Kínversk málnotkun I (KÍN105G)

Í námskeiðinu er einkum lögð áhersla á hljóðfræði með þjálfun framburðar og tóna. Uppistaða námskeiðsins eru æfingatímar til að þjálfa hlustun, skilning og tjáningu sem byggja á og útfæra námsefni námskeiðsins kínverska I. Námsstigið miðast við HSK 1.

Kínverska I (KÍN107G)

Um er að ræða alhliða námskeið í staðlaðri kínversku (mandarín, putonghua) fyrir byrjendur. Nemendur kynnast undirstöðuatriðum tungumálsins og málfræðilegri og tónalegri uppbyggingu þess. Áhersla er lögð á orðaforða daglegs lífs.

Í upphafi er pinyin umritunarformið kennt en síðan koma einfölduð kínversk tákn (jiantizi) til sögunnar. 

Heimaæfingar og tímapróf eru tíð. Gert er ráð fyrir miklu heima- og sjálfsnámi og í námskeiðinu gildir mætingarskylda.

Kína nútímans: Samfélag, stjórnmál og efnahagur (KÍN101G)

Um er að ræða yfirlitsnámskeið um helstu áhrifaþætti innan kínversks samfélags og efnahags með áherslu á afleiðingar opnunarstefnunnar eftir 1978. Farið verður yfir landfræðilegar aðstæður, þ. á m. helstu borgir, fylkjaskipan, nágrannalönd, landræktarsvæði, ár og fjallgarða. Veitt verður yfirlit yfir efnahagsþróun undanfarinna áratuga, helstu vandamál Kína nútímans, þ. á m. orkuskort, umhverfisvandamál, lýðfræði, alþjóðatengsl og stjórnmál. Einnig verður vikið að stöðu fjölskyldunnar og kvenna, mannréttindi og umhverfismál. Hong Kong og Tævan eru einnig sértstaklega til umfjöllunar. Til að skerpa á skilningi nemenda á Kína samtímans verður horft á klippur úr nýlegum kínverskum heimildamyndum sem taka á ýmsum þáttum hinna miklu umbreytinga sem orðið hafa á kínversku samfélaginu undanfarna áratugi. 

Ferlið og dygðin – Bókin um veginn – Daodejing – ritskýring (KÍN325M)

Í þessu námskeiði verður hið sígilda og áhrifamikla heimspeki- og trúarrit Daodejing lesið kafla fyrir kafla með það fyrir augum að gera grein fyrir inntaki textans í ljósi heimspekilegra og trúarlegra kenninga daoismans. Stuðst verður einkum við tvímála þýðingu Ragnars Baldurssonar sem nefnist á íslensku Ferlið og dygðin en jafnframt leitað fanga í öðrum erlendum þýðingum, túlkunum og skýringarritum. Kunnátta í kínversku ritmáli er kostur en ekki skilyrði fyrir þátttöku í námskeiðinu.

Konfúsíanismi (KÍN321G)

Konfúsíanismi (kínv. rujia eða ruxue) er heimspekileg, siðfræðileg og stjórnmálaleg stefna sem rekja má aftur um á þriðja árþúsund og hefur haft ómæld áhrif á samfélags- og menningarframvindu í Kína og raunar víðar í Austur-Asíu, t.a.m. í Kóreu, Japan og Víetnam. Inntak hennar er því sérlega mikilvægur lykill að skilningi á þessum menningarheildum, þá ekki síst hinni kínversku, eða eins og fræði- og athafnamaðurinn Liang Qichao komst að orði fyrir um öld síðan er konfúsíanismi vissulega ekki samheiti kínverskrar menningar í heild sinni en yrði hann fjarlægður væri lítið eftir af henni. Fyrstu fimm vikum námskeiðsins verður varið í kynningu á helstu hugtökum stefnunnar og þar með lestri á völdum köflum úr „fjórum höfuðritum“ (sishu) hennar, þ.e. Speki Konfúsíusar (Lunyu), Mensíusi (Mengzi), Einblínt á hversdaginn (Zhongyong) og Stórlærdómi (Daxue), í því skyni að gera grundvallarkenningar hennar aðgengilegar. Hér verður jafnframt skírskotað til helstu gagnrýnenda konfúsíanisma til forna, þ.e. daoista, móista og löghyggjunnar. Sjötta vikan er helguð framsögum nemenda um fyrri hluta námskeiðsins en því næst verður vikið að „endurreisn“ konfúsíanismans á miðöldum, svonefndan „nýkonfúsíanisma“, „Song-Ming konfúsíanisma“ eða „li-lærdóminn“ (lixue), sem fól m.a. að nokkru leyti í sér sambræðing við daoisma og búddisma. Í þessum hluta verður jafnframt vikið að þróun konfúsíanismans í öðrum menningarheildum Austur-Asíu. Loks skal gerð skil þeirri gerð konfúsíanisma sem verið hefur í mótun síðan eftir miðbik 19. aldar, er enn í fullu fjöri og leitast almennt við að bregðast við kröfum „nútímavæðingarinnar“ undir forystu vestrænna afla. Lokatíminn verður helgaður framsögum nemenda um efni seinni hluta námskeiðsins. Í námskeiðinu, sem kennt er á ensku, er gert ráð fyrir virkri þátttöku nemenda og talsverðum lestri um framandi og krefjandi hugsun. Nemendur eiga þess kost að skrifa 4 eininga ritgerð til viðbótar við námsmat námskeiðsins og uppskera þar með 10 einingar í heild.

Kínverska II (KÍN202G)

Um er að ræða alhliða námskeið í staðlaðri kínversku (mandarín, putonghua) fyrir byrjendur og framhald námskeiðsins kínverska I. Námsstigið miðast við HSK 2-3.

Nemendur dýpka skilning sinn á málfræði, bæta orðaforða og ná föstum tökum á grundvallaratriðum kínverskrar tungu. Kennsla mun fara aukið fram á kínversku og áhersla verður á virka notkun málsins. Heimaæfingar og tímapróf verða tíð. Gert er ráð fyrir miklu heima- og sjálfsnámi.

Kínversk málnotkun II (KÍN204G)

Námskeiðið er framhald námskeiðsins kínversk málnotkun I og heldur áfram hljóðfræðilegri þjálfun nemenda með áherslu á framburð og tóna. Uppistaða námskeiðsins eru æfingatímar til að þjálfa hlustun, skilning og tjáningu sem byggja á og útfæra námsefni námskeiðsins kínverska II. Námsstigið miðast við HSK 2.

Saga Kína I. Frá fornöld til um 1600 (SAG336G, KÍN108G)

Þetta námskeið fjallar um sögu Kína frá goðsögulegum tíma Xia-veldisins á þriðja árþúsundi f.Kr. fram að 1600. Varpað verður ljósi á jafnt þær breytur sem varðað hafa mestu um mótun kínverskrar menningar sem einstaka viðburði í pólítískri og samfélagslegri framvindu þjóðarinnar. Veitt verður yfirlit yfir tilkomu og þróun áhrifamestu kínversku trúarbragða- og hugmyndakerfa, einkum konfúsíanisma, daoisma og búddisma. Samskipti Kínverja við aðrar þjóðir verða í öndvegi.

