Skip to main content
Forsíða
Forsíða

Reglur um takmörkun á inntöku nemenda í tilteknar námsgreinar

Reglur um takmörkun á inntöku nemenda í tilteknar námsgreinar við Háskóla Íslands, nr. 153/2010

með síðari breytingum.

I. kafli Takmörkun á inntöku nemenda í námsgreinar á Félagsvísindasviði.

1. gr. Takmörkun á inntöku nemenda í námsgreinar [Félagsfræði-, mannfræði- og þjóðfræðideildar.]4

[...]3

[...]6

Fjöldi nýrra nemenda í [meistaranámi]6 í náms- og starfsráðgjöf takmarkast við töluna [40.]5

Nemendur sem hefja MA-nám í náms- og starfsráðgjöf skulu hafa lokið fyrsta háskólaprófi, BA, B.Ed, BS eða sambærilegu prófi, með fyrstu einkunn.

Umsækjendur sem lokið hafa námi, sem ekki er á einu af eftirtöldum þekkingarsviðum: sálfræði, menntun og menntakerfi, tengsl einstaklings og samfélags, eða hafa ekki lokið a.m.k. 10 ECTS einingum í megindlegri aðferðafræði, gætu þurft að ljúka einu til þremur námskeiðum (hámark 30 ECTS) á fyrrgreindum sviðum. Ef nemandi þarf að bæta við sig námskeiðum, skal það fara fram samhliða náminu. Það telst ekki vera hluti af eiginlegu meistaranámi. [...]6

Ef þeir sem sækja um að hefja MA-nám í náms- og starfsráðgjöf, og uppfylla inntöku­skilyrði, eru fleiri en unnt er að taka inn skal val nemenda byggjast á eftirtöldum sjónar­miðum:

  1. Einkunnum í háskóla.
  2. Starfsreynslu.
  3. Meðmælum frá vinnuveitanda ef umsækjandi hefur starfsreynslu, annars frá kennara umsækjanda í háskóla.
  4. Persónulegum greinargerðum um forsendur og áhugasvið.
  5. Viðtölum ef þurfa þykir.

[...]8

[...]2

[Inntökunefnd [...]6 fjallar um umsóknir nemenda og annast val þeirra.]3 Telji inntökunefnd að umsækjandi uppfylli ekki inntökuskilyrði hafnar hún umsókn. Nánari ákvæði um inntöku­skilyrði og inntöku nemenda er að finna í kennsluskrá og á vef Félagsvísindasviðs.]1

[Við námsbraut í mannfræði eru ekki sett takmörk á heildarfjölda nemenda í meistaranám. Þó takmarkast fjöldi nýrra nemenda með ríkisfang frá ríki utan Evrópska efnahagssvæðisins (EES) við 20 í MA-nám í hnattrænum fræðum og 10 í MA-nám í mannfræði. Undanþegnir takmörkuninni eru ríkisborgarar Sviss, Grænlands og Færeyja, auk þeirra sem hafa ótímabundið dvalarleyfi eða dvalarleyfi sem getur verið grundvöllur að ótímabundnu dvalarleyfi hér á landi.
Við námsbraut í félagsfræði takmarkast fjöldi nýrra nemenda með ríkisfang frá ríki utan Evrópska efnahagssvæðisins (EES), með sömu undanþágum, í MA-nám í félagsfræði við 20, í MA-nám í afbrotafræði við 20 og í MA-nám í aðferðafræði við 5.

Ef umsækjendur í meistaranám í hnattrænum fræðum, mannfræði, félagsfræði, afbrotafræði og aðferðafræði, sem uppfylla inntökuskilyrði (þ.m.t. um BA-, BS- eða sambærilega erlenda gráðu með 1. einkunn, að lágmarki 7,25), eru fleiri en unnt er að taka inn skal val nemenda byggjast á eftirfarandi sjónarmiðum:

  1. einkunnum í háskóla, ásamt röðun (e. ranking),
  2. færni í ensku samkvæmt inntökuskilyrðum,
  3. greinargerð umsækjenda (1-2 bls.) þar sem greint er frá áhuga á náminu, bakgrunni og
  4. þekkingu á málaflokknum, markmiðum með náminu og framtíðaráformum, ásamt hugsanlegu viðfangsefni í meistararitgerð ef við á,
  5. viðtölum ef þurfa þykir.

Inntökunefndir sem stjórnir námsbrauta skipa fjalla um umsóknir nemenda og annast val þeirra.]8
1Breytt með 1. gr. rgl. nr. 153/2011.
2Breytt með 1. gr. rgl. nr. 1234/2013.
3Breytt með 1. gr. rgl. nr. 1096/2014.
4Breytt með 1. gr. reglna nr. 444/2018.
5Breytt með 1. gr. reglna nr. 1532/2021.
6Breytt með 1. gr. rgl. nr. 316/2025.
7Breytt með 1. gr. rgl. nr. 697/2025.
8Breytt með 1. gr. rgl. nr. 1348/2025.

[2. gr. Takmörkun á inntöku nemenda í námsgreinar Félagsráðgjafardeildar.

Fjöldi nýrra nemenda í MA-námi til starfsréttinda í félagsráðgjöf takmarkast við töluna [[40.]3]4 [...]2 Allir nemendur skulu uppfylla inntökuskilyrði sbr. 1.-3. tölulið 2. mgr. að mati inntöku­nefndar. Við val á nemendum skal byggja á sjónarmiðum sem fram koma í 1. og 3. tölulið 2. mgr.

