Áfengis- og vímuefnamál - Örnám

Félagsvísindasvið

Áfengis- og vímuefnamál (ekki tekið inn í námið 2025-2026)

Örnám á framhaldsstigi – 30 einingar

Markmið námsleiðarinnar er að koma til móts við þörf fyrir sérhæfða þekkingu og færni á sviði áfengis- og vímuefnamála. Nemendur fá fræðilega og hagnýta þekkingu um málefni einstaklinga með áfengis- og vímuefnaröskun og áhrifin sem það getur haft á aðra fjölskyldumeðlimi og fjölskyldukerfi.

Sækja um nám

Show Um hvað snýst námið?

Örnám um áfengis- og vímuefnamál er sjálfstætt þverfræðilegt nám. Námið er sniðið að fólki sem hefur lokið grunnnámi á heilbrigðis-, mennta- eða félagsvísindasviði.

Nemendur fá fræðilega og hagnýta þekkingu um málefni einstaklinga með áfengis- og vímefnaröskun og áhrif þess á aðra fjölskyldumeðlimi og fjölskyldukerfi. Nemendur öðlast einnig fræðilega og hagnýta þekkingu á forvörnum, meðferðarúrræðum og þeim þáttum sem hafa áhrif á stefnumörkun og stjórnun málaflokksins.

Námið er ætlað þeim sem starfa með einstaklingum með áfengis- og vímuefnaröskun og fjölskyldum þeirra, svo sem félagsráðgjöfum, hjúkrunarfræðingum, sálfræðingum, lýðheilsufræðingum, iðjuþjálfum, guðfræðingum, læknum og sjúkraþjálfurum.

Uppbygging náms

Námið er 30 einingar og er sett upp sem hluta nám til einsárs. Námið er hægt að stunda samhliða vinnu en skyldumæting er í lotur.

Námið samanstendur af þremur 10 eininga skyldunámskeiðum.

Fyrirkomulag kennslu

Kennsla fer fram þrjá samfellda daga í mánuði, miðvikudag, fimmtudag og föstudag, sem auðveldar nemendum að sinna náminu meðfram vinnu.

Námið er kennt á íslensku en flestar kennslubækur eru á ensku.

Meginmarkmið

Markmið námsleiðarinnar er að koma til móts við þörf fyrir sérhæfða þekkingu og færni á sviði áfengis- og vímuefnamála.

Annað

Örnámi lýkur með vottorði. Hægt er að fá námið metið að fullu inn MA-nám í félagsráðgjöf, rannsóknartengt nám að uppfylltum inntökuskilyrðum.

Skipulag náms

1. ár

Áfengis- og vímuefnamál I: Stefnumótun, þverfagleg nálgun og skilgreiningar (FRG119F)

Markmið námskeiðsins er að nemendur öðlist þekkingu á félagslegum, sálfræðilegum og læknisfræðilegum þáttum áfengis- og vímuefnaneyslu og þróun vímuefnaröskunar. Fjallað verður um skimun og greiningarlíkön, einkenni vímuefnaröskunar og samanburður verður gerður á samfélagslegum og menningarlegum þáttum áfengis og vímuefnaneyslu. Gerð verður grein fyrir hlutverki stefnumótunar og löggjafar um mismunandi meðferðarúrræði og forvarnir í þverfaglegu samstarfi og hvernig áfengis- og vímuefnaröskun getur þróast á mismunandi hátt hjá ólíkum hópum.

Námskeiðið verður kennt í staðlotum. Skyldumæting er í lotur.

Nánar um námskeiðið

Áfengis- og vímuefnamál II: Meðferðarlíkön, forvarnir og vinnulag með einstaklingum með áfengis- og vímuefnaröskun (FRG228F)

Markmið námskeiðsins er að gera grein fyrir áfengis- og vímuefnamálum sem þverfaglegri fræðigrein og að nemendur öðlist þekkingu á hvernig nota má gagnreyndar aðferðir við meðferð ólíkra hópa. Fjallað verður um helstu einkenni vímuefnaröskunar, bataferli vímuefnasjúkra, og fallþróun. Áhersla verður lögð á að dýpka þekkingu nemenda um málefni fólks með vímuefnaröskun með það að markmiði að gera þá hæfari til að vinna með öðrum starfsstéttum að velferðarmálum þessa hóps.

Námskeiðið verður kennt í lotum. Tvær staðlotur á misseri, þrjá daga í senn. Skyldumæting er í lotur.

Nánar um námskeiðið

Aðferðir í fjölskyldumeðferðarvinnu einstaklinga með áfengis- og vímuefnaröskun (FRG231F)

Markmið námskeiðsins er að fjalla um þau áhrif sem áfengis- og vímuefnaröskun einstaklings í fjölskyldum getur haft á aðra fjölskyldumeðlimi og fjölskyldukerfi. Kynntar eru helstu rannsóknir, kenningar og aðferðir í fjölskyldumeðferðarnálgunum og meðferðarvinnu með einstaklingum og fjölskyldum sem búa við áfengis- og vímuefnaröskun. Fjallað er um tengsl milli áfengis- og vímuefnaneyslu og heimilis ofbeldis, streitutengdra andlegra og líkamlegra sjúkdóma aðstandenda.

Námskeiðið er kennt í lotum. Tvær staðlotur á misseri, þrjá daga í senn. Skyldumæting er í lotur.

Nánar um námskeiðið

Öll fög eru skyldufög nemaVValfagBBundið val er háð skilyrðum ENámskeiðið er ekki kennt á misserinuNámsleiðin í Kennsluskrá