Saga Kína II: frá Qing-veldinu til nútímans (SAG336G, KÍN108G)

Kennari: Amy Matthewson, SOAS Univeristy of London

Námskeiðið fjallar um sögu kínversku þjóðarinnar frá og með seinni hluta Qing-veldisins (1644-1912) og grennslast fyrir um þau innri og ytri öfl sem hafa haft veigamikil áhrif á stöðu Kína í alþjóðasamfélaginu. Tekin verða til rannsóknar þau sögulegu ferli í Kína sem leiddu til þróunar nútímaríkisins og hugað að gagnvirkum áhrifum þeirra á framvindu alþjóðamála. Í námskeiðinu er hafist handa við að veita stutt yfirlit yfir stofnun síðasta keisaraveldis Kína, Qing-veldisins. Síðan er vikið að veigamiklum breytum í sögu þjóðarinnar, t.d. heimsvaldastefnu, uppreisnum og byltingu í Kína, sem öll höfðu mikil áhrif á samskipti Kínverja við önnur ríki. Að því loknu verður fjallað um stofnun Alþýðulýðveldisins Kína, flótta stjórnar Þjóðernissinna til Taívan, stefnumál Mao Zedong, menningarbyltinguna og opnunarstefnuna. Námskeiðið er kennt á ensku og í fjarfundarbúnaði.

Kínverskur efnahagur (KÍN414G)

Efnahagssaga Kína síðustu 60 ára verður reifuð þar sem efnahagsþróun síðustu þrjá áratugi opnunar og umbóta verður rakin ítarlega. Efnahagskerfi Kína verður skoðað með sérstaka áherslu á vinnumarkað, skiptingu á milli dreifbýlis og þéttbýlis og samanburð við önnur Asíuríki. Staða ríkisfyrirtækja í efnahagslífinu verður rædd ásamt ýmsum hagstjórnarlegum viðfangsefnum, m.a. viðbrögð stjórnvalda við Asíukreppunni 1997 og alþjóðlegu fjármálakreppunni 2008. Í lokin verða viðskipti Kína við umheiminn skoðuð, m.a. aukin umsvif kínverskra fyrirtækja erlendis. 

Bókmenntaþýðingar: Kínverska og íslenska (KÍN418G)

Í þessu námskeiði verður fjallað um bókmenntasamskipti Íslands og Kína og lesnar verða ekki aðeins þýðingar, heldur líka frumtextar þeirra. Lesin verða verk eftir kínversku rithöfundana Lú Hsun (Mannabörn), Jang Mó (Brennandi æska), Can Xue („Lóðrétt hreyfing“) og Mo Yan („Töfralækningin“) og íslensku rithöfundana Halldór Laxness, Svövu Jakobsdóttur, Jakobínu Sigurðardóttur, Steinunni Sigurðardóttur og Einar Má Guðmundsson.

Nemendur fá þjálfun í þýðingarýni en þeir mega einnig vinna þýðingarverkefni að eigin vali.

Kínverska III (KÍN302G)

Um er að ræða alhliða námskeið í staðlaðri kínversku (mandarín, putonghua) fyrir byrjendur og framhald námskeiðsins kínverska II. Námsstigið miðast við HSK 3-4.

Nemendur dýpka þekkingu sína á kínverskri málfræði, bæta við orðaforða sinn og treysta þá kunnáttu sem þeir hafa þegar aflað sér.

Á þessu stigi er gert ráð fyrir að kennslan fari eingöngu fram á kínversku. Einnig er gert ráð fyrir miklu heima- og sjálfsnámi. 

Kínverskir textar I (KÍN207G)

Námskeið þetta einblínir á þjálfun lesskilnings og ritfærni með áherslu á hagnýta kínversku sem gagnast í daglegu lífi.

Kínversk málnotkun III (KÍN304G)

Námskeiðið er framhald námskeiðsins Kínversk málnotkun II og einblínir á frekari þjálfun á skilningi og tjáningu mælts máls. Uppistaða námskeiðsins eru æfingatímar til að þjálfa hlustun, skilning og tjáningu sem byggja á og útfæra námsefni námskeiðsins Kínverska III. Námsstigið miðast við HSK 3.

Ferlið og dygðin – Bókin um veginn – Daodejing – ritskýring (KÍN325M)

Í þessu námskeiði verður hið sígilda og áhrifamikla heimspeki- og trúarrit Daodejing lesið kafla fyrir kafla með það fyrir augum að gera grein fyrir inntaki textans í ljósi heimspekilegra og trúarlegra kenninga daoismans. Stuðst verður einkum við tvímála þýðingu Ragnars Baldurssonar sem nefnist á íslensku Ferlið og dygðin en jafnframt leitað fanga í öðrum erlendum þýðingum, túlkunum og skýringarritum. Kunnátta í kínversku ritmáli er kostur en ekki skilyrði fyrir þátttöku í námskeiðinu.

Konfúsíanismi (KÍN321G)

Konfúsíanismi (kínv. rujia eða ruxue) er heimspekileg, siðfræðileg og stjórnmálaleg stefna sem rekja má aftur um á þriðja árþúsund og hefur haft ómæld áhrif á samfélags- og menningarframvindu í Kína og raunar víðar í Austur-Asíu, t.a.m. í Kóreu, Japan og Víetnam. Inntak hennar er því sérlega mikilvægur lykill að skilningi á þessum menningarheildum, þá ekki síst hinni kínversku, eða eins og fræði- og athafnamaðurinn Liang Qichao komst að orði fyrir um öld síðan er konfúsíanismi vissulega ekki samheiti kínverskrar menningar í heild sinni en yrði hann fjarlægður væri lítið eftir af henni. Fyrstu fimm vikum námskeiðsins verður varið í kynningu á helstu hugtökum stefnunnar og þar með lestri á völdum köflum úr „fjórum höfuðritum“ (sishu) hennar, þ.e. Speki Konfúsíusar (Lunyu), Mensíusi (Mengzi), Einblínt á hversdaginn (Zhongyong) og Stórlærdómi (Daxue), í því skyni að gera grundvallarkenningar hennar aðgengilegar. Hér verður jafnframt skírskotað til helstu gagnrýnenda konfúsíanisma til forna, þ.e. daoista, móista og löghyggjunnar. Sjötta vikan er helguð framsögum nemenda um fyrri hluta námskeiðsins en því næst verður vikið að „endurreisn“ konfúsíanismans á miðöldum, svonefndan „nýkonfúsíanisma“, „Song-Ming konfúsíanisma“ eða „li-lærdóminn“ (lixue), sem fól m.a. að nokkru leyti í sér sambræðing við daoisma og búddisma. Í þessum hluta verður jafnframt vikið að þróun konfúsíanismans í öðrum menningarheildum Austur-Asíu. Loks skal gerð skil þeirri gerð konfúsíanisma sem verið hefur í mótun síðan eftir miðbik 19. aldar, er enn í fullu fjöri og leitast almennt við að bregðast við kröfum „nútímavæðingarinnar“ undir forystu vestrænna afla. Lokatíminn verður helgaður framsögum nemenda um efni seinni hluta námskeiðsins. Í námskeiðinu, sem kennt er á ensku, er gert ráð fyrir virkri þátttöku nemenda og talsverðum lestri um framandi og krefjandi hugsun. Nemendur eiga þess kost að skrifa 4 eininga ritgerð til viðbótar við námsmat námskeiðsins og uppskera þar með 10 einingar í heild.

Kínverski draumurinn og vegferð Kína í samtímanum (KÍN324G)

Í þessu námskeiði verður fjallað um kínverskt samfélag, menningu, stjórnmál og utanríkismál. Miðast er við að gefa nemendum víða sýn á kínverskt samtímasamfélag með því að fjalla ítarlega um valin umfjöllunarefni. Fjallað verður um kínverska drauminn, 中国梦 og varpað verður ljósi á uppruna hans, hvaða áhrif hann hefur á kínverskt samfélag og samskipti Kína við sjálfstjórnarhéraðið Hong Kong og eyríkið Taívan. Rýnt verður í ungmennamenningu, femínisma, Kína og Hollywood, kínverska tæknirisa og stjórnmál innan kommúnistaflokksins. Fjallað verður sérstaklega um kínversk utanríkismál, innviða- og fjárfestinga verkefnið Belti og braut, samskipti Kína og Bandaríkjanna, sem og utanríkisstefnu Kína. Námskeiðið er kennt á íslensku. 

