Málstofa Guðfræðistofnunar: Fornar biblíuþýðingar

Svanhildur Óskarsdóttir rannsóknardósent flytur fyrirlestur um fornar biblíuþýðingar í málstofu á vegum Guðfræðistofnunar Háskóla Íslands í stofu 229 í Aðalbyggingu mánudaginn 21. janúar kl. 11:40-13:00.

Á þessu ári eru væntanleg tvö fyrstu heftin í nýrri ritröð sem ber heitið Fornar biblíuþýðingar. Í heftunum er annars vegar þýðing á Júdítarbók sem varðveitt er í handriti frá 14. öld; hins vegar þýðing Makkabeabóka sem gerð var á 16. öld. Svanhildur mun í upphafi kynna ritröðina en fjalla síðan um þýðingarnar tvær, handritin sem geyma þær og hugsanlegan tilgang með þeim.