Nemendur sem hefja MA-nám til starfsréttinda í félagsráðgjöf skulu uppfylla eftirfarandi skilyrði:

  1. Hafa lokið BA-námi í félagsráðgjöf frá Háskóla Íslands með fyrstu einkunn (7,25).
  2. Námið felur í sér starfsnám þar sem m.a. er unnið með börnum og er af þeim sökum gerð krafa um að umsækjendur leggi fram sakavottorð sbr. 3. mgr. 6. gr. laga nr. 90/2008, um leikskóla, 3. mgr. 11. gr. laga nr. 91/2008, um grunnskóla, 4. mgr. 8. gr. laga nr. 92/2008 um framhaldskóla, 3. mgr. 10. gr. æskulýðslaga, nr. 70/2007 og 36. gr. barnaverndarlaga nr. 80/2002.
  3. Geta gert grein fyrir hæfni sinni til náms. Við mat á hæfni skal byggja á eftirtöldum viðmiðum:
    1. Persónulegri greinargerð um forsendur og áhugasvið.
    2. Starfsreynslu, staðfest af vinnuveitanda.
    3. Umsögn frá yfirmanni á stofnun á sviði félags- og heilbrigðisþjónustu ef við á.
    4. Einkunnum í öðru háskólanámi.
    5. Annarri starfsmenntun.
    6. Persónulegum viðtölum þegar þurfa þykir að mati inntökunefndar.

Inntökunefnd, skipuð þremur fulltrúum deildarinnar fjallar um umsóknir nemenda og annast val þeirra samkvæmt 2. gr. reglna þessara. Telji inntökunefnd að umsækjandi uppfylli ekki inntökuskilyrðin sbr. 1.-3. tölulið 2. mgr. hafnar hún umsókn. Nánari ákvæði um inntökuskilyrði og inntöku nemenda er að finna í kennsluskrá og á vef Félagsvísindasviðs.]1
1Breytt með 2. gr. rgl. nr. 153/2011.
2Breytt með 2. gr. rgl. nr. 1527/2023.
3Breytt með 1. gr. rgl. nr. 1527/2023.
4Breytt með 2. gr. rgl. nr. 1348/2025.

[...]4

4Breytt með 4. gr. rgl. nr. 1234/2013.

[...]1
1Breytt með 1. gr. rgl. nr. 1162/2019.

[[3. gr.]1  [Takmörkun á inntöku nemenda í námsgreinar Stjórnmálafræðideildar.]2

[Fjöldi nýrra nemenda í BA-námi í blaðamennsku takmarkast við töluna [25.]1

Ef umsækjendur sem uppfylla inntökuskilyrði eru fleiri en unnt er að taka inn, skal deildin taka mið af eftirfarandi atriðum:

  1. Einkunnum á stúdentsprófi (eða sambærilegu, sbr. inntökuskilyrði Stjórnmálafræði­deildar).
  2. Einkunnum [úr háskólanámi, hafi umsækjandi lokið 30 ECTS eða meira í viðurkenndu háskólanámi.]4
  3. Greinargerð umsækjenda.
  4. Viðtali.]2

[...]2

[Ekki eru sett takmörk á heildarfjölda nýrra nemenda í meistaranám í alþjóðasamskiptum (120 ECTS) eða viðbótarpróf í alþjóðasamskiptum á meistarastigi (60 ECTS). Þó takmarkast fjöldi nýrra nemenda með ríkisfang frá ríki utan Evrópska efnahagssvæðisins (EES) við 20 í meistaranám og 30 í viðbótarpróf. Undanþegnir takmörkuninni eru ríkisborgarar Sviss, Grænlands og Færeyja, auk þeirra sem hafa ótímabundið dvalarleyfi eða dvalarleyfi sem getur verið grundvöllur að ótímabundnu dvalarleyfi hér á landi.
Ef umsækjendur, sem uppfylla inntökuskilyrði (þ.m.t. um BA-, BS-, B.Ed.- eða sambærilega erlenda gráðu með 1. einkunn, að lágmarki 7,25), eru fleiri en unnt er að taka inn skal val nemenda byggjast á eftirfarandi sjónarmiðum:

  1. einkunnum í háskóla, ásamt röðun (e. ranking),
  2. færni í ensku samkvæmt inntökuskilyrðum,
  3. greinargerð umsækjenda (1-2 bls.) þar sem greint er frá áhuga á náminu, bakgrunni og þekkingu á málaflokknum, markmiðum með náminu og framtíðaráformum, ásamt hugsanlegu viðfangsefni í meistararitgerð ef við á,
  4. viðtölum ef þurfa þykir.

Inntökunefnd sem stjórn námsins skipar fjallar um umsóknir nemenda og annast val þeirra.]5
1Breytt með 1. gr. rgl. nr. 1162/2019.
2Breytt með 3. gr. rgl. nr. 1527/2023.
3Breytt með 1. gr. rgl. nr. 1563/2024.
4Breytt með 2. gr. rgl. nr. 316/2025.
5Breytt með 3. gr. rgl. nr. 1348/2025.

[...]1
1Breytt með 3. gr. rgl. nr. 1532/2021

[4. gr. Takmörkun á inntöku nemenda í námsgreinar Viðskiptafræðideildar

Ekki eru sett takmörk á heildarfjölda nemenda í meistaranám í alþjóðaviðskiptum og verkefnastjórnun. Þó takmarkast fjöldi nýrra nemenda með ríkisfang frá ríki utan Evrópska efnahagssvæðisins (EES) við 30. Undanþegnir takmörkuninni eru ríkisborgarar Sviss, Grænlands og Færeyja, auk þeirra sem hafa ótímabundið dvalarleyfi eða dvalarleyfi sem getur verið grundvöllur að ótímabundnu dvalarleyfi hér á landi.