Kínversk bókmenning í fornöld og á fyrri hluta miðalda (KÍN322G)

Í námskeiðinu verður veitt yfirlit yfir kínverskar bókmenntir frá fornöld (u.þ.b. 12. öld f.kr.) og fram á fyrri hluta miðalda (u.þ.b. 6. öld e.kr.) með hliðsjón af helstu menningarlegu og samfélagslegu breytum þessa viðburðaríka tímabils. Í upphafi námskeiðs skal veitt almennt yfirlit yfir heildartímabilið og stuttlega gerð grein fyrir kínverska ritmálinu en síðan verður námskeiðinu skipt upp í þrjú meginskeið bókmenntalegrar þróunar: Hið fyrsta einkennist af tilurð ritunar á Zhou veldinu og mótun rita sem síðar urðu sígild. Á öðru skeiðinu áttu sér stað gagnvirk tengsl bókmennta og uppbygging keisaraveldisins og fólust þau m.a. í mótun bókmenntastaðla og –tegunda (genres) og myndun tiltekinnar bókmenntastéttar sem hvort um sig hafði djúp áhrif á stefnu bókmenntaritunar. Þriðja og síðasta skeiðið, fyrri hluti miðalda, einkenndist af pólitískum óróa, innreið erlendra menningarheima og nýstárlegu sambandi milli bókmenntastéttar og miðstjórnar en allt varðaði þetta miklu um bókmenntaritun. Í námskeiðinu fá nemendur að kynnast helstu bókmenntum hvers hinna þriggja skeiða í enskum þýðingum.

Kínverskar kvennabókmenntir (KÍN323G)

Í námskeiðinu verður fjallað um bókmenntir eftir kínverska kvenrithöfunda allt frá 4. maí hreyfingunni árið 1919 fram til loka 20. aldar. Í námskeiðinu verða m.a. lesin verk eftir Bing Xin (冰心), Ling Shuhua (凌叔华), Ding Ling (丁玲), Xiao Hong (萧红), Zhang Ailing (张爱玲), Zhang Jie (张洁), Can Xue (残雪) og Wang Anyi (王安忆). Leitast er við að draga upp birtingarmyndir kvenna og karla í þeim verkum og kanna þær í sögulegu og menningarlegu samhengi.

Kínverska IV (KÍN403G)

Um er að ræða alhliða námskeið í staðlaðri kínversku (mandarín, putonghua) og framhald námskeiðsins kínverska III. Námsstigið miðast við HSK 4.

Nemendur dýpka enn skilning sinn á málfræði, auka orðaforða sinn og ná betri tökum á kínverskri tungu. Kennslan fer einungis fram á kínversku. Heimaæfingar og tímapróf verða tíð. Gert er ráð fyrir miklu heima- og sjálfsnámi.

Kínverskir textar II (KÍN309G)

Um er að ræða framhald námskeiðsins kínverskir textar I. Sem fyrr er einblínt á þjálfun lesskilnings og ritfærni með áherslu á hagnýta kínversku sem gagnast í daglegu lífi. Einnig fer fram undirbúningur fyrir HSK próf. Námsstigið miðast við HSK 3-4 og fer kennsla að langmestu fram á kínversku.

Kínversk málnotkun IV (KÍN407G)

Námskeiðið er framhald námskeiðsins Kínversk málnotkun III (KÍN304G) og einblínir á frekari þjálfun á skilningi og tjáningu mælts máls. Samræður munu eiga sér stað í tímum undir handleiðslu kennara. Heimaæfingar og tímapróf verða tíð og í námskeiðinu gildir mætingarskylda. Uppistaða námskeiðsins eru æfingatímar til að þjálfa hlustun, skilning og tjáningu sem byggja á og útfæra námsefni námskeiðsins Kínverska IV (KÍN403G) en tveir tímar í viku eru hlustunartímar sem fara fram í málveri Tungumálamiðstöðvar í Veröld - Húsi Vigdísar. Meginmarkmið námskeiðsins er að þjálfa hagnýta beitingu kínverskunnar.

Saga Kína I. Frá fornöld til um 1600 (SAG336G, KÍN108G)

Þetta námskeið fjallar um sögu Kína frá goðsögulegum tíma Xia-veldisins á þriðja árþúsundi f.Kr. fram að 1600. Varpað verður ljósi á jafnt þær breytur sem varðað hafa mestu um mótun kínverskrar menningar sem einstaka viðburði í pólítískri og samfélagslegri framvindu þjóðarinnar. Veitt verður yfirlit yfir tilkomu og þróun áhrifamestu kínversku trúarbragða- og hugmyndakerfa, einkum konfúsíanisma, daoisma og búddisma. Samskipti Kínverja við aðrar þjóðir verða í öndvegi.

Saga Kína II: frá Qing-veldinu til nútímans (SAG336G, KÍN108G)

Kennari: Amy Matthewson, SOAS Univeristy of London

Námskeiðið fjallar um sögu kínversku þjóðarinnar frá og með seinni hluta Qing-veldisins (1644-1912) og grennslast fyrir um þau innri og ytri öfl sem hafa haft veigamikil áhrif á stöðu Kína í alþjóðasamfélaginu. Tekin verða til rannsóknar þau sögulegu ferli í Kína sem leiddu til þróunar nútímaríkisins og hugað að gagnvirkum áhrifum þeirra á framvindu alþjóðamála. Í námskeiðinu er hafist handa við að veita stutt yfirlit yfir stofnun síðasta keisaraveldis Kína, Qing-veldisins. Síðan er vikið að veigamiklum breytum í sögu þjóðarinnar, t.d. heimsvaldastefnu, uppreisnum og byltingu í Kína, sem öll höfðu mikil áhrif á samskipti Kínverja við önnur ríki. Að því loknu verður fjallað um stofnun Alþýðulýðveldisins Kína, flótta stjórnar Þjóðernissinna til Taívan, stefnumál Mao Zedong, menningarbyltinguna og opnunarstefnuna. Námskeiðið er kennt á ensku og í fjarfundarbúnaði.

BA-ritgerð í kínverskum fræðum (KÍN241L)

BA-ritgerð í kínverskum fræðum. BA ritgerð ber að öllu jöfnu að skrifa á íslensku en í undantekningartilvikum er hægt að veita leyfi fyrir því að hún verði skrifuð á ensku, t.d. ef nemandi hefur ekki íslensku að móðurmáli. Ekki er unnt að skrifa lokaritgerð á öðrum málum.

Kínverskur efnahagur (KÍN414G)

Efnahagssaga Kína síðustu 60 ára verður reifuð þar sem efnahagsþróun síðustu þrjá áratugi opnunar og umbóta verður rakin ítarlega. Efnahagskerfi Kína verður skoðað með sérstaka áherslu á vinnumarkað, skiptingu á milli dreifbýlis og þéttbýlis og samanburð við önnur Asíuríki. Staða ríkisfyrirtækja í efnahagslífinu verður rædd ásamt ýmsum hagstjórnarlegum viðfangsefnum, m.a. viðbrögð stjórnvalda við Asíukreppunni 1997 og alþjóðlegu fjármálakreppunni 2008. Í lokin verða viðskipti Kína við umheiminn skoðuð, m.a. aukin umsvif kínverskra fyrirtækja erlendis. 

