Safnafræði
120 einingar - MA gráða
Uppbygging framhaldsnámsins við Háskóla Íslands miðast að því að auka skilning nemenda á flestum þáttum hefðbundins safnastarfs og samþáttun fræðilegra vinnubragða, rannsókna og kenninga. Áhersla er lögð á að gefa nemendum kost á að kynnast ítarlega safnastarfi og jafnframt að fylgjast með því sem hæst ber erlendis. Heimsóknir á söfn og menningarstofnanir eru mikilvægur þáttur í náminu.
Um námið
Námið er 120 einingar, þar af 30 eininga lokaverkefni, og lýkur með MA-prófi. Full námsframvinda á einu misseri miðast við 30e. Allir sem lokið hafa BA- eða BS-prófi með fyrstu einkunn (7,25) eða sambærilega prófgráðu geta sótt um að innritast í MA-nám í safnafræði.
Fjarnám
Til að auðvelda aðgengi að náminu er boðið upp á fjarkennslu í diplómanám í safnafræði og nám í safnafræði til MA-prófs. Fjarnámið er byggt upp í samvinnu við margvísleg söfn út um allt land og símenntunarstöðvar Háskóla Íslands í hverjum landshluta
MA nám:
BA, BS, B.Ed.próf með fyrstu einkunn eða sambærilegt próf.
Diplómanám:
BA, BS, B.Ed. próf eða sambærilegt próf.
Sjáðu um hvað námið snýst
Félagslíf
Stúdentakjallarinn er veitingastaður, kaffihús og skemmtistaður. Hann er staðsettur á neðstu hæð Háskólatorgs. Þar er aðstaða fyrir tónleika, fundi og annað félagslíf nemenda og er opið frá morgni til kvölds alla daga vikunnar.
Hafðu samband
Nemendaþjónusta Félagsvísindasviðs er á
Þjónustutorgi í Gimli
Netfang: nemFVS@hi.is
Sæmundargötu 10, 101 Reykjavík
Opið virka daga frá 9 - 15
Sími: 525 4500
