Framhaldsnám | Háskóli Íslands Skip to main content

Framhaldsnám

Framhaldsnám - á vefsíðu Háskóla Íslands

Hjúkrunarfræðideild býður upp á fjölbreytt framhaldsnám sem opnar nýja möguleika fyrir hjúkrunarfræðinga og ljósmæður á öllum sviðum heilbrigðisþjónustu og á vettvangi háskóla. Hvort sem ætlunin er að starfa sem klínískur sérfræðingur, vísindamaður, kennari, stjórnandi eða leiðtogi veitir framhaldsnám þér tækifæri til að hafa áhrif á gæði og þróun heilbrigðis og velferðar fólks.

Meistaranám og diplómanám á meistarastigi er að jafnaði skipulagt sem blandað nám með tveimur staðkennslulotum á misseri og fjarkennslu að öðru leyti. Í sumum tilvikum verður um stað- og fjarnám að ræða samtímis í fjarkennsluvikum. Að jafnaði er kennt aðra hvora viku og er gert ráð fyrir rauntímafjarkennslu en nemendum er bent á að kynna sér vel kennslutilhögun hvers námskeiðs. Skyldumæting er í staðkennslulotur. Nemendum er jafnframt bent á að þau námskeið sem kennd eru í öðrum deildum eru að öllum líkindum kennd með öðrum hætti og er það á ábyrgð nemenda að kynna sér tilhögun þeirra.

Dagsetningar staðkennslulota haustmisseris munu liggja fyrir í júní og dagsetningar staðkennslulota vormisseris munu liggja fyrir í nóvember.

Sjá nánari upplýsingar, myndbönd og bæklinga undir Kynningarefni.

ATH: Eyðublað - stutt greinargerð sem fylgja þarf umsóknum um MS nám, diplómanám í svæfingarhjúkrun/skurðhjúkrun og ljósmóðurfræði til starfsréttinda.

Hjúkrunarfræðideild er í samstarfi við marga af fremstu háskólum heims. Lagður er metnaður í að bjóða framúrskarandi nám sem stenst ströngustu alþjóðlegar kröfur og eru útskrifaðir nemendur eftirsóttir starfsmenn.

Nemendur í framhaldsnámi fá tækifæri til að vinna að klínískum rannsóknum með fræðimönnum Hjúkrunarfræðideildar. Rannsóknirnar taka til alls æviskeiðs mannsins, heilsu og þróunar heilbrigðisþjónustu.

Námsleiðir í boði

 
 
 
Tengt efni
Upptaka frá fjarkynningu um framhaldsnám við Hjúkrunarfræðideild

Þarfnast þessi síða lagfæringar?

Þarfnast þessi síða lagfæringar?

CAPTCHA
Sía fyrir ruslpóst
Image CAPTCHA
Skrifaðu stafina sem sjást á myndinni.