Jafnréttisdagar
Á Jafnréttisdögum gefst fólki tækifæri á að kynnast því starfi og þeim hugmyndum sem hafa verið að gerjast í jafnréttismálum í háskólasamfélaginu. Viðfangsefni Jafnréttisdaga er jafnrétti í víðum skilningi og að dögunum koma flestir þeir aðilar sem starfa að jafnréttismálum innan háskólans. Fræðileg umfjöllun og fjölbreyttir viðburðir einkenna Jafnréttisdaga í Háskóla Íslands.
Jafnréttisdagar verða næst haldnir 6.-9. febrúar 2023.
Tilkynning um áreitni og ofbeldi
Hægt er að tilkynna annars vegar um kynferðislega eða kynbundna áreitni eða ofbeldi innan Háskóla Íslands og hins vegar um einelti og annað ofbeldi.
Jafnrétti í kennslu: Gátlisti
Á vef jafnréttismála í Háskóla Íslands má meðal annars finna upplýsingar og gátlista fyrir kennara um samþættingu jafnréttissjónarmiða við kennslu.
Hugmyndin um samþættingu jafnréttissjónamiða gerir ráð fyrir því að stofnanir flétti sjónarmið jafnréttis inn í daglegt starf. Kennsla og rannsóknir eru meginþættir starfsemi Háskóla Íslands og mikilvægt að jafnréttissjónarmiða gæti þar. Í gátlistanum er sjónum beint að því hvernig best sé að flétta jafnréttissjónarmið inn í kennslu.
Hafðu samband
Nánari upplýsingar um jafnréttisstarf Háskólans má nálgast með því að senda tölvupóst á netfangið jafnretti@hi.is