Aurora-bandalagið, sem byggir á Aurora-háskólanetinu, er samstarf öflugra alhliða rannsóknarháskóla sem leggja ríka áherslu á að efla samfélagslega nýsköpun og gera nemendum betur kleift að takast á við stærstu áskoranir samtímans.Í fyrsta áfanga samstarfsins verður í forgangi að hámarka samfélagsleg áhrif rannsókna, auka fjölbreytni, jafna tækifæri og stuðla að nýsköpun í kennslu og námi með þátttöku nemenda. Það er einstakt tækifæri fyrir Háskóla Íslands að taka þátt í þessu verkefni með Aurora-bandalaginu. Í upphafi verður áhersla á fjögur meginsvið í samstarfinu: Sjálfbærni og loftslagsbreytingar Stafrænt samfélag og alþjóðleg borgaravitund Heilsa og vellíðan Menning: Margbreytileiki og sjálfsmyndir Í hverju felst samstarfið? Innan hvers áherslusviðs ætlum við að stuðla að markvissu samstarfi milli akademískra starfsmanna háskólanna um að búa til sameiginleg námskeið og námsleiðir Innleiða ný hæfniviðmið fyrir samfélagslega nýsköpun í námskeiðum háskólans Skapa fjölbreytt tækifæri fyrir nemendur til að stunda hluta af námi sínu við aðra Aurora háskóla Á næstu þremur árum ætlar Aurora að vera komið vel áleiðis í langtímamarkmiði sínu um að verða sameiginlegur og alþjóðlegur vettvangur háskólanáms, rannsókna og þjónustu við samfélög. Hver eru helstu markmiðin næstu þrjú árin? Þjálfa frumkvöðlahugsun og getu hjá fjölbreyttum hópi nemenda til að takast á við stórar og flóknar samfélagslegar áskoranir Gera starfsfólki kleift að nýta rannsóknarinniviði og rannsóknaþjónustu hjá hinum Aurora háskólunum Auka samstarf í námi, rannsóknum og nýsköpun við nemendur og samfélagið í heild, bæði innanlands og á alþjóðlegum vettvangi Leiða með fordæmi með því að vera frumkvöðlar á sviði sjálfbærni og minnka kolefnisfótspor okkar í þágu Heimsmarkmiða Sameinuðu þjóðanna Hvernig er samstarfið styrkt? Aurora-bandalagið hefur hlotið sjö milljóna evra styrk frá Framkvæmdastjórn Evrópusambandsins sem hluti af flaggskipi þeirra European Universities áætluninni, sem er ætlað að styrkja evrópskt háskólakerfi í harðri samkeppni við háskóla annars staðar í heiminum. Gert er ráð fyrir að hægt verði að sækja um viðbótarstyrki til Evrópusambandsins til frekara samstarfs. Viltu vita meira um starfsemi Aurora-bandalagsins?Skoðaðu vinnupakkanaMiðlæg vefsíða Aurora-bandalagsins Hvernig stuðlar Aurora-bandalagið að sjálfbærni? emailfacebooklinkedintwitter
