Nýnemadagar

Háskóli Íslands býður nýnema velkomna með sérstökum nýnemadögum á haustin. Næst verða nýnemadagar haldnir 31. ágúst - 4. september 2026. Allir nýnemar og aðrir stúdentar eru hvattir til að taka þátt í dagskránni. Þar er boðið upp á skemmtilega viðburði og fræðslu um lífið og þjónustuna sem veitt er í Háskólanum. Dagskrá nýnemadaga fer að mestu fram á Háskólatorgi.  

Upplýsingaborð fyrir nýnema verður opið í nýnemavikunni frá kl. 10 - 14 á Háskólatorgi. 

Fulltrúar frá Stúdentaráði standa fyrir svörum á upplýsingaborðinu. Þar má fá svör við hinum ýmsu spurningum er varða námið, skólann, húsnæði, félagslíf, þjónustu og margt fleira.

Við hvetjum nýnema líka til að horfa þetta myndband þar sem farið er yfir allar helstu upplýsingar sem gott er að hafa á hreinu þegar þú hefur nám í Háskóla Íslands.

Það er tilvalið að óska eftir aðgangi að Facebook-síðu fyrir alla nýnema Háskólans sem er óháð námsleiðum og fræðasviðum og opin öllum sem eru að hefja nám við skólann. Á síðunni geta nýir nemendur leitað upplýsinga hver hjá öðrum og átt í óformlegum samskiptum á jafningjagrundvelli.

Endilega fylgstu með Instagram-reikningi Háskólans þar sem kynnt er ýmis þjónusta, stuðningur og félagslíf sem stendur nemendum til boða.

Kynning á þjónustu Háskólans

Liður í nýnemadögum er kynning á þjónustueiningum Háskólans og þá eru helstu þjónustustofnanir skólans með kynningarbása þar sem nemendur geta fengið svör við fjölmörgum spurningum. Kynningarnar eru mánudaginn 31. ágúst 2026 kl. 11:30 - 13:00 á Háskólatorgi.  

Nemendur geta til að mynda hitt starfsfólk frá: Nemendaráðgjöf, Alþjóðasviði, Nemendaskrá, Tungumálamiðstöð, Ritveri, Landsbókasafni og Smáuglunni – appi Háskóla Íslands.
Á staðnum eru líka fulltrúar frá: Stúdentaráði, Sjálfbærni- og umhverfismálum, Háskólakórnum, Háskóladansinum, Félagi hinsegin stúdenta og Félagsstofnun stúdenta sem rekur Bóksölu stúdenta, Leikskóla stúdenta, Stúdentagarða, Stúdentakjallarann og fleira. 
 

Gönguferð um háskólasvæðið

Nýnemum og öðrum nemendum býðst að rölta með fulltrúa nemenda við Háskóla Íslands í Háskólagöngunni.  Farið verður um svæðið og litið inn í allar helstu byggingar skólans. Þú færð einnig að heyra alls kyns sögur og fróðleik um starfið í byggingunum og á háskólasvæðinu. Lagt er af stað frá upplýsingaborði fyrir nýnema á Háskólatorgi kl. 12:30 mánudaginn 31. ágúst.  Einnig er hægt að skoða myndband af rölti um svæðið og fræðast um staðsetningar bygginga.  

Tónleikar

Á nýnemadögum er alltaf leitast eftir því að bjóða upp á hádegistónleika og undanfarin ár hefur það þá verið í tengslum við og upphitun fyrir komandi Októberfest sem stúdentaráð stendur fyrir í kjölfar nýnemadaga. Sjá nánar í viðburðadagatalinu á Uglu. 

Háskólakórinn og Háskóladansinn

Á nýnemadögum mun Háskólakórinn syngja fyrir gesti og gangandi á Háskólatorgi og kynna starfsemi sína og þá mun Háskóladansinn einnig kynna sína starfsemi ásamt því sem félagsmenn munu stíga sporið.Spurningaleikur fyrir nýnema

Spurningaleikur fyrir nýnema verður í Uglunni á nýnemadögum en þar verður spurt um ýmislegt sem tengist háskólalífinu. Glæsilegir vinningar í boði, s.s. gjafabréf í Stúdentakjallarann og Bóksölu stúdenta, háskólapeysur, kaffikort ofl. 

Þjónusta NemendaráðgjafarNemendaráðgjöf veitir víðtæka þjónustu meðal annars náms- og starfsráðgjöf, sértæk úrræði í námi og prófum, sálfræðiþjónustu, námstækninámskeið, Tengslatorg og fleira. Fulltrúar Nemendaráðgjar sjá um kynna þjónustuna á kynningardeginum 31. ágúst en einnig verða sérstakir kynningaviðburðir í boði á nýnemadögum. Sjá nánar í viðburðadagatali Uglu.Taktu hluta af náminu erlendis Alþjóðasvið verður með sérstakan kynningarbás á þjónustukynningunni 31. ágúst og býður þar upp á örkynningu um tækifæri á námsdvöl erlendis.

Fótboltamótið, Djúpa laugin, HÍ/HR dagurinn og Ólympíuleikar nýnemadagaFótboltamótið: Árlegt nýnemamót Stúdentaráðs í fótbolta fer venju samkvæmt fram á nýnemadögum. Mótið verður haldið á grasfletinum framan við Aðalbyggingu og þar geta allir nemar tekið þátt í fótbolta með sínu nemendafélagi og er hvert lið skipað 7 keppendum, þar af þarf að vera einn nýnemi. Keppt verður 2x7 mín og eru glæsilegir vinningar í boði fyrir sigurvegarana sem og liðið í skemmtilegustu búningunum. Félagslífs- og menningarnefnd Stúdentaráðs mun búa til viðburð á Facebook og auglýsa vel til nemendafélaganna og nemendur því hvattir til að fylgjast vel með.

Djúpa laugin: Stúdentaráð Íslands útbýr sína eigin útgáfu af stefnumótaþættinum "Djúpu lauginni" þar sem nemendafélög HÍ mætast í lauginni, eða nánar tiltekið í Stúdentakjallaranum. Viðburður sem enginn nýnemi má missa af!

HÍ/HR dagurinn: Fulltrúar HÍ og HR mætast í æsilegum og mis-íþróttamannslegum kappleikjum á svokölluðum HÍ/HR degi. Stuðningsfólk er mikilvægasti leikmaðurinn og því eru öll hvött til að mæta og styðja sitt lið. Atið fer fram á malarstæðinu fyrir framan Októberfest-svæðið en nánar verður tilkynnt um tímasetningu þegar nær dregur.

Ólympíuleikar nýnemadaga: Ólympíuleikar nýnemadaga fara einnig fram á nýnemadögum. Þar etja kappi fulltrúar alla nemendafélaga við HÍ og sem fyrr er það ekki síst stuðningsfólkið sem spilar stærstu rulluna! Félagslífs- og menningarnefnd Stúdentaráðs hefur veg og vanda af viðurðahaldinu í samstarfi við nemendafélögin og er áhugasömum bent á að skrá sig til leiks í gegnum sitt félag. Nánari upplýsingar um tímasetningu koma þegar nær dregur. 

Fræðasvið skólans eru einnig með nýnemamóttökur. Nýnemamóttökur fræðasviða er að finna í viðburðadagatali og eftir sviðum hér neðar á síðunni.