Bókmenntaþýðingar: Kínverska og íslenska (KÍN418G)

Í þessu námskeiði verður fjallað um bókmenntasamskipti Íslands og Kína og lesnar verða ekki aðeins þýðingar, heldur líka frumtextar þeirra. Lesin verða verk eftir kínversku rithöfundana Lú Hsun (Mannabörn), Jang Mó (Brennandi æska), Can Xue („Lóðrétt hreyfing“) og Mo Yan („Töfralækningin“) og íslensku rithöfundana Halldór Laxness, Svövu Jakobsdóttur, Jakobínu Sigurðardóttur, Steinunni Sigurðardóttur og Einar Má Guðmundsson.

Nemendur fá þjálfun í þýðingarýni en þeir mega einnig vinna þýðingarverkefni að eigin vali.

Kínverskar bókmenntir frá fyrri hluta nýaldar til samtímans (í þýðingum) (KÍN417G)

Námskeiðið tekur á þróun kínverskra bókmennta frá 16. til 21. aldar, hefst handa á hinu rómaða leikriti Rósarskálanum (e. The Peony Pavilion) eftir Tang Xianzu, sem var samtímamaður Shakespeares, og lýkur með skáldsögum Mo Yan, nóbelsverðlaunahafa ársins 2012. Lesnir verða þýddir textar úr kínverskum bókmenntaverkum, þ.e. smásögur, ljóð og kaflar úr leikritum og skáldsögum. Þýðingarnar eru að mestu á ensku en sumt er jafnframt aðgengilegt á íslensku. Í fyrirlestrum verður gerð grein fyrir þróun kínverskra bókmennta og dregin fram sérkenni ákveðinna tegunda (genres) þeirra og tímabila en í málstofum verða rædd tiltekin verk sem höfðu mikil áhrif á jafnt eigin samtíma sem síðari tíma. Einnig verður fjallað um viðfangsefni á borð við áhrif þýðinga á viðtöku bókmennta, konur sem höfundar og lesendur sem og áhrif pólitískra og samfélagslegra breytinga á ritun bókmennta. Hafi nemendur kunnáttu í kínversku gefst þeim kostur á að spreyta sig á lestri stuttra texta á kínversku.

Saga alþjóðasamskipta í Asíu (JAP201M, JAP401M)

Asía er stærst heimsálfanna og þar búa u.þ.b. tveir af hverjum þremur jarðarbúum. Asía hefur einnig í auknum mæli fest sig í sessi sem þungamiðja í efnahagslegum skilningi þar sem Kína, Japan og Indland eiga öll sæti á listanum yfir fimm stærstu efnahagveldi heims. Á sama tíma ríkir vaxandi spenna í álfunni sem m.a. skýrist af vígbúnaðarkapphlaupi kjarnorkuríkjanna, fjölda landamæradeilna, undiröldu þjóðernishyggju, eigna- og tekjuójöfnuði, sem og yfirvofandi umhverfis- og loftslagsvanda á stórum svæðum. Markmið námskeiðsins er að gefa nemendum breiða sýn á sögu alþjóðasamskipta í Asíu frá upphafi 20. aldar til dagsins í dag, með áherslu á helstu strauma og stefnur sem hafa mótað álfuna. Megináhersla verður lögð á Austur og Suðaustur Asíu.

Á námskeiðinu verður farið yfir: kynningu á löndum, menningarsvæðum og öðrum svæðaskiptingum innan Asíu, nýlenduvæðingu og sjálfstæðisbaráttu, heimsstyrjaldirnar í Asíu, kalda stríðið í Asíu, Japan á fyrri/seinni hluta 20. aldar, hlutverk Bandaríkjanna í álfunni, alþjóða- og svæðasamstarf (ASEAN, APEC, ADB), aukið vægi Kína og Indlands. Á námskeiðinu verður einnig farið yfir ýmis brýn mál í samtímanum allt frá „soft power“ stefnu til norðurslóðaáherslu valinna Asíuríkja.

Saga alþjóðasamskipta í Asíu (JAP201M, JAP401M)

Asía er stærst heimsálfanna og þar búa u.þ.b. tveir af hverjum þremur jarðarbúum. Asía hefur einnig í auknum mæli fest sig í sessi sem þungamiðja í efnahagslegum skilningi þar sem Kína, Japan og Indland eiga öll sæti á listanum yfir fimm stærstu efnahagveldi heims. Á sama tíma ríkir vaxandi spenna í álfunni sem m.a. skýrist af vígbúnaðarkapphlaupi kjarnorkuríkjanna, fjölda landamæradeilna, undiröldu þjóðernishyggju, eigna- og tekjuójöfnuði, sem og yfirvofandi umhverfis- og loftslagsvanda á stórum svæðum. Markmið námskeiðsins er að gefa nemendum breiða sýn á sögu alþjóðasamskipta í Asíu frá upphafi 20. aldar til dagsins í dag, með áherslu á helstu strauma og stefnur sem hafa mótað álfuna. Megináhersla verður lögð á Austur og Suðaustur Asíu.

Á námskeiðinu verður farið yfir: kynningu á löndum, menningarsvæðum og öðrum svæðaskiptingum innan Asíu, nýlenduvæðingu og sjálfstæðisbaráttu, heimsstyrjaldirnar í Asíu, kalda stríðið í Asíu, Japan á fyrri/seinni hluta 20. aldar, hlutverk Bandaríkjanna í álfunni, alþjóða- og svæðasamstarf (ASEAN, APEC, ADB), aukið vægi Kína og Indlands. Á námskeiðinu verður einnig farið yfir ýmis brýn mál í samtímanum allt frá „soft power“ stefnu til norðurslóðaáherslu valinna Asíuríkja.

Tungumál og leiklist (MOM401G)

Valnámskeið í leiklist fyrir nemendur í Mála- og menningardeild, á 2. og 3. ári BA-náms, er nýtt samstarfs- og tilraunaverkefni deildarinnar.

Námskeiðið er í tveimur hlutum. Fyrri hlutinn (3 vikur) er í umsjón bókmenntafræðings sem leiðir nemendur í gegnum lestur og skilning á verkinu.

Nemendur vinna með verkið á sínu tungumáli en kennslan fer fram á íslensku og nemendur geta nýtt sér íslensku þýðinguna ef vill.

Nemendur velja senur úr verkinu með sviðsetningu í huga.

Seinni hlutinn (9 vikur) er í höndum umsjónarmanns námskeiðsins (Ásta Ingibjartsóttir) með aðstoð kennara í þeim tungumálum sem eru skráð í námskeiðið.

Þessi hluti skiptist í upphitunaræfingar, slökunaræfingar og ýmis konar framburðaræfingar. Vinna nemenda felst í samvinnu að leita leiða við uppsetningu þeirra sena sem valdar voru í fyrri hlutanum.

Kennarar í þeim tungumálum sem taka þátt, koma inn í seinni hlutann og aðstoða við framburð og tjáningu í viðkomandi tungumáli.

Það er mikilvægt að nemendur vinni vel í fyrri hluta námskeiðsins; lesið verkið markvisst.

Kennslan fer fram í fyrirlestrasal Veraldar á miðvikudögum frá kl. 15:00 til 18:00 og er mæting forsenda þess að þetta tilraunaverkefni nái markmiðum sínum.