Ef umsækjendur, sem uppfylla inntökuskilyrði (þ.m.t. um BA-, BS- eða sambærilega erlenda gráðu með 1. einkunn, að lágmarki 7,25), eru fleiri en unnt er að taka inn skal val nemenda byggjast á eftirfarandi sjónarmiðum:

  1. einkunnum í háskóla, ásamt röðun (e. ranking),
  2. færni í ensku samkvæmt inntökuskilyrðum,
  3. greinargerð umsækjenda (1-2 bls.) þar sem greint er frá áhuga á náminu, bakgrunni og þekkingu á málaflokknum, markmiðum með náminu og framtíðaráformum, ásamt hugsanlegu viðfangsefni í meistararitgerð ef við á,
  4. meðmælum frá vinnuveitanda ef umsækjandi hefur starfsreynslu, annars frá kennara umsækjanda í háskóla,
  5. viðtölum ef þurfa þykir.

Inntökunefnd sem stjórn námsbrauta skipar fjallar um umsóknir nemenda og annast val þeirra.]1
1Breytt með 4. gr. rgl. nr. 1348/2025.

[II. kafli]1 Takmörkun á inntöku nemenda í námsgreinar á Heilbrigðisvísindasviði.

[5. gr.]9 Takmörkun á inntöku nemenda í námsgreinar Læknadeildar.

Fjöldi nemenda á 1. námsári í læknisfræði takmarkast við töluna [75.]5

Fjöldi nemenda á 1. námsári í [sjúkraþjálfunarfræðum]4 takmarkast við töluna [40.]2

[...]7

Fjöldi nýrra nemenda í MS-námi í sjúkraþjálfun takmarkast við töluna [[[35.]6]4]9

[...]3

Um framkvæmd fjöldatakmörkunar í [grunnnámi]4 gilda eftirfarandi reglur, sem aðgengilegar eru á vef Læknadeildar:

  1. Reglur nr. 1042/2003, um inntöku nýnema í læknisfræði og [sjúkraþjálfunarfræði,]4 með síðari breytingum.
  2. Reglur nr. 540/2005, um val nemenda til náms í geislafræði og lífeindafræði.

[Ef þeir sem sækja um að hefja MS-nám í sjúkraþjálfun, og uppfylla inntökuskilyrði, eru fleiri en unnt er að taka inn mun val nemenda byggjast á eftirtöldum sjónarmiðum:

  1. Einkunnum á [BS-námi]8 í sjúkraþjálfunarfræðum.
  2. Starfsreynslu.
  3. Tíma og námi frá lokum [BS-gráðu]8 í sjúkraþjálfunarfræðum.
  4. Birtingum í ritrýndum tímaritum.
  5. Greinargerðum um fyrirhugað starfsval.
  6. Meðmælabréfum.
  7. Viðtölum ef þurfa þykir.
  8. Inntökuprófi ef þurfa þykir.

Sérstök inntökunefnd námsbrautar í sjúkraþjálfun annast val nemenda.]4
1Breytt með 4. gr. rgl. nr. 1234/2013.
2Breytt með 2. gr. rgl. nr. 1563/2024.
3Breytt með 1. gr. rgl. nr. 801/2012.
4Breytt með 2. gr. rgl. nr. 1204/2016.
5Breytt með 4. gr. rgl. nr. 1527/2023.
6Breytt með 1. gr. rgl. nr. 604/2023.
7Breytt með 1. gr. rgl. nr. 122/2023.
8Breytt með 2. gr. rgl. nr. 697/2025.
9Breytt með 4. gr. rgl. nr. 1348/2025.

[6. gr.]13 Takmörkun á inntöku nemenda í námsgreinar [Hjúkrunar- og ljósmóðurfræðideildar.]7

[Fjöldi nýrra nemenda í ljósmóðurfræði til starfsréttinda takmarkast við töluna [14.]6]1 [Starfræksla námsins á hverju námsári er háð því að 8 umsækjendur að lágmarki uppfylli skilyrði til þess að hefja nám.]9

[Við inntöku í meistaranám í ljósmóðurfræði til starfsréttinda er tekið mið af:

  1. Einkunnum.
  2. Annarri menntun og/eða starfsreynslu.
  3. Frammistöðu í viðtali.]1

[Námsnefnd í ljósmóðurfræði fjallar um umsóknirnar og tekur ákvörðun um val stúdenta.]1

[Fjöldi nemenda á vormisseri 1. námsárs í 240 eininga námi til [BS-gráðu]12 í hjúkrunarfræði takmarkast við töluna [[125.]4]3]13

[Samkeppnispróf eru haldin í desember ár hvert. Nemendum sem standast öll samkeppnispróf er raðað eftir veginni meðaleinkunn, frá þeirri hæstu til þeirrar lægstu, og er [[125]4]13 nemendum með hæstu meðaleinkunnirnar boðið námspláss á vormisseri næsta árs.

Ef færri en [[125]4]13 nemendur ná öllum samkeppnisprófum er nemendum sem hafa fallið í einu prófi raðað eftir veginni meðaleinkunn, frá þeirri hæstu til þeirrar lægstu, og þeim nemendum sem hlotið hafa hæsta meðaleinkunn boðið námspláss á vormisseri 1. námsárs, þar til náð hefur verið þeim fjölda nemenda sem fjöldatakmörkun kveður á um.]2

[Fjöldi nýrra nemenda [í 240 eininga námi]5 í hjúkrunarfræði fyrir fólk sem lokið hefur öðru háskólaprófi takmarkast við töluna [[25.]10]13 [...]9

[Ef fleiri en [25]13 umsækjendur uppfylla inntökuskilyrðin mun val nemenda taka mið af: námsárangri í fyrra námi og innsendum gögnum umsækjanda.]11

Sérstök inntökunefnd skipuð [...]11 fulltrúum [Hjúkrunar- og ljósmóðurfræðideildar]8 fjallar um umsóknirnar og annast val nemenda.]3

[Fjöldi nýrra nemenda í meistaranámi í geðhjúkrun takmarkast við töluna [15.]9 [Starfræksla náms­ins á hverju námsári er háð því að 12 umsækjendur að lágmarki uppfylli skilyrði til þess að hefja nám.]9

Við inntöku í meistaranám í geðhjúkrun er tekið mið af:

  1. viðurkenndu framhaldsnámi og endurmenntun,
  2. starfsreynslu,
  3. kynningarbréfi,
  4. einkunn úr grunnnámi,
  5. umsagnarbréfi vinnuveitanda,
  6. kynjahlutfalli í greininni.

