Tölvunarfræði

Tölvunarfræði

180 einingar - BS gráða

. . .

Nám í tölvunarfræði er eitt það hagnýtasta sem völ er á.

Tölvunarfræðingar taka virkan þátt í þróun, hönnun, prófun, breytingu og forritun hugbúnaðar og starfa með fólki úr mörgum fagstéttum.

Uppbygging og rekstur nútímaþjóðfélags byggist í veigamiklum atriðum á hugbúnaði og námið miðar að því að nemendur verði færir um að þróa og reka traustan og skilvirkan hugbúnað.

Sækja um nám

Námið

Tölvunarfræði, BS, 180e

Tölvunarfræði, BS, 120e

Tölvunarfræði, aukagrein, 60e

Fyrir nemendur

Náms- og starfsráðgjöf

Starfsfólk

Aðstaða

Aðgangur að Uglu og tölvukerfi

Viltu vita meira?

Grunnnám

Skyldunámskeið eru um tveir þriðju hlutar námsins. Afganginn má velja innan tölvunarfræði eða úr öðrum fræðigreinum.

Kjörsvið eru þrjú:

Almenn tölvunarfræði
Reiknifræði
Gagnavísindi (í þróun)

Almenna kjörsviðið veitir breiðan almennan grunn í tölvunarfræði.

Reiknifræðikjörsvið miðar að því að gera nemendur hæfa til þess að takast á við reiknifræðilega líkanagerð og fræðilegri þætti tölvunarfræði.

Kjörsvið í gagnavísindum veitir nemendum þjálfun í vinnslu, greiningu og framsetningu á gögnum, auk líkangerðar og smíði reiknirita.

Meðal viðfangsefna

• Hönnun, greining og notkun forritunarmála
• Reiknirit
• Þróun hugbúnaðar
• Smíði tölvuviðmóta
• Tölvugrafík og leikjaforritun
• Vefforritun
• Greining, hönnun og notkun gagnamóta og gagnasafnskerfa
• Stýrikerfi
• Tölvunet og dreifð kerfi
• Tölvuöryggi
• Skýjaforritun og forritun ofurtölva
• Gervigreind
• Reiknifræði og bestun
• Fræðileg tölvunarfræði
• Stærðfræði
• Máltækni
• Lífupplýsingafræði

Inntökuskilyrði

Grunnnám

Íslenskt stúdentspróf eða sambærilegt próf. Deildin mælir eindregið með að stúdent hafi lokið a.m.k. 35 feiningu (21 ein) í stærðfræði (fyrir reiknifræðilínu þó a.m.k. 40 feiningum (24 ein) í stærðfræði og auk þess 35 feiningu (21 ein) í raungreinum).

Nánar um inntökuskilyrði deildar

Sjáðu um hvað námið snýst

Mynd að ofan

Texti vinstra megin

Starfsvettvangur

Tölvunarfræðingar sem útskrifast frá Háskóla Íslands geta tekist á við verkefni á fræðasviði sem er í stöðugri þróun, því þeir skilja grunnbyggingareiningar fræðanna, gagnaskipan, reiknirit, forritunarmál, gagnagrunna og netkerfi. Þeir búa til, prófa og besta nothæf, áreiðanleg og örugg tölvukerfi.

Starfsvettvangur tölvunarfræðinga er mjög fjölbreyttur. Þeir starfa við tölvufyrirtæki, framleiðslufyrirtæki, fjölmiðla, rannsóknir, ferðamálafyrirtæki, ráðgjafarfyrirtæki, flugfélög, banka, stofnanir, í fiskiðnaði og svo mætti lengi telja. Sum eru lítil sprotafyrirtæki, önnur stærri og sum eru í útflutningi en önnur á innanlandsmarkaði.

Texti hægra megin

Framhaldsnám

Boðið er upp á framhaldsnám í tölvunarfræði. Meistaranámið tekur tvö ár og í því er umtalsvert frelsi í vali á námskeiðum. Meistaraverkefnin eru oft hagnýt og unnin í samvinnu við fyrirtæki eða stofnanir. Meistaraverkefni geta sprottið af áhuga nemanda á tilteknu viðfangsefni eða tengst rannsóknarverkefnum kennara.