Markmið:

• Þjálfa tjáningu á markmálinu.
• Hópvinna.
• Kynna leikbókmenntir.
• Greining á leikbókmenntum.
• Efla sköpunarmátt tungumálanámsins.
• Uppsetning á völdum senum úr þekktu verki á mismunandi tungumálum.
• Efla samstarf milli greina í deildinni.

BA-ritgerð í kínverskum fræðum (KÍN241L)

BA-ritgerð í kínverskum fræðum. BA ritgerð ber að öllu jöfnu að skrifa á íslensku en í undantekningartilvikum er hægt að veita leyfi fyrir því að hún verði skrifuð á ensku, t.d. ef nemandi hefur ekki íslensku að móðurmáli. Ekki er unnt að skrifa lokaritgerð á öðrum málum.

Fjármálamarkaðir (VIÐ505G)

Í siðmenntuðum ríkjum mynda fjármálastofnanir stoðkerfi efnahagslífsins. Hlutverk þeirra er að styðja fólk og fyrirtæki í allri framleiðslu þeirra og framkvæmdum, sem og að liðsinna í áhættustjórnun, áhættu, sem fólk og fyrirtæki tekst á hendur. Afar mikilvægt er að öðlast skilning á tilgangi og innri virkni fjármálafyrirtækja, til þess að geta séð fyrir um hegðun þeirra og framþróun. Þannig má öðlast færni við að draga ályktanir um áhrif þessara stofnana á raunhagkerfið sjálft frá einum tíma til annars, í einu landi eða öðru. Þetta námskeið miðar af því að kynna fjármálafræði (e. theory of finance) í gegnum sögu fjármálastofnana og fjármálaþjónustu, svo sem banka, greiðslumiðlunar, tryggingafélaga, seðlabanka, verðbréfamarkaða og afleiðumarkaða. Farið verður yfir styrkleika þessara stofnana sem og ófullkomleika, til að varpa ljósi á það, hvert þessar stofnanir stefna til framtíðar. Íslenska bankahrunið býður upp á ótal dæmi, sem dreginn verður lærdómur af í gegnum allt námskeiðið.

Skapandi atvinnugreinar (VIÐ522G)

Markmið námsskeiðsins er að nemendur öðlist skilning á sérstöðu skapandi atvinnugreina og lista sem hvorutveggja eru háð styrkjum til framfærslu sinnar á sama tíma og hluti af sömu greinum eru í arðbærum rekstri. Jafnframt verður framtíð skapandi atvinnugreina skoðuð í ljósi aukinnar alþjóðavæðingar ekki síst í formi starfrænnar dreifingar.
Kennslan mun fara fram í formi fyrirlestra og umræðutíma og verða gestafyrirlestrar og kynningar fyrirtækja í skapandi atvinnugreinum eftir efnum.

Þetta námskeið er fyrir alla nemendur Háskólans og verður kennt ef nægt þátttaka fæst.

Einstaklingsskattaréttur (VIÐ501G)

Á námskeiðinu verður farið yfir meginreglur ísl. skattalaga um skattskylda aðila og skattskyldar tekjur þar á meðal hvaða gjöld heimilt er að draga frá þeim. Sérstök áhersla verður lögð á uppgjör tekjuskattsstofna hjá einstaklingum og sjáfstætt starfandi mönnum með úrlausnum á dæmum og raunhæfum verkefnum. Kynnt verður gerð skattframtals einstaklinga og hjóna svo og atvinnurekstrarframtals. Fjallað verður um ákvörðun hvers konar bóta og afslátta frá skatti. Farið verður yfir grundvallarreglur réttarfars í skattamálum, endurákvarðanir á sköttum og afleiðingar af vísvitandi röngum skattskilum. Veitt verður innsýn í meginreglur laga um virðisaukaskatt og tryggingagjald. Að námskeiðinu loknu er við það miðað að námsmaður geti talið fram fyrir einstaklinga og lítil fyrirtæki svo og kært skattákvörðun ef hún er röng að hans mati.

UII - viðskiptagreining og gagnavinnsla (VIÐ502G)

Markmið námskeiðsins er að kynna fyrir nemendum verkfæri upplýsingatækni sem nýtast við stefnumótun og ákvarðanatöku á sviði viðskiptalífsins. Lögð er áhersla á að nemendur auki færni sína í úrvinnslu gagna, skoðuð uppbygging gagnagrunna, vöruhús og SQL fyrirspurnamálið. Farið er yfir viðskiptagreiningu, gervigreind, gagnavísindi, rafræn viðskipti. Skoðuð helstu notkunarsvið og hvernig hún styður við stefnumótun og ákvarðanatöku í stjórnun og rekstri.

Áhersla er lögð á að leysa hagnýt verkefni með ýmsum verkfærum s.s. Excel, Access, SQLite og Power BI.

Ársreikningagerð A (VIÐ504G)

Námskeiðið er ætlað nemendum sem velja F- og R-línu (fjármál- og reikningshald). Markmið námskeiðsins er að nemendur öðlist þekkingu og skilning á atriðum sem stjórnendur fyrirtækja þurfa að tileinka sér til að geta lagt fram ársreikning samkvæmt viðurkenndum reikningsskilaaðferðum. Í námskeiðinu verður fjallað um helstu reglur í reikningshaldi sem gilda samkvæmt alþjóðlegum reikningsskilastöðlum og ákvæðum íslenskra laga. Farið verður yfir: formkröfur reikningsskila, rekstrarreikning, efnahagsreikning og sjóðstreymi. Meðferð tekna og kostnaðar, meðhöndlun birgða, viðskiptakröfur, varanlega rekstrarfjármuni, óefnislegar eignir, tekjuskatt, virðisrýrnunarpróf, bókun áhættufjármuna og skulda, skammtímaskuldir, langtímalán og eiginfjárliði. Verkefni verða lögð fyrir, skilaskylda er á verkefnum.

Inngangur að verkefnastjórnun (VIÐ506G)

Í námskeiðinu er viðfangsefnið lífshlaup og einkenni verkefna, markmið, verkgreining, sundurliðun verkþátta og flæðirit, áætlanagerð, aðfangastýring, lágmörkun verkefnatímans, áhættustýring, verkkaupin, verkefnastjórinn, verkefnateymið, hagaðila og samspil allra þessara þátta. Munurinn á Prince2 og hefðbundinni verkefnastjórnun. SixSigma í tengslum við verkefnastjórnun. Hvernig velja á milli verkefna?

Nýttir verða fjölbreyttir kennsluhættir; fyrirlestrar, umræður, verkefnavinna,  þar sem leitast er við að ýta undir áhuga, vikni og þátttöku nemenda.

Inngangur að mannauðsstjórnun (VIÐ509G)

The course covers the basic principles and techniques of human resource management (HRM). A practical view is taken to integrate the contributions of the behavioral sciences with the technical aspect of implementing HRM practices of recruitment, performance management, development, rewards and employee relations. Not everyone taking this course will become a human resource professional, although they will learn about the role of different HRM professionals in organizations. As this will be the only HRM course that many business students take it is intended to build the base for them as managers playing an integral role in implementing and carrying out HRM policies and practices in organizations. In addition, managers have to understand the HRM department and be able to communicate and cooperate with HRM professionals. The course is designed to be an interactive class as the subject matter of HRM is quite rich and complex. Therefore both preparation before class and participation in class are important factors of the learning process. Practical exercises and analysis of cases will take place in class.