Námsstjórn í geðhjúkrun fjallar um umsóknirnar og tekur ákvörðun um val stúdenta.]

[Fjöldi nýrra nemenda í MS-námi í heilsugæsluhjúkrun, sem skipulagt er í samstarfi við Háskólann á Akureyri, takmarkast við töluna 13.]10

[Fjöldi nýrra nemenda í hjúkrunarfræði MS og viðbótarprófi á meistarastigi, kjörsvið skurðhjúkrun takmarkast við töluna 15 og kjörsvið svæfingahjúkrun við töluna 15. Starfræksla viðbótarnáms og MS náms í skurðhjúkrun og svæfingahjúkrun á hverju námsári er háð því að 10 umsækjendur að lágmarki uppfylli skilyrði til þess að hefja nám á hvoru kjörsviði fyrir sig.]13

Námsnefndir hvors kjörsviðs fyrir sig meta umsóknirnar út frá gæðum og viðmiðum um inntökuskilyrði og taka viðtöl við umsækjendur sem uppfylla inntökuskilyrði. Ef fleiri umsækjendur standast inntökuskilyrði en unnt er að taka inn í námið, er byrjað á að bjóða þeim námspláss sem raðast efst. Ef umsækjandi afþakkar námspláss er næsta umsækjanda í röðinni boðið plássið.

Við inntöku í [viðbótarnám]13 í svæfingahjúkrun er tekið mið af eftirfarandi:

  1. Einkunn úr BS-námi í hjúkrunarfræði eða samsvarandi prófi með að lágmarki 6,5 í meðaleinkunn. Hæsta einkunnin raðast efst.
  2. Íslensku hjúkrunarleyfi.
  3. Að lágmarki eins árs starfsreynslu í hjúkrun.
  4. Annarri menntun og/eða starfsreynslu sem nýtist sem undirbúningur fyrir námið. Starfsreynsla af gjörgæslu raðast efst og því næst starfsreynsla af bráðamóttöku og hjartagátt.
  5. Greinargerð með umsókn þar sem fjallað er stuttlega um forsendur fyrir vali á námi, áhugasvið og námsmarkmið, 200–300 orð.
  6. Góðri enskukunnáttu.
  7. Frammistöðu í viðtali.
  8. Umsögn tveggja meðmælenda.

Við inntöku í [viðbótarnám]13 í skurðhjúkrun er tekið mið af eftirfarandi:

  1. Einkunn úr BS-námi í hjúkrunarfræði eða samsvarandi prófi með að lágmarki 6,5 í meðaleinkunn. Hæsta einkunnin raðast efst.
  2. Íslensku hjúkrunarleyfi.
  3. Annarri menntun og/eða starfsreynslu sem nýtist sem undirbúningur fyrir námið. Æskilegt er að nemendur hafi starfsreynslu á skurðstofu.
  4. Greinargerð með umsókn þar sem fjallað er stuttlega um forsendur fyrir vali á námi, áhugasvið og námsmarkmið, 200–300 orð.
  5. Góðri enskukunnáttu.
  6. Frammistöðu í viðtali.
  7. Umsögn tveggja meðmælenda.]6

1Breytt með 3. gr. rgl. nr. 1193/2018.
2Breytt með 1. gr. rgl. nr. 201/2019.
3Breytt með 1. gr. rgl. nr. 1162/2019.
4Breytt með 3. gr. rgl. nr. 1299/2020.
5Breytt með 4. gr. rgl. nr. 1532/2021.
6Breytt með 1. gr. rgl. nr. 113/2022.
7Breytt með 1. gr. rgl. nr. 518/2022.
8Breytt með 2. gr. rgl. nr. 518/2022.
9Breytt með 5.–12. gr. rgl. nr. 1527/2023.
10Breytt með 3. gr. rgl. nr. 1563/2024.
11Breytt með 1. gr. rgl. nr. 69/2025.
12Breytt með 3. gr. rgl. nr. 697/2025.
13Breytt með 5. gr. rgl. nr. 1348/2025.

[7. gr.]3 Takmörkun á inntöku nemenda í námsgreinar Sálfræðideildar.

[Fjöldi nýrra nemenda í námi til [MS-gráðu]2 í hagnýtri sálfræði, kjörsviðinu klínísk sálfræði, til starfsréttinda samkvæmt lögum nr. 40/1976, takmarkast við töluna 20.

Fjöldi nýrra nemenda á öðrum kjörsviðum MS-náms í hagnýtri sálfræði takmarkast við töluna 15.

Ef þeir sem sækja um að hefja nám til [MS-gráðu]2 í hagnýtri sálfræði, og uppfylla inntökuskilyrði, eru fleiri en unnt er að taka inn mun val nemenda byggjast á eftirtöldum sjónarmiðum:

  1. Röðun einkunna nemenda í námskeiðum og/eða aðaleinkunnar á lokaprófi í sálfræði.
  2. Viðtölum.
  3. Öðru námi sem umsækjandi hefur lokið.
  4. Birtingum í ritrýndum tímaritum.
  5. Starfsreynslu umsækjenda.
  6. Greinargerðum um fyrirhugað starfsval.
  7. Meðmælabréfum.

