íslensku er fengist við mál og bókmenntir á fjölbreyttan hátt. Fjallað er um íslenskt mál og bókmenntir í samtímanum en jafnframt er sagan rakin og grafist fyrir um rætur íslenskra bókmennta og uppruna íslenskrar tungu. Námið veitir haldgóða almenna menntun og hentar öllum sem hafa áhuga á að starfa á sviði menningar, miðlunar og íslenskra fræða í víðum skilningi.
Um námið
Íslensku er hægt að taka sem aðalgrein til 180 eininga, aðalgrein til 120 eininga og aukagrein til 60 eininga.
Íslenskt stúdentspróf eða sambærilegt próf frá erlendum skóla.
Sjáðu um hvað námið snýst
Starfsmöguleikar að loknu námi
Fólk með háskólamenntun í íslensku fæst við kennslu á öllum skólastigum og fræðistörf, m.a. á rannsóknastofnunum á sviði íslenskra fræða. Margir leggja fyrir sig ritstörf eða önnur störf á sviði menningar og lista, fjölmiðlun af ýmsu tagi og útgáfustörf (sem fréttamenn, blaðamenn, ritstjórar, málfarsráðgjafar, þýðendur, bókmenntarýnar o.s.frv.). Menntunin kemur að góðum notum í öllum störfum þar sem gott vald á íslensku máli og/eða þekking á íslenskum bókmenntum og málfræði er nauðsynleg.
Dæmi um starfsvettvang
- Kennsla á öllum skólastigum.
- Fræðastörf.
- Fjölmiðlun.
- Útgáfustörf.
Félagslíf
Félag íslenskunema, Mímir, stendur fyrir umfangsmiklu starfi. Félagið heldur árlegt Mímisþing þar sem nemendur flytja fræðileg erindi. Það gengst einnig fyrir bókmenntakynningum og annarri menningarstarfsemi. Auk þess heldur Mímir árshátíð, stendur fyrir haust- og vorferð, vísindaferðum í stofnanir og fyrirtæki og heldur árlegt kraptakvöld.
Getum við aðstoðað?
Skrifstofa Hugvísindasviðs er staðsett á 3. hæð í Aðalbyggingu Háskólans við Sæmundargötu 2.
Skrifstofan er opin kl. 10-12 og 13-15 alla virka daga.
Hægt er að nálgast upplýsingar í síma 525 4400 eða með tölvupósti á netfangið hug@hi.is.
Nemendur við Hugvísindasvið geta einnig nýtt sér þjónustuborð í Gimli auk þess sem athygli er vakin á þjónustuborði Háskólans á Háskólatorgi.