Vinnumarkaðurinn og þróun hans (VIÐ510G)

Markmið með námskeiðinu er að kynna fyrir viðskiptafræðinemum helstu grunnatriði í vinnumarkaðsfræðum (industrial/employee relations). Rætt verður um skipulag á íslenskum vinumarkaði, tvískiptingu hans og rætt um mun á hinum almenna og opinbera vinnumarkaði. Fjallað verður um kenningar um vinnumarkaðinn og samskipti aðila vinnumarkaðarins, stofnanauppbyggingu, hlutverk einstakra aðila á vinnumarkaði (verkalýðsfélög, atvinnurekendur og ríkisvald). Fjallað verður um kjarasamninga (fyrirtækja- og vinnustaðasamninga), vinnulöggjöfina, verkföll og verkfallskenningar. Enn fremur farið í helstu réttindi og skyldur í vinnusambandinu, ráðningarsamband, samkeppnisákvæði.

Markaðsrannsóknir (VIÐ511G)

Fjallað er um markaðsrannsóknarferlið og mismunandi tegundir og aðferðir markaðsrannsókna. Gerður er greinarmunur á megindlegum og eigindlegum aðferðum og við hvaða aðstæður hvor aðferðir hentar betur. Fjallað er um fyrirliggjandi gögn og frumgögn og nemendur þjálfaðir í að vinna niðurstöður úr tölulegum gögnum og setja þær fram. Gert er ráð fyrir virkri þátttöku nemenda í fyrirlestrum, umræðum og verkefnavinnu.

Viðskipti og alþjóðasamskipti (VIÐ512G)

Námskeiðinu er ætlað að búa nemendur undir að starfa á vettvangi alþjóðaviðskipta, efla menningarlæsi þeirra og aðlögunarhæfni. Markmið námskeiðsins eru að nemendur: Þekki og geti beitt helstu kenningum um menningarlegan mismun og fjölbreytni. Hafi skilning á og séu meðvitaðir um eigin menningu, verðmætamat og viðhorf og áhrif þeirra á samskipti og hegðun. Hafi skilning á og geti greint vinnumenningu og þjóðmenningu. Hafi skilning á viðskiptum í fjölmenningarlegu samfélagi og samskiptum ólikra hópa. Geti aðlagað sig að fjölbreyttum aðstæðum og átt samskipti við einstaklinga og hópa frá ólíkri menningu. Nemendur taka þátt í fjölmenningarlegri hópvinnu, flytja fyrirlestra og skrifa skýrslur. Öll kennsla og samskipti í námskeiðinu fara fram á ensku.

Inngangur að vörumerkjastjórnun (VIÐ513G)

Markmið námskeiðsins er að nemandinn þekki vel til þeirra lykilþátta sem mynda markaðsmál með sérstakri og skarpri áherslu á stjórnun vörumerkja. Marmiðið er að nemandinn skilji lykiláherslur vörumerkjafræða og átti sig á hvernig einstakir þættir þess sviðs tengjast innbyrðis. Ekki síst er lögð áhersla að nemandi átti sig á tengingu vörumerkjafræða við stefnumótun, samkeppnisstöðu og aðgreiningu á markaði.

Gert er ráð fyrir virkri þátttöku nemenda í fyrirlestrum, umræðum og verkefnavinnu.

Heildahagfræði I (Þjóðhagfræði I) (HAG103G)

Markmið námskeiðsins er að veita nemendum innsýn í þjóðhagfræði, helztu kenningar hennar og hugtök, svo að þeir fái yfirsýn yfir helztu viðfangsefni þjóðhagfræðinnar og ýmis helztu lögmál efnahagslífsins, sem þjóðhagfræðin fjallar um. Áherzla er lögð bæði á fræðilegt inntak og hagnýtt gildi námsefnisins og tengsl þess við ýmis efnahagsmál, sem eru ofarlega á baugi á Íslandi og erlendis. Staðgóð þekking á þjóðhagfræði býr nemendur undir ýmis önnur námskeið, og lífið.

Inngangur að markaðsfræði (VIÐ101G)

Viðfangsefni námskeiðs eru markaðshugtakið, markaðsáherslur og tengsl markaðsfræðinnar við stjórnun og stefnumótun. Einnig er fjallað um greiningu á markaðsumhverfinu, greiningu á kauphegðun, stefnumótun markaðsmála, samkeppni og samkeppnisforskot. Að síðustu er fjallað um með hvaða hætti á að útfæra markaðsstarf svo árangur náist. Gert er ráð fyrir virkri þátttöku nemenda í fyrirlestrum, umræðum og verkefnavinnu.

Stærðfræði A (VIÐ102G)

Mikilvæg atriði úr námsefni framhaldsskóla rifjuð upp. Línuleg og ólínuleg föll. Prósentureikningur og grunnatriði í fjármálastærðfræði. Diffrun og hlutadiffrun. Hámörkun og lágmörkun með og án hliðarskilyrða, aðferð Lagrange.  Heildun. Undirstöðuatriði fylkjareiknings.

Inngangur að fjárhagsbókhaldi (VIÐ103G)

Námskeiðinu er ætlað að gera nemendur þokkalega læsa á ársreikninga hlutafélaga. Eðli og tilgangur fjárhagsbókhalds og reikningsskila verða í forgrunni. Kynntar verða þær meginforsendur og grundvallarreglur er reikningsskil byggja á. Sérstök áhersla verður lögð á samhengið milli einstakra kafla í ársreikningnum.
Stefnt er að því að nemendur geti greint mikilvægar upplýsingar í ársreikningi hlutafélags og túlkað þær fyrir þeim sem þurfa á þessum upplýsingum að halda.

Rekstrarhagfræði I (VIÐ105G)

Markmið námskeiðsins er að kenna nemendum grunnatriði í hagrænni hugsun og meginkenningum í rekstrarhagfræði þannig að þeir kunni skil á helstu hugtökum og notkun. Framboð, eftirspurn og teygni. Neytendahagfræði. Markaðir, skilvirkni og velferð. Skattkerfi og áhrif skattlagningar. Ytri áhrif, samgæði og auðlindir. Ósamhverfar upplýsingar, freistnivandi og hrakval. Kostnaður við framleiðslu, samkeppni, fákeppni, einokun. Vinnumarkaður, mismunun og tekjuskipting. Verkaskipting og verslun.

Fjármál I (VIÐ301G)

Markmið með námskeiðunum Fjármál I og Fjármál II er að nemendur tileinki sér:
* Aðferðir að meta gildi einfaldra fjármálagerninga á mismunandi tíma; að reikna til núvirðis mismunandi fjárstrauma peningalegra eigna, verkefna og fastafjármuna.
* Tækni, við fjármálastjórn og áætlanagerð fyrirtækja.
* Aðferðir, sem fjármálafræði býr yfir, þegar leitað er lausna á torveldum viðfangsefnum.

Lögfræði A - almenn viðskiptalögfræði (VIÐ302G)

Í námskeiðinu er farið yfir atriði í íslenskri lögfræði m.a. helstu réttarheimildir, uppbyggingu á íslensku réttarkerfi og stjórnsýslu. Þá verður farið yfir réttarsvið sem horfa ber til í daglegum viðskiptum.

Tilgangur námskeiðsins er að undirbúa nemendur undir viðfangsefni sem líkleg eru til þess að verða á vegi þeirra í störfum í viðskiptalífinu. Lögð er áhersla að nemendur fái kynningu á lögfræðinni til að geta betur greint lögfræðileg úrlausnarefni og tekið á þeim áður en þau verða að lögfræðilegum vandamálum.

Helstu viðfangsefni til umfjöllunar eru: Réttarheimildir, stjórnsýsluréttur, samningar, tilurð þeirra, túlkun og gildi, helstu reglur um lausfjárkaup og úrræði samningsaðila vegna galla og annarra vanefnda ásamt fullnustugerðum. Fjallað verður um gjaldþrotaskipti, kröfurétt, félaga- og samkeppnisrétt og persónuvernd.