Sérstök inntökunefnd Sálfræðideildar annast val nemenda.]1
1Breytt með 4. gr. rgl. nr. 1256/2017.
2Breytt með 4. gr. rgl. nr. 697/2025.
3Breytt með 7. gr. rgl. nr. 1348/2025.

[8. gr.]3 Takmörkun á inntöku nemenda í námsgreinar Tannlæknadeildar.

[[...]3 Á grunni niðurstöðu inntökuprófs eru 40 nemendur teknir inn á haustmisseri í tannlæknisfræði og af þeim takmarkast fjöldi nemenda á vormisseri 1. námsárs í tannlæknisfræði við töluna 8 á grundvelli niðurstöðu í samkeppnisprófum í lok haustmisseris.]2

[Á grunni niðurstöðu inntökuprófs eru 20 nemendur teknir inn á haustmisseri í BS-nám í tannsmíði og af þeim takmarkast fjöldi nemenda á vormisseri 1. námsárs í tannsmíði við töluna 5 á grundvelli niðurstöðu í samkeppnisprófum í lok haustmisseris.]3

[Um val nemenda gilda reglur um val nemenda til náms í tannlæknisfræði og tannsmíði við Tannlæknadeild Háskóla Íslands.]1
1Breytt með 3. gr. rgl. nr. 153/2011.
2Breytt með 2. gr. rgl. nr. 122/2023.
3Breytt með 8. gr. rgl. nr. 1348/2025.

[9. gr.]4 Takmörkun á inntöku nemenda í námsgreinar Matvæla- og næringarfræðideildar.

[...]1

Um val nemenda gilda reglur um val nemenda til náms í næringarfræði við Matvæla- og næringarfræðideild Háskóla Íslands.

[Fjöldi nýrra nemenda í MS-námi í klínískri næringarfræði takmarkast við töluna [4]3. Ef þeir sem sækja um að hefja námið, og uppfylla inntökuskilyrði, eru fleiri en unnt er að taka inn mun val nemenda byggjast á eftirtöldum sjónarmiðum:

  1. Einkunnum í háskóla.
  2. Starfsreynslu.
  3. Persónulegri greinargerð um forsendur og áhugasvið.
  4. Meðmælum frá vinnuveitanda ef viðkomandi hefur starfsreynslu, annars frá kennara umsækjanda í háskóla.
  5. Persónulegum viðtölum þegar þurfa þykir.

Sérstök inntökunefnd Matvæla- og næringarfræðideildar annast val nemenda.]2
1Breytt með 4. gr. rgl. nr. 1204/2016.
2Breytt með 5. gr. rgl. nr. 1256/2017.
3Breytt með 6. gr. rgl. nr. 1532/2021.
4Breytt með 9. gr. rgl. nr. 1348/2025.

[[10. gr.]4 Takmörkun á inntöku nemenda í námsgreinar Lyfjafræðideildar.

Fjöldi nemenda á 1. námsári til [MS-gráðu]3 í klínískri lyfjafræði takmarkast við töluna [4.]2 Ef þeir sem sækja um að hefja námið, og uppfylla inntökuskilyrði, eru fleiri en unnt er að taka inn mun val nemenda byggjast á eftirtöldum sjónarmiðum:

  1. Röðun einkunna nemenda í námskeiðum og/eða aðaleinkunnar í [MS-gráðu]3 í lyfjafræði.
  2. Námi að [lokinni BS-gráðu]3 í lyfjafræði.
  3. Birtingum í ritrýndum tímaritum.
  4. Meðmælabréfum.
  5. Viðtölum ef þurfa þykir.
  6. Inntökuprófi ef þurfa þykir.

Sérstök inntökunefnd Lyfjafræðideildar annast val nemenda.]1
1Breytt með 4. gr. rgl. nr. 50/2016.
2Breytt með 3. gr. rgl. nr. 122/2023.
3Breytt með 5. gr. rgl. nr. 697/2025.
4Breytt með 10. gr. rgl. nr. 1348/2025.

[[...]1]2
1Breytt með 1. gr. rgl. nr. 193/2025.
2Breytt með 11. gr. rgl. nr. 1348/2025.

[III. kafli]1 Takmörkun á inntöku nemenda í [þverfræðilegt]3 nám.

[11. gr.]4 Takmörkun á inntöku nemenda í [þverfræðilegt]4 meistaranám í talmeinafræði.

Fjöldi nýrra nemenda í meistaranámi í talmeinafræði takmarkast við töluna [[16.]2]4 Tekið er inn í meistaranámið annað hvert ár. Ef þeir sem sækja um að hefja meistaranám í talmeinafræði og uppfylla inntökuskilyrði skv. reglum nr. 972/2009, um meistaranám við Háskóla Íslands í talmeinafræði, eru fleiri en unnt er að taka inn skal val nemenda byggjast á eftirtöldum sjónarmiðum:

  1. Námsárangri í námskeiðum sem gerð er krafa um skv. b-lið 1. mgr. 7. gr. reglna nr. 972/2009 um meistaranám við Háskóla Íslands í talmeinafræði.
  2. Námsárangri í fyrra háskólanámi.
  3. Starfsreynslu, viðbótarnámi eða rannsókn sem styrkja umsókn að mati námsstjórnar.
  4. Viðtölum ef þurfa þykir.

1Breytt með 4. gr. rgl. nr. 1234/2013.
2Breytt með 1. gr. rgl. nr. 714/2024.
3Breytt með 12. gr. rgl. nr. 1348/2025.
4Breytt með 13. gr. rgl. nr. 1348/2024.

[[12. gr.]4 Takmörkun á inntöku nemenda í [þverfræðilegt]4 nám í hagnýtri atferlisgreiningu.

