Skip to main content

Næringarfræði, doktorsnám

Næringarfræði

180 eða 240 einingar - Doktorspróf

. . .

Doktorsnám í næringarfræði felur í sér vísindaleg og tæknileg rannsóknarverkefni sem leiða til nýrrar þekkingar og nýsköpunar. Nemendur vinna að rannsóknum í samstarfi við kennara og aðra sérfræðinga, innanands og utan.

Um námið

Doktorsnám í næringarfræði er 180e/240e rannsóknaþjálfun.

Nemendur ljúka sem svarar eins árs námi í námskeiðum á sínu fagsviði og svo rannsóknaverkefni í samvinnu við kennara og aðra leiðbeinendur og sérfræðinga.

Að doktorsnámi loknu á nemandinn að vera vel undirbúinn að starfa sjálfstætt að vísindum.

Nánar

Rannsóknaáherslur í doktorsnámi

  • Næring viðkvæmra hópa
  • Lýðheilsunæringarfræði
  • Klínísk næringarfræði
  • Næringarefnafræði
  • Íþróttanæringarfræði
  • Næring þróunarlanda
  • Vöruþróun og neytendafræði

Inntökuskilyrði

Framhaldsnám

MS-próf í næringarfræði eða skyldum námsgreinum.

Hvað segja nemendur?

Atli Arnarson
Atli Arnarson
MS og PhD í næringarfræði

Mikill áhugi á lífeðlisfræði leiddi mig út í nám í næringarfræði en flestar rannsóknir innan næringarfræðinnar tengjast sterkt inn á þá fræðigrein. Ég hef starfað við ýmsar rannsóknir á Rannsóknastofu í næringarfræði, en mestur tími fer þó í doktorsverkefnið mitt sem fjallar um áhrif mjólkurpróteina á árangur styrktarþjálfunar og ýmsar heilsufarsbreytur meðal aldraðra. Ég hef einnig kennt sem  leiðbeinandi í verklegum æfingum í BS-námi í næringarfræði eftir að ég lauk sjálfur MS-námi í greininni. Áður en ég hóf undirbúningsnám fyrir MS-námið í næringarfræði lauk ég BS-námi í líffræði við Háskóla Íslands. Þessar fræðigreinar eiga vel saman.

Mynd að ofan 
Texti vinstra megin 

Að námi loknu

Að doktorsnámi loknu hefur nemandi öðlast vísindalega þjálfun og er vel í stakk búin til þess að stunda vísindastörf, meðal annars háskólakennslu eða sérfræðingsstörf við rannsóknastofnanir, og önnur ábyrgðarmikil störf í samfélaginu

Störf næringarfræðinga eru mjög fjölbreytt, til dæmi gæðamál og ráðleggingar um mataræði, áætlanir, eftirlit, vöruþróun og markaðsmál. Þeir starfa meðal annars hjá einkafyrirtækjum, rannsóknastofnunum, eftirlits- og stjórnsýslustofnunum, háskólum, öðrum menntastofnunum, og heilbrigðisstofnunum.

Texti hægra megin 

Dæmi um starfsvettvang

  • Klínísk störf
  • Rannsóknir
  • Vöruþróun
  • Markaðsmál
  • Kynningarmál
  • Kennsla
  • Stjórnun og ráðgjöf
  • Þróunarhjálp
  • Íþróttir

Félagslíf

Hnallþóra er félag matvæla- og næringarfræðinema við Háskóla Íslands. Markmið félagsins er að gæta hagsmuna nemenda og efla samstöðu meðal þeirra.

Hnallþóra heldur uppi öflugu félagslífi, þar á meðal eru árshátíðin og reglulegar vísindaferðir og heimsóknir til fyrirtækja og stofnana sem tengjast náminu.

Facebook síða Hnallþóru

Hafðu samband

Skrifstofa Matvæla- og næringarfræðideildar
Nýi Garður, 3. hæð
Sæmundargata 12,
102 Reykjavík.
Sími: 525 4999
mn@hi.is

Opnunartímar:
Mánudaga = lokað
Þriðjudaga – fimmtudags = opið 9 – 15
Föstudagar = opið 9 -12