Öldrunarþjónusta

Félagsvísindasvið

Viðbótardiplóma – 30 einingar

Viðbótardiplómanám í öldrunarþjónustu er sjálfstætt þverfræðilegt nám að loknu BA-prófi eða sambærilegu háskólaprófi.

Námsleiðin er ætluð þeim sem starfa með öldruðum, s.s. félagsráðgjöfum, hjúkrunarfræðingum, iðjuþjálfum, læknum og sjúkraþjálfurum.

Sækja um nám

Um hvað snýst námið?

Í diplómanámi í öldrunarþjónustu auka nemendur fræðilega og hagnýta þekkingu sína um málefni aldraðra og er námsleiðin einkum ætluð þeim sem starfa með öldruðum.

Umsækjendur skulu hafa lokið háskólanámi á heilbrigðis- eða félagsvísindasviði en einnig er litið á starfsreynslu þegar umsóknir eru metnar.

Uppbygging náms

Námið er 30 einingar og sett upp sem hluta nám í eitt ár.

Námið skiptist í:

Skyldunámskeið:

Öldrunarfræði: Stefnumótun og þjónusta, 10 einingar
Áhrifaþættir öldrunar: Umhverfi, félagstengsl og heilsufar, 10 einingar

Valnámskeið:

Valnámskeið valið í samráði við umsjónarmann námsleiðar, 10 einingar

Fyrirkomulag kennslu

Námið er kennt á íslensku en flestar kennslubækur er á ensku eða öðrum erlendum málun, einkum Norðurlandamálum.

Meginmarkmið

Markmið námsleiðarinnar er að koma til móts við þörf fyrir sérhæfða þekkingu og færni á sviði öldrunarþjónustu. Nemendur fá fræðilega og hagnýta þekkingu um málefni aldraðra og þá þætti sem hafa áhrif á stefnumörkun og stjórnun málaflokksins.

Annað

Námið er hægt að fá metið inn í meistaranám að uppfylltum inntökuskilyrðum.

Sjá MA nám í öldrunarfræði

Skipulag náms

1. ár

Haust
Öldrunarfræði: Stefnumótun og þjónusta
Vor
Áhrifaþættir öldrunar: Umhverfi, félagstengsl og heilsufar

Öldrunarfræði: Stefnumótun og þjónusta (ÖLD102F)

Markmið námskeiðsins er að kynna öldrunarfræði sem þverfaglega fræðigrein með aðaláherslu á félagslega öldrunarfræði. Hugmyndafræði fræðigreinarinnar, helstu rannsóknir og rannsóknaraðferðir verða kynntar. Fjallað verður um félagslega, sálræna og líffræðilega öldrun og áhrif þess að eldast á einstaklinga og umhverfi þeirra. Kynntar verða helstu kenningar öldrunarfræðinnar og fjallað um áhrif þeirra á stefnumótun í öldrunarþjónustu. Áhersla verður lögð á að dýpka þekkingu þátttakenda um málefni aldraðra með það að markmiði að gera þá hæfari til að vinna með öðrum starfsstéttum að velferðarmálum aldraðra.

Lotukennsla. Námskeiðið verður kennt í staðlotum. Skyldumæting er í staðlotur.

Nánar um námskeiðið

Áhrifaþættir öldrunar: Umhverfi, félagstengsl og heilsufar (ÖLD201F)

Markmið námskeiðsins er að dýpka þekkingu þátttakenda í öldrunarfræðum (gerontology) og öldrunarlækningum (geriatri). Fjallað verður um það hvernig umhverfi, félagsleg tengsl og heilsufar hafa áhrif á vellíðan aldraðra. Rætt verður um þjónustu við aldraða almennt og einnig hópa aldraðra með sérþarfir. Mismunandi kenningar öldrunarfræða verða til umræðu og hvernig þær hafa áhrif á viðhorf og þjónustu við aldraðra. Rannsóknir innlendar og erlendar á sviðinu verða kynntar svo og rannsóknaraðferðir öldrunarfræðinnar. Fjallað verður um teymisvinnu í öldrunarþjónustu og áhersla lögð á að kynna starfsaðferðir mismunandi starfsstétta sem vinna að málefnum aldraðra.

Námskeiðið er kennt í staðlotum og fyrirlestrum. Mætingaskylda er í staðlotur.

Gestafyrirlesarar á sérsviðum öldrunarfræða og öldrunarlækninga.

Nánar um námskeiðið

Öll fög eru skyldufög nemaVValfagBBundið val er háð skilyrðum ENámskeiðið er ekki kennt á misserinuNámsleiðin í Kennsluskrá