Fjöldi nýrra nemenda í námi til [meistaragráðu]3 eða viðbótardiplómu í hagnýtri atferlisgreiningu tak­markast samtals við töluna [[20]2]4, enda uppfylli allir umsækjendur inntöku­skilyrði. Allir nemendur skulu uppfylla inntökuskilyrði sbr. 1.–3. tölulið 2. mgr. að mati stjórnar námsins eða inntöku­nefndar. Við val á nemendum skal byggja á sjónarmiðum sem fram koma í 1. og 3. tölulið 2. mgr.

Nemendur sem hefja nám í hagnýtri atferlisgreiningu skulu uppfylla eftirfarandi skilyrði:

  1. Hafa lokið grunnnámi í háskóla sem nýtist í námi í hagnýtri atferlisgreiningu.
  2. Námið felur í sér starfsnám þar sem m.a. er unnið með börnum og öðrum viðkvæmum hópum og er af þeim sökum gerð krafa um að umsækjendur leggi fram sakavottorð, sbr. 3. mgr. 6. gr. laga nr. 90/2008, um leikskóla, 3. mgr. 11. gr. laga nr. 91/2008, um grunn­skóla, 4. mgr. 8. gr. laga nr. 92/2008, um framhaldskóla, 3. mgr. 10. gr. æskulýðs­laga, nr. 70/2007 og 36. gr. barnaverndarlaga, nr. 80/2002.
  3. Geta gert grein fyrir hæfni sinni til náms. Við mat á hæfni skal byggja á eftirtöldum við­miðum:
    1. Persónulegri greinargerð um forsendur og áhugasvið.
    2. Starfsreynslu, staðfestri af vinnuveitanda.
    3. Umsögn frá yfirmanni á stofnun á sviði mennta-, félags- eða heilbrigðisþjónustu ef við á.
    4. Einkunnum í öðru háskólanámi.
    5. Reynslu af rannsóknum og ritstörfum.
    6. Annarri menntun.
    7. Persónulegum viðtölum þegar þurfa þykir.

Stjórn námsins eða inntökunefnd sem stjórn námsins skipar fjallar um umsóknir nemenda og annast val þeirra. Telji stjórnin eða inntökunefnd að umsækjandi uppfylli ekki inntöku­skilyrðin sbr. 1.–3. tölulið 2. mgr. hafnar hún umsókn. Nánari ákvæði um inntökuskilyrði og inntöku nemenda er að finna í kennsluskrá og á vef námsins.]1
1Breytt með 2. gr. rgl. nr. 53/2020.
2Breytt með 9. gr. rgl. nr. 1532/2021.
3Breytt með 6. gr. rgl. nr. 697/2025.
4Breytt með 14. gr. rgl. nr. 1348/2025.

[13. gr. Takmörkun á inntöku nemenda í Iðnaðarlíftækni MS

Fjöldi nemenda í meistaranám í iðnaðarlíftækni takmarkast við 25. Umsækjendur skulu uppfylla eftirfarandi inntökuskilyrði:

  1. Hafa lokið BS-gráðu á sviði heilbrigðisvísinda, verkfræði, líffræði, efnafræði eða annarra raunvísinda með meðaleinkunn 6,5 eða hærri.
  2. Hafa lokið eftirfarandi eða samsvarandi námskeiðum í fyrra námi: LÍF 109G – Erfðafræði, LEF302G – Lífefnafræði eða LÆK408G – Sameindalífvísindi B, LÍF315G – Frumulíffræði eða LYF102G – Frumulífeðlisfræði. Nemendur sem ekki hafa lokið þessum námskeiðum eða samsvarandi skulu ljúka eftirfarandi forkröfunámskeiðum á fyrsta ári í meistaranámi: ILT002F – Forkröfunámskeið í erfðafræði, ILT001F – Forkröfunámskeið í lífefnafræði og ILT003 – Forkröfunámskeið í frumulíffræði.
  3. Umsækjendur, sem ekki hafa ensku að móðurmáli, skulu sýna fram á góða þekkingu á enskri tungu (TOEFL 79, IELTS 6,5). Íslenskir umsækjendur skulu sýna fram á trausta undirstöðu í ensku með því að skila greinargerð á ensku.
  4. Umsækjendur skulu skila stuttri greinargerð (1-2 bls.) á ensku þar sem þeir fjalla um bakgrunn sinn og skýra hvers vegna þeir hafa áhuga á náminu. Einnig skulu þeir fjalla um framtíðaráform, markmið að námi loknu og möguleg viðfangsefni rannsóknarverkefnis síns.
  5. Öllum umsóknum skulu fylgja meðmæli frá tveimur einstaklingum (kennurum eða yfirmönnum) sem þekkja vel til umsækjenda og geta veitt honum skýra umsögn.

Ef umsækjendur um MS-nám í iðnaðarlíftækni, sem uppfylla inntökuskilyrði, eru fleiri en unnt er að taka inn skal leggja eftirfarandi sjónarmið til grundvallar við val nemenda:

  1. einkunn úr BS-námi,
  2. þörf á forkröfunámskeiðum,
  3. starfsreynslu og önnur atriði sem nýst geta í námi,
  4. enskukunnáttu,
  5. meðmælabréf sem fylgja umsókn,
  6. greinargerð sem fylgir umsókn.

Námsstjórn í iðnaðarlíftækni fjallar um umsóknir nemenda og annast val þeirra.]1
1Breytt með 15. gr. rgl. nr. 1348/2025.

[IV. kafli Takmörkun á inntöku nemenda í námsgreinar á Hugvísindasviði. 

[[14]2]5 Takmörkun á inntöku nemenda í námsgreinar Íslensku- og menningardeildar.

