Skyldur Íslands í loftslagsmálum 

Siðfræðistofnun Háskóla Íslands stendur fyrir opnum fyrirlestri um siðfræði og loftslagsmál, föstudaginn 26. nóvember, kl. 15:00-17:00. (Hægt verður að fylgjast með fyrirlestrinum í streymi með því að smella hér).

Hlynur Orri Stefánsson mun ræða hvernig meta eigi siðferðilegar skyldur Íslands í loftslagsmálum og færir meðal annars rök fyrir því að hin almenna siðferðisskylda um að skaða ekki aðra veiti Íslendingum ástæðu til að draga úr losun gróðurhúsalofttegunda, enda benda nýlegir útreikningar til að árleg losun Íslands muni valda um þúsund dauðsföllum (flestum í fátækari löndum) fram til ársins 2100. Að fyrirlestri loknum verða pallborðsumræður um efnið. 

Hlynur Orri Stefánsson er dósent í hagnýtri heimspeki við Stokkhólmsháskóla og ráðgjafi í loftslagsmálum við Institutet för framtidsstudier í Stokkhólmi. 

Stund og staður: föstudagur 26. nóvember, kl. 15:00 – 17:00, stofa 101 í Lögbergi.