Vinnustofa kennara: Starfendarannsóknir í tungumálakennslu – kynning á ARC-verkefninu
Veröld - Hús Vigdísar
stofa 107
Brynhildur Anna Ragnarsdóttir og Þórhildur Oddsdóttir halda vinnustofuna Starfendarannsóknir í tungumálakennslu – kynning á ARC-verkefninu, í stofu 107 í Veröld - húsi Vigdísar þann 18. apríl kl. 10-12.
ARC verkefnið byggir á þeirri sannfæringu að kennarar séu kjarninn í því ferli sem á sér stað í tungumálakennslunni. Verkefninu er ætlað að styðja kennara í evrópskum skólum við að nýta sér starfendarannsóknir til að þróa í starfi sínu ígrundun á þeim starfsháttum sem fram fara í kennslustofunni. Lögð er áhersla á aðferðir sem efla fagmennsku þeirra og sjálfstraust.
Sérhver kennari getur orðið rannsakandi á eigin starfsháttum og ígrundun á þeim. Kennarar verða að geta horft gagnrýnum augum á eigin kennslu, umhverfið, þátttöku nemenda og sjálfa sig. Kennsluhættir þróast einungis með síendurtekinni greiningu.
Vinnustofan er þátttakendum að kostnaðarlausu og engrar skráningar er krafist. Boðið verður upp á kaffiveitingar.
Vinnustofur kennara eru samstarfsverkefni Vigdísarstofnunar, STÍL – Samtaka tungumálakennara á Íslandi og Tungumálamiðstöðvar Háskóla Íslands.
Vinnustofa kennara: Starfendarannsóknir í tungumálakennslu – kynning á ARC-verkefninu