[Fjöldi nýrra nemenda í meistaranámi í ritlist takmarkast við töluna [18.]4

Nemendur sem hefja MA-nám í ritlist skulu hafa lokið bakkalárprófi með fyrstu einkunn og a.m.k. 10 eininga lokaverkefni. Þeir sem ekki hafa neinn bakgrunn í bókmenntum, s.s. BA-nám í almennri bókmenntafræði, íslensku, ritlist eða öðru bókmenntatengdu námi, ljúki, auk 120 eininga á meistarastigi, námskeiðunum ÍSL111G Bókmenntafræði (eða ABF104G Aðferðum og hugtökum), einu bókmenntasögulegu námskeiði og einu bókmenntanámskeiði til viðbótar á BA-stigi (samtals 30 einingum). Umsækjendur skulu senda inn sýnismöppu með frumsömdu efni og verða þeir sem gjaldgengir þykja valdir inn í námið á grundvelli þess. Umsækjendur geta t.d. sent inn smásögur, kafla úr skáldverki fyrir börn eða fullorðna, sannsögur, ljóð, brot úr kvikmynda- eða sjónvarpshandriti, einþáttung eða esseyju; hámark 25 síður alls. Þá skulu umsækjendur einnig skila inn stuttri greinargerð um áhugasvið sitt og markmið með náminu (ein síða; efnistök mega vera listræn).

Ef þeir sem sækja um nám í ritlist, og uppfylla inntökuskilyrði, eru fleiri en unnt er að taka við, sér þriggja manna inntökunefnd, sem skipuð er greinarformanni og tveimur rithöfundum, um að velja úr hópi umsækjenda. Gætt verði að kynjahlutföllum við skipan nefndarinnar. Við valið hafi nefndin að leiðarljósi að umsækjandi:

  1. sé hugmyndaríkur og frumlegur í hugsun,
  2. hafi gott vald á íslenskri tungu og geti notað hana á skapandi hátt,
  3. hafi tilfinningu fyrir málsniði og stíl,
  4. geti skapað trúverðugar persónur,
  5. hafi innsýn í form og geti léð því viðeigandi merkingu,
  6. geti gengið vel frá texta þannig að hann sé vel lesvænn og þjóni sínu hlutverki,
  7. sé vel lesinn í íslenskum og erlendum bókmenntum.
  8. hafi ástríðu fyrir skrifum.]1]3

[Fjöldi nemenda í Íslensku sem annað mál – hagnýtt nám, diplómapróf takmarkast við 50 fyrir umsækjendur með ríkisfang frá ríki utan Evrópska efnahagssvæðisins (EES). Undanþegnir takmörkuninni eru ríkisborgarar Sviss, Grænlands og Færeyja, auk þeirra sem hafa ótímabundið dvalarleyfi eða dvalarleyfi sem getur verið grundvöllur að ótímabundnu dvalarleyfi hér á landi. Takmörkun þessi nær til umsækjenda frá ríkjum utan EES sem sækja um á erlenda umsóknartímabilinu og hafa ekki íslenska kennitölu.

Umsækjendur skulu uppfylla skilyrði um erlent ígildi íslensks stúdentsprófs eða sambærilegt próf. Umsækjendur sem ekki hafa ensku að móðurmáli skulu jafnframt sýna fram á enskukunnáttu, sbr. 17. gr. reglna nr. 331/2022 um inntökuskilyrði í grunnnám við Háskóla Íslands. 

Allir umsækjendur, sem uppfylla fyrrgreind inntökuskilyrði, skulu þreyta skriflegt inntökupróf sem reynir á færni á A1-stigi. Umsækjendur búsettir á Íslandi þreyta skriflegt inntökupróf í kennslustofu en umsækjendur búsettir erlendis þreyta prófið sem fjarpróf á netinu. Þeir sem ná skriflega fjarprófinu (lágmarkseinkunn 6,0 af 10) skulu jafnframt þreyta munnlegt próf í gegnum fjarfundabúnað sem reynir á A1-færni og er ætlað að auðkenna próftaka. Lágmarkseinkunn í munnlega prófinu er 6,0 af 10. 

Nái fleiri en 50 umsækjendur, sem takmörkunin nær til, lágmarkseinkunn á munnlega prófinu skulu þeir 50 sem hæsta einkunn hlutu á munnlega prófinu teknir inn í námið.]5
1Breytt með 1. gr. rgl. nr. 376/2019.
2Breytt með 2. gr. rgl. nr. 53/2020.
3Breytt með 5. gr. rgl. nr. 1299/2020.
4Breytt með 4. gr. rgl. nr. 1563/2024.
5Breytt með 16. gr. rgl. nr. 1348/2025.

[15. gr. Takmörkun á inntöku nemenda í námsgreinar Máls- og menningardeildar

Fjöldi nemenda í Akademíska ensku – grunndiplómu takmarkast við 50. Takmörkunin tekur til umsækjenda með ríkisfang frá ríki utan Evrópska efnahagssvæðisins (EES), sem sækja um á erlenda umsóknartímabilinu og hafa ekki íslenska kennitölu. Ríkisborgarar Sviss, Grænlands og Færeyja eru þó undanþegnir takmörkuninni.

Allir nemendur skulu uppfylla lágmarksinntökuskilyrði um enskukunnáttu, sem samsvarar lágmarkseinkunn 79 úr TOEFL og/eða 6,5 úr IELTS og/eða 58 úr PTE. Ef umsækjendur sem uppfylla þetta viðmið eru fleiri en 50 verða þeir 50 efstu teknir inn.]1
1Breytt með 17. gr. rgl. nr. 1348/2025.

