Háskólinn og samfélagið | Háskóli Íslands Skip to main content

Háskólinn og samfélagið

Netspjall

Háskólinn og samfélagið er heitið á nýrri fyrirlestraröð sem rektor Háskóla Íslands hleypir af stokkunum á árinu 2018. Viðfangsefni fyrirlestraraðarinnar verða af ýmsum toga en eiga það sameiginlegt að hafa verið áberandi í samfélagsumræðunni síðustu misseri.

Best fyrir börnin

Í fyrstu fræðslufundaröðinni, sem hefst 18. janúar, verður velferð barna og ungmenna í brennidepli. Sú fundaröð hefur fengið nafnið „Best fyrir börnin“ og þar verður fjallað um ótal þætti sem snerta velferð barna og ungmenna, s.s. andlega líðan, hreyfingu, svefn, læsi, mataræði og samskipti.

Markmiðið með fundaröðinni er að dýpka sýn bæði almennings og fagfólks á vandamál og lausnir á mikilvægum samfélagslegum þáttum og styðja fjölskyldur og samfélag í því að tryggja velferð barna og ungmenna.

Á fyrirlestrunum er stefnt saman virtum rannsakendum úr Háskóla Íslands og fagfólki víðar úr samfélaginu sem allir eiga það sameiginlegt að vinna með börnum og ungmennum. Alls verður boðið upp á sex fyrirlestra á fyrri hluta árs 2018.

Upptaka af erindum í fundaröðinni og stutt myndbönd tengd henni er að finna hér að neðan.

Dagskrá fundaraðarinnar Best fyrir börnin:

Athugið að dagsetningar eru birtar með fyrirvara um breytingar.

18. janúar kl. 12 – Er þetta ekki bara frekja? Samspil kvíða og hegðunarvanda barna – Urður Njarðvík, dósent við Sálfræðideild
8. febrúar 17.00-18.30 – Ræðum í stað þess að rífast.  Mikilvægi samskipta fyrir þroska barna og ungmenna – Hrund Þórarins Ingudóttir, lektor við Uppeldis- og menntunarfræðideild, og Sigrún Aðalbjarnardóttir, prófessor við sömu deild
22. mars kl. 12 – Af hverju skiptir útlit máli? Áhrif hugsana um eigið útlit á líðan ungmenna  – Andri Steinþór Björnsson, prófessor við Sálfræðideild
17. apríl kl. 12 – Hvernig má styðja við læsi heima? – Freyja Birgisdóttir, dósent við Sálfræðideild, Sigríður Ólafsdóttir, nýdoktor við Menntavísindasvið Háskóla Íslands, Dröfn Rafnsdóttir, verkefnisstjóri hjá Miðju máls og læsis hjá Reykjavíkurborg, Þóra Sæunn Úlfsdóttir, talmeinafræðingur og læsisráðgjafi hjá Miðju máls og læsis.
9. maí kl. 12 – Börn og unglingar á yfirsnúningi – mikilvægi næringar og svefns fyrir unga Íslendinga – Ingibjörg Gunnarsdóttir, prófessor við Matvæla- og næringarfræðideild, og Erna Sif Arnardóttir, nýdoktor við Læknadeild
28. maí kl. 12 – Hvernig höldum við gleðinni í íþróttastarfi á tímum afreksmennsku? – Viðar Halldórsson, dósent við Félags- og mannvísindadeild Háskóla Íslands, Gunnar Valgeirsson, prófessor við California State University, og Stefán Arnarson, handknattleiksþjálfari og íþróttastjóri KR. 

Þarfnast þessi síða lagfæringar?

Þarfnast þessi síða lagfæringar?

CAPTCHA
Sía fyrir ruslpóst
17 + 1 =
Leystu þetta einfalda dæmi. T.d. ef dæmið er 1 + 3, settu þá inn 4.