Skip to main content

Vísitasíur

Vísitasíur - á vefsíðu Háskóla Íslands
Hvenær 
25. september 2021 12:00 til 17:00
Hvar 

Listasafnið á Akureyri

Nánar 
Aðgangur ókeypis

Bryndís Snæbjörnsdóttir og Mark Wilson vinna saman að þverfaglegum myndlistarverkefnum í listasöfnum víða um heim. Þau vinna jafnt með sérfræðingum sem leikmönnum og í verkum sínum skoða þau birtingarform dýra í samfélagslegu, menningarlegu og umhverfislegu samhengi. Verk þeirra afhjúpa menningartákn, sýna fram á hefðir og viðbrögð manna gagnvart dýrum, um leið og þau varpa ljósi á spurningar um náttúruvernd og ólíka afstöðu manna til útrýmingarhættu lífríkisins í vistfræðilegu samhengi.

Vísitasíur er sýning á verkum þeirra og hluti af listrannsóknarverkefninu Ísbirnir á villigötum, unnið í samstarfi sérfræðinga Háskóla Íslands á sviði myndlistar, þjóðfræði og náttúru- og umhverfisfræði. Markmið verkefnisins er að auka þekkingu á fjölþættum tengslum dýra, manna og umhverfis á tímum loftslagshlýnunar. Áhersla verður lögð á að rannsaka birtingarform hvítabjarna á Íslandi í sögulegu og samtímalegu samhengi.

Listrannsóknaverkefnið hefur ótvírætt gildi fyrir uppbygginu rannsóknarumhverfis í listum hér á landi og markar tímamót fyrir háskólann. Það felur jafnframt í sér þverfaglegt samstarf milli Listaháskóla Íslands og Háskóla Íslands, sem er til þess fallið að opna nýjar leiðir fyrir rannsóknarsamstarf á tímum sem kalla á endurskoðun leiða til þekkingarsköpunar innan fræðasamfélagsins. Verkefnið er stutt af Rannsóknasjóði Rannís og hýst við Listaháskóla Íslands, þar sem Bryndís gegnir starfi prófessors og fagstjóra meistaranáms myndlistardeildar. Sýningin er unnin í samvinnu við Anchorage safnið í Alaska.

Sýningarstjóri: Æsa Sigurjónsdóttir, dósent í listfræði við Háskóla Íslands.

Nánar um Ísbirni á villigötum

Vísitasíur er hluti af listrannsóknarverkefninu Ísbirnir á villigötum, unnið í samstarfi sérfræðinga Háskóla Íslands á sviði myndlistar, þjóðfræði og náttúru- og umhverfisfræði.

Vísitasíur