Ritlist
Aukagrein
Í ritlist er lögð áhersla á frjóa hugsun og miðlun hennar í texta af ýmsu tagi, s.s. í ljóðum, smásögum, skáldsögum, bókmenntaþýðingum, leiktexta, greinum og öðrum þeim formum sem þátttakendur kalla til eða finna upp. Námið er í senn hagnýtt og listrænt.
Um námið
Markmið náms í ritlist á BA-stigi er að gera nemendur að betri pennum og búa þá undir framhaldsnám af ýmsu tagi, m.a. í ritlist. Námið nýtist vel á flestum sviðum mannlífsins.
Sjáðu um hvað námið snýst
Félagslíf
Ritlistarnemar hafa stofnað eigið félag, Blekfjelagið, og er tilgangur þess m.a. að standa að útgáfu á ritsmíðum ritlistarnema, efna til rýnifunda, upplestra, heimsókna í forlög og árshátíða. Blekfjelagið hefur tekið þátt í ýmsum viðburðum, s.s. upplestrum og útgáfu Jólabókar Blekfjelagsins. Einnig hefur Blekfjelagið staðið fyrir stuttum ritsmiðjum.
Hafðu samband
Skrifstofa Hugvísindasviðs er staðsett á 3. hæð í Aðalbyggingu Háskólans við Sæmundargötu 2. Skrifstofan er opin mánudaga til fimmtudaga frá kl 10:00–12:15 og 12:45–15:00 og á föstudögum frá kl 10:00–12:15 og lokað eftir hádegi. Hægt er að nálgast upplýsingar í síma 525 4400 eða með tölvupósti á netfangið hug@hi.is.
Nemendur við Hugvísindasvið geta einnig nýtt sér þjónustuborð í Gimli auk þess sem athygli er vakin á þjónustuborði Háskólans á Háskólatorgi.