Inngangur að alþjóðaviðskiptum (VIÐ303G)

Fjallað er um helstu kenningar í alþjóðaviðskiptum, umhverfi og þróun. Þá er fjallað um áhrif menningar í alþjóðlegum viðskiptum, alþjóðlega mannauðsstjórnun, erlenda fjárfestingu og staðsetningu framleiðslu. Fjallað er um mögulegar leiðir við alþjóðavæðingu fyrirtækja, kosti þess og galla fyrir fyrirtæki að hafa starfsemi erlendis, útrás íslenskra fyrirtækja og hvað má læra af sögunni, skipulag alþjóðlegs rekstrar, alþjóðlega markaðssetningu og þróunarstarf, alþjóðlegt samstarf og stjórnun. Þá verður fjallað um hvernig kreppur hafa áhrif á rekstur sem og heimsfaraldur á borð við Covid 19.

Vinnulag í viðskiptafræði (VIÐ157G)

Í námskeiðinu verður fjallað um námstækni, gagnrýna hugsun, siðferði, hópavinnu, samskipti, hlustun, skriflega framsetningu og kynningu á verkefnum. Nemendur vinna einstaklings- og hópverkefni af ýmsum toga. 

Markmið námskeiðs er að veita nemendum grundvallarfærni í faglegum vinnubrögðum í viðskiptafræði; meðal annars er lögð áhersla á að nemendur öðlist leikni við úrvinnslu heimilda.

Stjórnun fjölbreytileika (VIÐ416G)

Fjölbreytileiki er flókið og margþætt fyrirbæri. Í þessu námskeiði verður kafað inn í þetta flókna fyrirbæri með því að veita innsýn inn í félagsfræði, sálfræði, alþjóðasamskipti, mannkynssögu, stjórnun, viðskipti og rannsóknir um skipulagsheildir. Þetta námskeið er hannað með það að markmiði að byggja upp skilning á grunnhugtökum og grundvallarreglum í stjórnun fjölbreytileika, til að gera nemendum kleift að efla samskipti sín við fólk með mismunandi bakgrunn og eiginleika. Það er nauðsynlegt fyrir stjórnendur og starfsfólk skipulagsheilda að þróa fræðileg, hugtaka- og hæfniviðmið, til að auka skilning í þessu sérstaka samhengi og til að geta þróað áhrifaríkar leiðir í stjórnun fjölbreytileika.

Framtíðarvinnumarkaður (VIÐ622G)

Námskeiðið hefur þrjú megin markmið:
Auka þekkingu á framtíðarvinnustaðnum. Þekkja hvaða öfl það eru, sem hafa áhrif á breytingar, bæði á skipulagsheildir og einstaklinga.
Skapa tækifæri til að prófa sig áfram með þá hæfni, sem starf framtíðarleiðtoga krefst. Þróa og þroska leiðtoga- og stjórnunarhæfni nemenda.

Í námskeiðinu eru kennd grunndvallarhugtök og efnistök varðandi framtíðarvinnumarkaðinn og leiðtogafræði. Farið verður yfir hvaða þætti nauðsynlegt er að skoða, þegar framtíðarvinnumarkaður er greindur. Lýðfræði, borgarþróun og breyttar áherslur í ráðningum og starfsferli og tilfærsla á valdi.

Markaðsáætlanagerð (VIÐ602G)

Umfjöllunarefni námskeiðsins er gerð stefnumiðaðra markaðsáætlana. Farið er ítarlega í þá aðferðafræði sem tengist gerð markaðsáætlunar, allt frá greiningu markaðstækifæra til aðgerðaáætlunar. Fjallað er um aðferðir við að greina stöðu vöru eða þjónustu á markaði, hvernig móta á markaðsstefnu og hvernig samvali söluráðanna skuli hátta. Nemendur vinna stefnumiðaða
markaðsáætlun fyrir vöru eða þjónustu, 4 í hóp og er ætlað að koma sjálfir með tillögu að verkefnum fyrir skipulagsheild sem þeir vinna undir handleiðslu kennara.

Ársreikningagerð B (VIÐ603G)

Námskeiðið er beint framhald af námskeiðinu Ársreikningagerð A, sem kennt er á haustmisseri. Reiknað er með að nemendum þessa námskeiðs sé fullkunnugt efni fyrra námskeiðsins.
Í námskeiðinu verður fjallað um gildandi reglur í reikningshaldi samkvæmt IFRS og ákvæðum íslenskra laga. Umfjöllunarefni:  sjóðstreymi, tekjuskattur, hagnaður á hlut, fjármálagerningar, tekjuskráning, skuldbindingar, fjármögnunarleigusamningar, fastafjármunir til sölu og aflagður rekstur, fjárfestingaeignir, skuldbindingar, upplýsingar í ársreikningi og tengdir aðilar.

Verkefni verða lögð fyrir og er skilaskylda á þeim.
Áskilinn réttur til breytingar á námskeiðslýsingu.

Stýring fjármálasafna (VIÐ604G)

Fjallað verður um þá aðferðafræði sem liggur að baki ákvarðanatöku fjárfesta og fyrirtækja við myndun og stýringu eigna- og skuldasafna. Áhættustýring fyrirtækja verður einnig tekin fyrir.

Námskeiðið er kennt á ensku

Stefnumótun fyrirtækja (VIÐ609G)

Í upphafi námskeiðs er áherslan á umfjöllun um fagið og skilgreiningar á lykilhugtökum. Markmiðið er að nemandinn nái vel utan um þekkinguna og þau viðfangsefni sem fagið spannar. Síðan er viðfangsefnið greining á ytra umhverfi fyrirtækja og innra umhverfi þeirra. Markmiðið þar er að nemendur nái skilningi og færni í að meta stöðu fyrirtækjanna, þ.m.t styrkleika þeirra og þau tækifæri sem þeim bjóðast. Þá er farið yfir það sem ná þarf utan um í stefnumótun fyrirtækis, sérstaklega heildarstefnu og viðskiptastefnu. Að lokum er farið yfir það sem tryggir árangursríka framkvæmd stefnu. Nýttir verða fjölbreyttir kennsluhættir; fyrirlestrar, umræður, verkefnavinna,  þar sem leitast er við að ýta undir áhuga, vikni og þátttöku nemenda.

Tölfræði A (VIÐ263G)

Markmið námskeiðsins er að byggja traustan grunn undir notkun tölfræði í öðrum námskeiðum, í starfi og í daglegu lífi, og að gera nemendur talnagleggri. Efni: Lýsandi tölfræði. Líkindafræði: atburðir, líkur, hendingar, helstu dreifingar. Ályktunartölfræði. matsaðferðir, tölfræðileg próf. Línulegt aðhvarf.

Eindahagfræði II (Rekstrarhagfræði II) (HAG201G)

Námskeiðið er framhald af Inngangur að hagfræði/Rekstrarhagfræði I. Áhersla er lögð á nemar öðlist bæði víðtækari og dýpri þekkingu á kenningum hagfræðinnar. Það verður gert með því að gera frekari grein fyrir helstu kenningum í rekstrarhagfræði og sýna hvernig nota megi fræðin til að fjalla skipulega um margvísleg mál.

UI - tölvunotkun og töflureiknir (VIÐ201G)

Námskeiðinu er skipt í verklegan- og fræðilegan hluta.

Í verklegum hluta verður farið yfir helstu þætti Excel með áherslu á fjármálaútreikninga, gerð rekstrarlíkana og úrvinnsla gagna. Farið verður yfir hagnýt verkefni sem ætla má að komi nemendum að gagni í öðrum greinum námsins og í starfi síðar meir.

