Vélaverkfræði

180 einingar - BS gráða

. . .

Vélaverkfræðinám er afar fjölbreytt og hagnýtt og opnar margar leiðir út í atvinnulífið. Viðfangsefni vélaverkfræðinnar eru fjölbreytt og má finna mjög víða, t.d. við þróun á jarðhita og sjálfbærri orku, hönnun kerfa og tæki sem létta okkur lífið, nýsköpun tengd líftækni, heilsu og stoðtækjum og svo mætti lengi telja.

Sækja um nám

Námið

Vélaverkfræði, BS, 180e

Fyrir nemendur

Náms- og starfsráðgjöf

Starfsfólk

Aðstaða

Aðgangur að Uglu og tölvukerfi

Viltu vita meira?

Grunnnám

Grunnnám til BS-prófs tekur þrjú ár, en til þess að öðlast lögverndaða starfsheitið vélaverkfræðingur þarf einnig að ljúka MS-prófi.

Nemendur læra að hanna og þróa kerfi og kerfishluta sem snerta líf okkar á hverjum degi. Í náminu öðlast þeir sterkan fræðilegan grunn og temur þér vinnubrögð sem byggjast á aga, framtakssemi og gagnrýninni hugsun.

Námið samanstendur af skyldunámskeiðum og valnámskeiðum. Skyldunámskeiðin byggja upp almenna grunnþekkingu á raungreinum og viðfangsefnum vélaverkfræði. Á síðari stigum námsins gefst nemendum kostur á að færa sig nær sínu áhugasviði með fjölbreyttu úrvali valnámskeiða. Mögulegt er að taka hluta þeirra í öðrum deildum HÍ eða við erlenda háskóla. Mörg námskeið byggja að miklu leyti á verkefnavinnu og er leitast við að nota raunhæf verkefni úr atvinnulífinu.

Hefur þú áhuga á að vita..

Hvernig við nýtum jarðhita? Hvernig vélar virka, í einfaldasta skilningi orðsins? Hvaða ferlar gegna lykilhlutverkum í allri framleiðslu nútímans?
Hvaða efni henta best í vörur og tæki? Hvaða framleiðsluaðferðir liggja að baki? Hvernig á að greina styrk hluta og öryggi?
Hvernig tengjum við saman tölvur og tæki okkur til gagns? Hvað er gervigreind og hvernig nýtist hún okkur?
Hvernig hefur titringur burðarvirkja og tækja áhrif á mannfólk og endingu?
Hvaða nútímalausnir nýtast við smíði sjálfvirkra tækja? Hvaða aðferðir notum við til að hanna gervifætur og fiskvinnsluvélar?

Inntökuskilyrði

Grunnnám

Íslenskt stúdentspróf eða sambærilegt próf. Sterklega er mælt með að minnsta kosti 40 fein (24 ein) í stærðfræði og 50 fein (30 ein) í náttúrufræðigreinum (þar af minnst 10 fein (6 ein) í eðlisfræði.

Nánar um inntökuskilyrði deildar

Sjáðu um hvað námið snýst

Umsagnir nemenda

Aron Óttarsson

Vélaverkfræði

Námið í Háskóla Íslands hefur gefið mér allskonar tækifæri sem hefðu annars ekki verið í boði, til dæmis að fá að nýta fræðina sem ég læri í að hanna og smíða kappakstursbíl frá grunni. Svo er félagslífið mjög gott, það er mjög auðvelt að kynnast nýju fólki og nemendafélögin sjá til þess að hópurinn hristist saman með vísindaferðum og öðrum skemmtilegum uppákomum, en þau sjá einnig til þess að gæta hagsmuna félagsmanna.

—

Mynd að ofan

Texti vinstra megin

Starfsvettvangur

Vélaverkfræðingar frá Háskóla Íslands eru eftirsóttir starfskraftar ekki síst vegna þjálfunar í að beita öguðum vinnubrögðum við lausn flókinna vandamála.

Vélaverkfræðingar veljast gjarnan til ábyrgðarstarfa hér á landi sem erlendis. Þeir starfa við hönnun og greiningu en einnig sem framkvæmdastjórar og skipuleggjendur.

Sem dæmi um starfsvettvang vélaverkfræðinga má nefna framleiðslufyrirtæki, verkfræðistofur, orkufyrirtæki, hugbúnaðarfyrirtæki og fjármálastofnanir.

Texti hægra megin