[V. kafli Takmörkun á inntöku nemenda í námsgreinar á Menntavísindasviði.]1 

[16. gr. Takmörkun á inntöku nemenda í deild menntunar og margbreytileika

Fjöldi nemenda í Alþjóðlegt nám í menntunarfræði BA takmarkast við 60. Þar af verða 30 teknir inn á erlenda umsóknartímabilinu og 30 á innlenda umsóknartímabilinu.

Þeir 30 nemendur sem teknir eru inn á alþjóðlega umsóknartímabilinu skulu uppfylla eftirfarandi skilyrði:

  1. Hafa lokið stúdentsprófi eða sambærilegu erlendu prófi.
  2. Uppfylla inntökuskilyrði um enskukunnáttu.

Ef umsækjendur á alþjóðlega umsóknartímabilinu, sem uppfylla inntökuskilyrði, eru fleiri en unnt er að taka inn skal val nemenda byggjast á eftirfarandi sjónarmiðum:

  1. fyrra námi á háskólastigi,
  2. starfsreynslu á sviði menntunar, hvort heldur er í formlegri menntun (t.d. skólum) eða óformlegri menntun (t.d. frístundastarfi, þróunaraðstoð),
  3. ferilskrá,
  4. greinargerð umsækjenda þar sem fram kemur hvers vegna sótt er um námið, markmið með náminu og framtíðarsýn.

Fjöldi nemenda sem tekinn er inn á innlenda umsóknartímabilinu takmarkast við 30 og skulu þeir uppfylla eftirfarandi skilyrði:

  1. Hafa lokið stúdentsprófi eða sambærilegu prófi.
  2. Uppfylla inntökuskilyrði um enskukunnáttu.

Ef umsækjendur á innlenda umsóknartímabilinu, sem uppfylla inntökuskilyrði, eru fleiri en unnt er að taka inn skal val nemenda byggjast á eftirfarandi sjónarmiðum:

  1. fyrra námi á háskólastigi,
  2. starfsreynslu á sviði menntunar, hvort heldur er í formlegri menntun (t.d. skólum) eða óformlegri menntun (t.d. frístundastarfi, þróunaraðstoð),
  3. ferilskrá,
  4. greinargerð umsækjenda þar sem fram kemur hvers vegna sótt er um námið, markmið með náminu og framtíðarsýn.

Inntökunefnd sem stjórn námsins skipar fjallar um umsóknir nemenda og annast val þeirra.

Fjöldi nemenda í meistaranám í Alþjóðlegu námi í menntunarfræði takmarkast við 30. Þar af verða 15 teknir inn á erlenda umsóknartímabilinu og 15 á innlenda umsóknartímabilinu.

Þeir 15 nemendur sem teknir eru inn á alþjóðlega umsóknartímabilinu skulu uppfylla eftirfarandi skilyrði:

  1. Hafa lokið grunnnámi eða sambærilegu prófi með fyrstu einkunn.
  2. Uppfylla önnur almenn inntökuskilyrði svo sem um enskukunnáttu.

Ef umsækjendur á alþjóðlega umsóknartímabilinu, sem uppfylla inntökuskilyrði, eru fleiri en unnt er að taka inn skal val nemenda byggjast á eftirfarandi sjónarmiðum:

  1. einkunnum í grunnnámi,
  2. fyrra námi á háskólastigi enda hafi nemendur sem lokið hafa meira námi forgang fram yfir þá sem lokið hafa minna námi,
  3. starfsreynslu á sviði menntunar, hvort heldur í formlegri menntun (t.d. skólum) eða óformlegri (t.d. frístundastarfi, þróunaraðstoð),
  4. ferilskrá,
  5. greinargerð umsækjenda þar sem fram kemur hvers vegna sótt er um námið, markmið með náminu og framtíðarsýn.

Fjöldi nemenda sem tekinn er inn á innlenda umsóknartímabilinu takmarkast við 15 og skulu þeir uppfylla eftirfarandi skilyrði:

  1. Hafa lokið grunnnámi eða sambærilegu prófi með fyrstu einkunn.
  2. Uppfylla önnur almenn inntökuskilyrði svo sem um enskukunnáttu.

Ef umsækjendur á innlenda umsóknartímabilinu, sem uppfylla inntökuskilyrði, eru fleiri en unnt er að taka inn skal val nemenda byggjast á eftirfarandi sjónarmiðum:

  1. einkunnum í grunnnámi,
  2. fyrra námi á háskólastigi enda hafi nemendur sem lokið hafa meira námi forgang fram yfir þá sem lokið hafa minna námi,
  3. starfsreynslu á sviði menntunar, hvort heldur í formlegri menntun (t.d. skólum) eða óformlegri (t.d. frístundastarfi, þróunaraðstoð),
  4. ferilskrá,
  5. greinargerð umsækjenda þar sem fram kemur hvers vegna sótt er um námið, markmið með náminu og framtíðarsýn.

Inntökunefnd sem stjórn námsins skipar fjallar um umsóknir nemenda og annast val þeirra.]2
1Breytt með 18. gr. rgl. nr. 1348/2025.
2Breytt með 19. gr. rgl. nr. 1348/2025.

[17. gr.]1 Gildistaka.

Reglur þessar, sem háskólaráð Háskóla Íslands hefur samþykkt, að fengnum tillögum fræðasviða og deilda háskólans, eru settar samkvæmt heimild í 3. og 4. mgr. 18. gr. laga nr. 85/2008 um opinbera háskóla. Reglurnar taka gildi 1. júlí 2010. Frá sama tíma falla úr gildi reglur nr. 318/2009 um takmörkun á inntöku nemenda í tilteknar námsgreinar við Háskóla Íslands háskólaárið 2009-2010.
1Breytt með 20. gr. rgl. nr. 1348/2025.

Háskóla Íslands, 10. febrúar 2010