Fjórtán málstofur Hugvísindaþings í streymi

Hægt verður að fylgjast með fjórtán málstofum í opnu streymi á Hugvísindaþingi 2023 sem hefst í Hátíðasal í Aðalbyggingu Háskóla Íslands í dag, 10. mars kl. 12, með setningarávarpi Ólafar Garðarsdóttur, forseta Hugvísindasviðs HÍ, og hátíðarfyrirlestri Vilhjálms Árnasonar, prófessors emeritus í heimspeki. Meðal þess sem fjallað verður um á þinginu í ár er María mey, Grýla, stafrænar skemmtanir, Austurland, rímur, ríkisvaldið, táknmál og önnur mál, listir, loftslagsbreytingar, kennsla, þýðingar og bókmenntagagnrýni.

Þingið er öllum opið og málstofur fara fram í Árnagarði, Lögbergi og Odda. Hægt er að nálgast dagskrána á vefsíðu þingsins, hugvisindathing.hi.is.

Hægt verður að fylgjast með eftirfarandi fjórtán málstofum í opnu streymi á Zoom.

Föstudagur 10. mars

• Austurland - efniviður rannsókna í Odda 202 kl. 13:15-17:00. Horfa á streymi.
• Grýla og börnin. Í Árnagarði 101 kl. 13:15-14:45. Horfa á streymi. 
• Hetjur, kreppur og heimsveldi í Árnagarði 310 kl. 13:15-14:45. Horfa á streymi.
• Kennsla íslensku sem annars máls: Tölvustutt nám og nám utan kennslustofu. Í Lögbergi 201 kl. 13:15-14:45. Horfa á streymi.
• Setningafræði eldri og yngri íslensku í Lögbergi 103 kl. 13:15-17:00. Streymið hefst kl. 13:45. Horfa á streymi.
• Íslenska sem annað mál: Evrópski tungumálaramminn og fagtengd námskeið í Lögbergi 201 kl. 15:15-16:45. Horfa á streymi.

Laugardagur 11. mars

• Arfleifð Bíbíar í Berlín - Hvernig fann þroskaskert kona lífi sínu farveg? Í Árnagarði 311 kl. 10:00-12:00. Horfa á streymi.
• „Yfrið hef ég efni í nóg að yrkja margt af slíku“ – Sitthvað um rímur og rímnaskáld. Í Árnagarði 304 kl. 10:00-14:30. Horfa á streymi.
• Brot úr bókmenntasögu kennslubóka í íslensku. Í Árnagarði 101 kl. 10:00-12:00. Horfa á streymi. 
• Jarðnánd: Umhverfi, framtíð og huglíkami. Í Árnagarði 301 kl. 10:00-14:30. Horfa á streymi.
• Málvísindi í hafsjó tækninnar: Tjákn, máltækni, erfðafræði. Í Árnagarði 201 kl. 10:00-12:00. Horfa á streymi.
• Biblían, trúin og menning íslenskra leikmanna á miðöldum. Í Árnagarði 311 kl. 13:00-16:30. Horfa á streymi.
• Vinnuvísindin, tíminn og mótun velferðarsamfélagsins. Í Árnagarði 101 kl. 13:00-14:30. Horfa á streymi.
• Lifandi mál: Tilbrigði og breytingar á íslenskum orðaforða, framburði, beygingum og setningagerð. Í Árnagarði 201 kl. 13:00-16:30. Horfa á streymi.
• Gagnvegir yfir Atlantshafið: Endurritun skáldskapar og goðsagna. Í Árnagarði 310 kl. 13:00-14:30. Horfa á streymi.