Rannveig Ágústa Guðjónsdóttir: Áfangamat
Zoom
Upplifun feðra sem beitt hafa ofbeldi í nánum samböndum: Orðræður, óþægindi og ábyrgð
Þessi rannsókn skoðar feður og ofbeldi með því að kanna hvernig þeir birtast í orðræðum fjölmiðla, hvernig þeir tjá sig í viðtölum og hvernig börn sem búið hafa við ofbeldi á heimili upplifa samband sitt við feður sem beitt hafa ofbeldi.
Matið er í tvennu lagi; fyrst kynnir Rannveig rannsóknarskýrslu sína kl. 9.30– 10.30 og er sú kynning opin nemum í framhaldsnámi og starfsfólki Menntavísindasviðs. Síðan er fundur þar sem matsnefnd fær tækifæri til að ræða rannsóknarskýrslu Rannveigar. Fundurinn er öðrum lokaður.
Tilgangur matsins er tvíþættur eins og fram kemur í Reglum um doktorsnám við Menntavísindasvið: Að meta hæfni doktorsnemans til að framkvæma rannsóknarverkefni sitt og að veita endurgjöf svo að verkefnið verði svo gott sem verða má.
Prófdómarar eru dr. Kalle Berggren dósent við Stokkhólmsháskóla og dr. Þorgerður Einarsdóttir prófessor við Félagsvísindasvið Háskóla Íslands. Aðalleiðbeinandi er dr. Jón Ingvar Kjaran prófessor við Menntavísindasvið og dr. Guðrún Kristinsdóttir prófessor emerita við Menntavísindasvið Háskóla Íslands. Dr. Atli Harðarson prófessor við Menntavísindasvið er formaður matsnefndar og stýrir athöfninni og dr. Steingerður Ólafsdóttir er ritari.