Í fræðilegum hluta verður leitast við að gefa nemendum yfirsýn yfir tölvunotkun í fyrirtækjum, innsýn í fræðilegar hliðar tölvunotkunar og þá þætti sem máli skipta í fjárfestingu og rekstri tölvukerfa.

Í námskeiðinu er gert ráð fyrir að nemendur hafi tölvu og þekkingu á notkun stýrikerfis.

Rekstrarbókhald (VIÐ204G)

Kynning á rekstrarbókhaldi. Kynnt verða fjölmörg kostnaðarhugtök og kostnaðargreining (núllpunktsgreining). Farið yfir helstu aðferðir við bókun framleiðslukostnaðar og skiptingu óbeins kostnaðar. Munurinn á rekstrarreikningi út frá aðferð fjárhagsbókhalds og með framlegðarútreikningi. Áætlanagerð, staðalbókhald og frávikagreining. Frammistöðumat deilda og afurða og skipting kostnaðar. Að námskeiðinu loknu eiga nemendur að hafa góðan skilning á mikilvægi rekstrarbókhalds við ákvarðanatöku um rekstur fyrirtækja.

Markaðsfærsla þjónustu (VIÐ205G)

Fjallað er um eðli og eiginleika þjónustu, þjónustuþríhyrninginn, þjónustugapið, kauphegðun í þjónustu, væntingar og skynjun ásamt mikilvægi þess að byggja upp varanlegt samband við réttan hóp viðskiptavina. Einnig er fjallað um hönnun þjónustu, staðla og viðmið, umgjörð þjónustu, hlutverk viðskiptavinar í árangursríkri þjónustuframkvæmd, hlutverk starfsfólks í árangursríkri þjónustuframkvæmd, jafnvægi framboðs og eftirspurnar þegar þjónusta er annars vegar, verðlagningu og hvað ber að hafa í huga þegar mótuð er kynningarstefna fyrir þjónustulausnir. Gert er ráð fyrir virkri þátttöku nemenda í fyrirlestrum, umræðum og verkefnavinnu.

Inngangur að stjórnun (VIÐ258G)

Meginmarkmið námskeiðsins er að nemendur kynnist grundvallar hugtökum, kenningum og aðferðum í stjórnun og forystu fyrirtækja og stofnana.  Nálgunin og sjónarhornið er út frá viðfangsefnum og hlutverkum stjórnenda og stjórnun mannauðsins.

Nýttir verða fjölbreyttir kennsluhættir; fyrirlestrar, umræður, verkefnavinna,  þar sem leitast er við að ýta undir áhuga, vikni og þátttöku nemenda.

Reikningsskil (VIÐ401G)

Námskeiðið er framhald af Inngangi að fjárhagsbókhaldi. Lögð er áhersla á færslutæknileg atriði í bókhaldi og við lokun uppgjörstímabils, niðurfærsla viðskiptakrafna, afskriftir varanlegra rekstrarfjármuna, viðskiptavild og aðrar óefnislegar eignir, birgðamatsaðferðir, afföll og yfirverð á skuldabréfum, ábyrgðarskuldbindingar, tekjuskattsskuldbinding o.fl. Flokkun áhættufjármuna og peningalegra eigna. Sjóðstreymi. Fyrirmæli laga um ársreikninga verða skoðuð rækilega og höfð hliðsjón af alþjóðlegum reikningsskilastöðlum, IFRS. Útreikningur tekjuskatts er tekinn til meðferðar. Lögð verða verkefni fyrir nemendur í því skyni að gera þá færa um að semja tiltölulega einfaldan ársreikning. Skilaskylt heimaverkefni.

Fjármál II (VIÐ402G)

Góðir stjórnarhættir og sérstaklega vönduð fjármálastjórnun hafa úrslitaáhrif á  rekstrarárangur fyrirtækja. Fjármál II er framhald af Fjármálum I þar sem meginviðfangsefnið er fyrirtækið sjálft og hvernig það er rekið í fjármálalegu tilliti.  Þá er farið yfir hvað eru góðir stjórnarhættir, hvernig hvatarnir liggja innan fyrirtækja og hvaða áhrif þeir kunna að hafa á fjárhagslega afkomu félagsins.  Meginviðfangsefni námskeiðsins er fjármálastjórnun, þ.e. fjármagnsskipan félagsins, skammtíma fjármögnun og langtímafjármögnun, gerð fjármögnunaráætlana, arðgreiðslur til hluthafa,  fjárfestingarákvarðanir félagsins, hlutskipti og hegðan þess á fjármálamarkaðnum sjálfum.  Þá verður einnig farið yfir þær ákvarðanir sem stjórnendur standa frammi fyrir þegar verulegir fjárhagserfiðleikar eiga sér stað.

Rekstrarstjórnun (VIÐ404G)

Rekstrarstjórnun. Líkanagerð. Skipulag framleiðslu. Samkeppnisstaða. Framleiðni. Þróun afurða. Afkastageta. Verksmiðjustaðsetning. Val á rekstrarkerfi. Eiginleikar mismunandi framleiðslukerfa; samfellt flæði, verkstæði, seríuframleiðsla, blanda kerfi, framleiðslulína háð vél, framleiðslulína háð starfsmanni, þjónustuverkstæði, fjöldaþjónusta og þjónusta sérfræðinga. Verksmiðjuskipulagning. Skipulagning vinnustöðva. Vinnurannsóknir. Markmið námskeiðsins er að kenna nemendum að nota ýmis líkön til að bæta rekstur framleiðslufyrirtækja. Nemendur fá þjálfun í að nota líkönin og er lögð áhersla á notkun EXCEL. Nemendur leysa verkefni,sem eru kynnt og rædd í tímum.

Tjáning og samskipti (VIÐ406G)

Markmið námskeiðsins er að þátttakendur: Geti tjáð hug sinn skýrt í töluðu máli, séu öruggir, áheyrilegir og í góðu sambandi við áheyrendur. Geti tjáð sig skýrt og markvisst í rituðu máli. Þekki fræðin um boðmiðlun á vinnumarkaði. Munnleg tjáning: Raddbeiting, framsögn og öndun. Áheyrileiki og samband við áheyrendur. Kvíði og aðferðir til að yfirvinna hann. Skýrt skipulag og efnistök. Tjáning á fundum og í smærri hópum. Skrifleg tjáning: Einföldun upplýsinga, skýrslugerð, gerð ferilskráa, skrif minnisblaða. Boðskiptafræði: Boðskiptamódel, aðgengi og notagildi upplýsinga, notendagreining. Nemendur taka þátt í verklegum æfingum, halda fyrirlestra, skrifa minnisblöð og skýrslur. Námskeiðið er kennt á ensku.

Stjórnun og skipulagsheildir (VIÐ415G)

Markmiðið er að nemendur öðlist þekkingu og skilning á því hvað skipulagsheild er og á því umhverfi sem skipulagsheildir starfa í. Fjallað er um hagsmunaaðila og hvernig má auka líkurnar á því að ná árangri og virðisauka í rekstri skipulagsheilda. Farið er yfir áhrifaþætti og áskoranir er varða hönnun skipu­­lags og siðferðislegar og samfélagslegar áskoranir. Komið er inn á hvernig ýmsar breytingar og þróun geta haft áhrif á ákvarðanatöku, skipu­lag, stefnu, starfsfólk og menningu. Að auki er fjallað um umbreyt­ingar og líftíma skipu­lags­heilda, sem og ágreining og völd.